Amosa 4:1 - Iaai Bible 1901 (New Caledonia)

¹ LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Amosa 4:1 ပူးပေါင်းရင်းမြစ်များ

I. Je Than 16:24

Ke e ame ûco ûnyi ga Semeri ong bucen Samaria hwaban lo li talan sileva; ke e ame bi uma hon bucen, me hwenyi ien taun e ame op, me, Samaria, hoton ien at a iny ehac, jia Semeri.

Jobu 20:19

Anyin a e ame hia but okongoâ me hna degecâ tavat ae theduoc; Kʼ ame hia but hûgûnâ uma a ca otilânen.

Jobu 24:4

Ödrin e osaûâ tavat ae theduoc ûnyi hnyi gethen: Haba tavat ae hnyikânâ eang hmelen me ödrin e lubaduöng.

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 140:12

E khauö nya but a gʼ ame he Iehova ka ânyâ wisa ka at ae vec, Me owisa ka at ae theduoc.

Salamo 22:12

E se hia je bolok adre me igigili nya: Kʼ ame tot igigili nya ta je bolokiny Basana hnyat ae hwege.

Ta je Vejec 22:7

Ame he at ae tren omjeû ka muso ta je theduoc, Kʼ ame he at ame më sumâtâ ka bi athnyabainy at ame më ham.

At Khet 4:1

KE oge me hmetu me wâ je hna seda hia hmelen seûno: ke wâ bi je deköien tavat adre me oveci ödra, ke ba at ame hadruʼ ödra; ke tren hwege tavat adre me oveci ödra, ke ba at ame hadruʼ ödrin bi.

At Khet 5:8

U je ne wâ hna okongoâ at ae theduoc, kʼ adre me ne hûgûnâ hwegiâ hna owisa me ûnyi ae ûcû hnyi ke keihen hnyei, ca uthmâhmâ bi ge ûnyi eling: anyin ae hu at ae gan hon tavat ae beönua ame wâ; ke e hu bi ae beönua hudra.

Isaia 28:1

EKÖLÖ ge koronainy bigan anyin tavat adre me monu ge grâg hnyi hnyei Eferaima, me vongon ame meleca ge hmainy ae hmanenang, wale hnyi ban hnyigöulen bucen ae pipikhenya anyin tavat adre me ngâ ge waina.

Isaia 5:8

Ekölö ge tavat adre me bi hanen ke uma ka ke uma, ke bi hanen ke utkânâ me ke utkânâ, ke ne o but ame ba dok hnân laba hnyin, mʼ öbun biju öbun e hake laba hnyi wanben hnyei!

Isaia 56:12

Haingodra, ka habe, Ai öbun, oge mâ he ka hok waina, ke otin e he ka ijem gânâ grâg; he bong nyi ame he ka helâ me bong ang, bong ae gan me pason he ka ha.

Isaia 58:6

Hawa, ca walang bi ca han oge me wek? a gʼ adre me he ka hna baûâ at adre me ca monoâ, ke thang je toiny ûnyi hnân ûhûkâlâköuâ, ke hna baûâ tavat adre me oveci ödra, ke, thamuâ je hna ûhûkâlâköuâ hia thithö.

Jeremia 50:11

Anyin a öbun e senyin me hobâ, tavat adre me soh ik, anyin a öbun e ututut helâ me nak kau at ame utö wan hwit, me kuku helâ me je hors ae hwege;

Jeremia 50:27

Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Jeremia 51:34

A hia but ön nya hnö Nebukaneza than Babulona, e ame hia but ohmöiöngi nya, e ame wiö nya me kaia ae ba onyen; e ame utö nya helâ me tanimo; e ame osekunâ e ge anyik ta je ûnyi ae ti senem; e ame obö nya kâû.

Jeremia 6:6

Anyin a hia but Iehova tuhan sabaoth ha, ka habe, Sö but ta je ûö, ke hlu thö goranyai kânâ cicö Jerusalema: wale taun adre me he ka bi hwaban; ae ti hu ûöveci eû hnyin e.

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Ezekiela 18:12

ke a hia but iyawâ at ae vec me at ae theduoc, ke hûgûnâ omjeû, ke ame ca ohmeto haten, ke ame hia but bwele göranyai ka je idola, me ânyâ ûnyi ae ikiki,

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Ezekiela 22:29

Haba tavat aten hnyei adre hia but ûöveci, me hûgûnâ omjeû; eke, adre hia but okongoâ ta je hna ovecâ, me tavat ae theduoc, me sedâ atkanyua hnen ûnyi ae ca wisa bi.

Ezekiela 22:7

Ödrin e ca hia but oûnyihnathoâ je kamen me hinyen unyâm; ödrin e hia but seda atkanyua hnyi wanbâm: ödrin e hia but okongoâ at a mokcu kamen, me je safac unyâm.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Ezekiela 39:18

Ke öbun e he ka an utioiny tavat ae hwege, ke ijem dren je taben eang hmelen, ke je mamoe baga, me je nokon mamoe, me je got, me je bolok, a je meno hia ae pipikhenya ûnyi hnyi Basana.

Joela 3:3

Ke adre hia but ugleköbâ lakeik; kʼ adre ham da me hwaban momo hnyi gethen, kʼ adre ûcû waina me hwaban hlu, mʼ adre me he ka ic.

Amosa 3:1

JE lakon Isaraela lö, long ju hofuc ang wale a ha Iehova ûcûbun, ûcon lap hia oge hom ûheny hnyi hnyei Aigupito, ame ha, ka habe,

Amosa 3:3

Hawa, ame he ka tha he li at a lo, e ka ca tha hnyekudru bi?

Amosa 5:11

Anyin a öbun e uto at ae theduoc, me hûgûnâ gan je hok hwit: anyin a wale öbun e ca he ka labâ je uma öbun e hia but op ge veto adre tretrao: kʼ öbun e ca he ka ic wainainy je hnyei vine öbun e belökâ.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Amosa 6:6

tavat adre me ijem waina ûnyi hnyi je utkaia, kʼ adre me ka sûâ wakaco ae so; ke adre me ca hmak bi ge vec anyin Josefa.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Numera 21:33

Ke adre me hwiö me he hnyi gethen Basana: me ame o but Oga than Basana ködra, a e me lakeiny hia, me me vat hnyi Ederi.

Deuteronomi 24:14

U me ca he ka ovecâ at u me hawâ he ka huliwa, a at ae theduoc ke ba ta ûnyi gan, ame ne liamekeiny mou, ame ne atkanyua hnyi em hnyei hnyi ânyâm je taun:

Deuteronomi 28:33

Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua: