Amosa 5:1 - Iaai Bible 1901 (New Caledonia)

¹ LAP anyi Isaraela lö, long ju hofuc ang wale oge me ha hnân khumöng tenge gubun.

Amosa 5:1 ပူးပေါင်းရင်းမြစ်များ

Jeremia 18:13

Anyin a wale, walang hna ha hnö Iehova, ka habe, Hnö thʼ öbun unyin ta je hnyei, ie at ame löng je ûnyi a helâe a hia but ânyâ ûnyi ae ti kong hnen hluiny Isaraela.

Jeremia 7:29

Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Jeremia 9:17

Walang hna ha hnö Iehova tuhan sabaoth, ka habe, Ûnykûme ju Öbun, ke hawâ thö je momo tenge, mʼ adre me he jem: ke hom dö je momo ae metâ, mʼ adre me he jem:

Jeremia 9:20

Omomo lö, long ju hofuc ho Iehova, ke tevehlöng ju ifucin hnyimen, nâ thö lakubun wahlu ge bongon tenge thungaû, ke ve nâ thö je lawaebun ge khumöng tenge.

Jeremia 9:9

Hawa, oge me ca he ka senʼ ödra can ta je ûnyi e? haingö Iehova: hawa ame ca be hanuk ka bi hwaban ka hnyei a helâe?

Ezekiela 19:1

KE so u ma hwân ka tenge ge je taben Isaraela,

Ezekiela 26:17

Ke adre me he ka tenge thungaû gam, me ha köu, ka habe, Ekölö ge hna ohiö u waleji a labâ hnen aten köiö, taun ae lung, me hwege hnyi köiö, e me tavat adre me labâ, tavat adre me ooti ödra hia tavat adre me he hnyin!

Ezekiela 27:2

Nokon at lö, u me he ka hai khumöng tenge ge Turo;

Ezekiela 28:12

Nokon at lö, hai thö khumöng tenge ge thaniny Turo, me ha kâu, ka habe, Walang hna ha hnen Than Iehova, ka habe, U hnân okeceâ haten ae bekhot, ae unöngöt ge metâ, ke bekhot hmanenanginy.

Ezekiela 32:16

Walang khumöng tenge adre me he ka hai; ame he wahluiny je hnyei ka khumöng tengiâ; adre me he ka khumöng tenge gan, ge Aigupito, me aten hia ae se, haingen Than Iehova.

Ezekiela 32:2

Nokon at lö, hai thö khumöng tenge ga Farao than Aigupito, me ha kâu, ka habe, Adre me oûcû u me nak lionainy ta je hnyei: ke u helâ me tanimoiny köiö; kʼ ame patrutruâ ânyâm je wagewe, ke i u je obwebwelâ köiö ge li cam, me ohâeâ anyidra ta je wagewe.

Amosa 3:1

JE lakon Isaraela lö, long ju hofuc ang wale a ha Iehova ûcûbun, ûcon lap hia oge hom ûheny hnyi hnyei Aigupito, ame ha, ka habe,

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Amosa 5:16

Anyin a wale, walang hna ha hnen Than Iehova Khongon sabaoth, ka habe, Adre me he ka tenge hnyi ta je gethen ae lau hia; ke adre me he ka ha hnyi ta je hna cit gethen hia, ka habe, Ekölö! ekölö! he adre me he ka hawâ thö tavat belök mʼ adre me tenge, ke tavat ae khanʼ ödra tenge he ka tenge thungaû.

Amosa 8:14

Tavat adre me khemanyinâ hulöiny Samaria me ha, ka habe, Dana lö, kia inya Khongom; ke kia inya gethen ûheny Bere-seba; ke adre me he ka ta, ke adre me ca he hmetu bi ka tot.

Mika 2:4

Hnyi ûen eling adre me he ka hai ûhoûcû gabun me tenge thungaû gan hmâ me ha, ka habe, Adre ti öba wan gata; e a hia but wia jekhon lakeik: ekölö ge hnen hna hom e ûnyi gak! e ame khenâ ita ta hnyei ka tavat ûkhin fuc.