Amosa 4:12 - Iaai Bible 1901 (New Caledonia)

¹² Anyin a wale, oge me he ka ânyâ helâe köu Isaraela: ke can anyin oge me he ka ânyâ helâe köu, penapena thö he ka iouny me Khongom, Isaraela.

Amosa 4:12 ပူးပေါင်းရင်းမြစ်များ

Isaia 32:11

Öbun je momo adre me laba wia lö, öbubuny ju; tavat adre me laba monu lö, ot ju: uny jut me me ba ûkhaû, ke hûkölö hnamejibun ju mano ae gan nân.

Isaia 47:3

Ame he ka manen ânyâm hmehma, eke, adre me he ka wâ unyâm: oge me he ka bi hwaban, oge me ca he ka betenge ge ke at.

Isaia 64:2

helâ me meic ame vâc je ong utö, me ame citröu köiö ge meic: he ka omanenâ iâm ka ta je iwahnaihmiony möu, me me öbubuny je hnyei hnyi hnyimâkâm!

Jeremia 5:22

Hawa, öbun e ca outö nya? haingö Iehova: ke öbun e ca be ka öbubuny gak, at ame ip öny hnân hnyigöulen köiö, hoton hnanyibu ae tethmâ, mʼ adre me ca he bi ka hanyâûâ e.

Ezekiela 13:5

Öbun e ca hia but ölö ka hnyi je dok ae khekhe, ke öbun e ca okhötâ hna up haginy lap anyi Isaraela, me me tot hnyi vat hnyi bong bongu Iehova.

Ezekiela 22:30

Ke oge me elâm gadra at he ka op hagik hak, me tot hnyi hnyi-makök hnyi dok ae khekhe hobi kâu hnyei, mʼ oge me ca he ka ohia e: ke ba bi at oge me wâ.

Hosea 13:8

ke oge me he ka ûkhanö mödra helâ me bea adre me hûgûnâ lakon, ke oge me he ka kia thamuâ tangen oûnykûmidra: ke oge me he ka ön ödra eling helâ me liona; ame he ka oloû kiʼ ödra hnen menoiny hnyot.

Amosa 2:14

Ke ame he ka ba but hnabâ anyin at ae hâhâ can, kʼ ame ca he at ae hwege ka oâ tang hwegien, kʼ ame ca he at ae gan ka omelo e bi:

Mataio 24:44

Anyin a wale laba penapena thʼ öbun: anyin a hnyi ûen öbun e ca ûnykûme bi ame he ka o but Nokon at.

Mataio 5:25

Logotö ûsoköu me iwahnaihmiony möu, u ka tiga tha u me hnyi gethen, wâ e nye hnö u but iwahnaihmiony möu ka at owisa, ke at owisa ame hnö u but ka at tue, me e ame khûö u thö ka hnyi uma ce at.

Hna Omanenâ 3:3

Anyin a wale ûnykûme ju hwakecin hnâm hna kap me löng; ke kât hmâ ju e me ietra. Ke u je ne ca hmâkâ, me oge me he ka o helâ me at venöu, kʼ ame ca he ka khanö u ûen oge me he ka o hnyin köu.