Amosa 3:12 - Iaai Bible 1901 (New Caledonia)

¹² Walang hna ha hnö Iehova, ka habe, Adre me he ka hûgûnâ lakon Isaraela tavat adre me laba hnyi Samaria hnyi kopiny hna mokut, helâ me at tuö mamoe ame hûgûnâ ûnyi hnyi hnyimen liona li can, ame ne ke keihen hnyikonyen.

Amosa 3:12 ပူးပေါင်းရင်းမြစ်များ

I. Je Than 20:30

Ke ame kec dö je kolon Afeka ai ka hnyi taun; me ame ta takoû je kolon ge hak veto, a ödrin twente seven thauzan. Ke ame kec dö Ben-adada ka hnyi taun ka hnyeule eiö hnyin.

I. Je Than 20:34

Haba Ben-adada ame ha kâu, ka habe, Haba je taun a hûgûnâ cica ge kâmâm, oge me he ka hna; ke u me he ka ânyâ je gethen hnyi Damaseko hobi köu, helâ me hnö cica hna ânyâ hnyi Samaria. Ke hai-Dgö Ahaba, ka habe, Oge me he ka hnö u me ûhihinyköu ang. Me e ame ânyâ ûhihinyköu më, me hna but e.

I. Je Than 22:25

Ke haba Mikaia ame thu, ka habe, Wâ bi, u me he ka wâ hnyi bong u me he ka didro ka hnyi hnyeule eiö hnyin he ka lubaduöng.

II. Je Than 16:9

Me haba than Asuria ame long kâu: me ame he than Asuria Damaseko ai, me hûgûnâ e, me hom tavat adre hom bâ Kira ai, me hlingö Rezina.

Esetera 1:6

adre me uhno mano ae hau, me udrudrâ löhau, me udrudrâ, me ohmâ ge je tö ae hau a lino ae ûhnyû kong nân me udrudrâ hlit ka hnyi je otru sileva, me je hmolom veto oût ae hau; ke gol me sileva je hna mokut ame tot bon hna bi dek veto ae dra, me hau, me mat, me hlit.

Esetera 7:8

Ke ame hmetu than ûheny hnyi utkânâiny umen than ka hnyi dok adre ic waina hnyin; ke wale Hamana ame ta hon hna mokut hnen Esetera. Me haingen than, ka habe, E ame he minya ka lelö momo than unyik hnyi uma? Kʼ ame tiga he but hofuc ûnyi hnyi hnyimen than, me adre me tube hnyimakö Hamana.

Salamo 132:3

E hnathu oge me ca he ka dit ka hnyi uma menâ a umök uma, Me ölö ka hnyi hon hnok hna mokut;

Isaia 17:7

Hnyi bong eling ame he at ka bwela ka At a op e, ke ame he li emakan ka wâ Kabi Isaraela.

Isaia 31:4

Anyin a walang hna ha hnö Iehova könya, ka habe, Ame fuc hnyinʼ liona me nak liona hon haniny adre me ne hawâ tavat tuö mamoe ae se hia ûcon, kʼ ame ca outen ifucidra, kʼ ame ca iyâû ge imediödra; ke helâe ame he Iehova tuhan sabaoth ka utut he ka vat hnyi hon bucen Ziona, ke hon hutiny eling.

Isaia 8:4

Anyin ae ka tiga ca khana wanakat he ka ha, ka habe, Cica ke bai, me adre me he ka hom je omjeûiny Damaseko me je hna söh hnyi Samaria hnyi hnyimakan than Asuria.

Amosa 6:4

tavat adre me mokut hon je hna mokut a nyon elefan, me hlöhlöu hon hnöjra je ong hna mokut, tavat adre me an lakon je hnahat mamoe, me lakon kau ûnyi hnyi hnyin uma;

Amosa 9:8

Wâ bi, e bi li emakan Than Iehova hon dokhu ao kong, ke oge me he ka ohia e ûnyi hnyi hon kânâ; ke so bi oge me ca he ka ti ohia hia lap anyi Jekob, haingo Iehova.