Amosa 4:9 - Iaai Bible 1901 (New Caledonia)

⁹ Oge hia but kuc öbun ge meleca me löhau: ke haba wahamon ame an hnyiganiny ibun ta hnyei, me ibun je hnyei vine, me halebun je meta, me halebun je elaio: ke so bi öbun e ca hmetu könya haingo Iehova.

Amosa 4:9 ပူးပေါင်းရင်းမြစ်များ

I. Je Than 8:37

Ame ne hu hmiâ hnyi hnyei, ame ne mok ae cap, ame ne ut me löhau me wahamon me ihmâ; ame ne theling ödrin je iwahnaihmiony mödrin hnyi hnyeiny anyidrin je taun; ame ne hu vec, ame ne hu mok;

II. Man Ûlabainy Je Than. 6:28

Ke a ne hu hmiâ hnyi hnyei, kʼ ame ne mok ae cap, kʼ ame ne ut, me löhau, me wahamon, me ihmâ; kʼ ame ne theling ödrin iwahnaihmiony mödrin hnyi hnyei adre me bi anyidrin je taun hnyin; ame ne ke je vec ame ne ke je mok;

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 50:11

Wâ bi, öbun hia thithö tavat öbun e hu meic, öbun e igigili öbun bi ge je okûnû: vheno thö melaminy hlögubun meic me je okûnû öbun e vâc. Öbun e he ka hu ûnyi gak; wale öbun e he ka mokut hnyi hlöuhlöu.

Isaia 9:12

at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Jeremia 3:10

Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Hosea 11:5

E ame ca he bi ka hmetu ka hnyi hnyei Aigupito; kʼ ame he bi at Asuria ka tuhan, anyin adre me höcö he ka hmetu.

Joela 1:4

Haba kolon ame hna ge lakon wahamon, me ame han e hnen wahamon veto, ke haba ju hna hna hnen wahamon veto, me ame han hnen oböu, ke haba hna hna hnen oböu, me ame han hnen walewi.

Joela 1:7

Ke e ame oba wan anyik vine, me thu anyik imeta: kʼ ame okalaötâ e, me degec; ke hau but je vheiny.

Joela 2:25

Ke oge me he ka bi hwaban köbun je huna, waleji a an hnen wahamon veto, me oböu me wale wi, me nokon wahamon, wale anyik utbavat ae gan oge kunâ köbun.

Amosa 4:6

Ke oge hia but ham köbun je nyu ae ba tiren hnyi anyibun je taun hia, me ohmiâ jeû hnyi je hnobun hia: ke so bi öbun e ca hmetu könya haingo Iehova.

Amosa 4:8

Waleling me me he lo li taun ame ne kun ka hnyi taun a khaca he ka ic köiö, kʼ adre me beic bala bi: ke so bi öbun e ca hmetu könya haingo Iehova,

Habakuka 3:17

Eja ke ne a ne ca vhong imeta, Ke ba wan hnyi je ivine; Eja ke ne a ne ba hna huliwan elaio, Ke ba jeû hnyi je hna belök; Eja ke ne adre ne subâ degecâ hnahat meno hnyi hak, Ke ba but kau hnyi je hnyeuleny meno:

Hagai 2:17

Oge me kuc öbun ge meleca me om, me we wahma hnyi ta je huliwa hia anyin je hnyamöbun; ke so bi öbun e ca hwio könya haingö Iehova.

Malaki 3:11

Ke oge me he ka thawâ hobi köbun at ame ohia, ke e ame ca he ka ohia jeûiny könöbun kânâ; ke ame ca he ka ba wan halebun vine hnyi ta hnyei, haingö Iehova tuhan sabaoth.

Deuteronomi 28:22

Ame he Iehova ka kuc u ge delâ, me kahwa unyin, me hngihngidra, me kahwainy meic, me hele vat, me meleca, me om; kʼ adre me he ka hnu u ke ne o but u me mokcu.

Deuteronomi 28:42

Haba halem je ûö me wan kânâm kânâ, me ame he je wahamon ka han.