Amosa 2:4 - Iaai Bible 1901 (New Caledonia)

⁴ Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Amosa 2:4 ပူးပေါင်းရင်းမြစ်များ

II. Je Than 17:19

Ke haba Juda minya ame ca tuö je hnanyibu anyi Iehova Khongudrin, ke odrin e vheno je hnanyibu anyin je than Isaraela waleji ödrin e otilâ.

II. Man Ûlabainy Je Than. 25:14

Ke haba hnyi ûen ame o hmetu thö Amazia ûheny hnyi hna kot at Edoma, me e ame hom je khongon je laku Seira, me otilʼ ödrin hnân je khongon, me nom ködrin, me leû utö ae bo so ködrin.

II. Man Ûlabainy Je Than. 30:7

E so öbun e ca he ka helâ me lakamöbun, me je liamekeiny möbun, tavat adre me ânyâ hwakecin ae kong kö Iehova, Khongon lakamödrin, me e ame hnʼ ödrin he ka ba wan, helâ me hnobun hna wâ.

Nehemia 1:7

Ohmun e hia but ânyâ hwakecin ae kong hmonyin köu, me ca tuö je hnanyibu, me je hna hûna, me je hna owisa, waleji u je hûnakö Mose a athnyabaem.

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Isaia 28:15

Anyin a öbun e ha, ka habe, Öhmun e hia but ûhihinyköu me mok, ke öhmun e tha hien me hedis; e ka o thö okongon ae: bahihingölö, ame ca he ka o kohmun; anyin a öhmun e hia but wia thoi me hnân anyihmun hnabâ, ke öhmun e hia but ikhölö hmelen iyawo:

Isaia 44:20

E ame han dröu: kʼ ame omono e ge hnyok adre iyawö, me me ca khana he ka omelo hanon me ha, ka habe, Hawa, e ba thoi hnyi hnyam a metök?

Jeremia 16:11

me u me he bi ka ha kodra, ka habe, Can lakamöbun ödrin e hna degeci nya, haingö Iehova, me hnu hoton je khong, me bi athnyaba ködrin, me khudrung ködrin, ke adre me hna degeci nya bi, me ca tuö bi anyik hnanyibu;

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 17:27

Ke öbun e ne ca ling nya he ka okabâ bong sabath, me he ka ca hije hok, me didro ka hnyi je homagouleny Jerusalema hnyi bong sabath; awe, oge me he ka hû meic hnyi ta je homagouleny e, ke ame he ka an je uma umen je than hnyi Jerusalema, ke ame ca he ka mok.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Jeremia 8:9

A hmehma but tavat metâ, adre me monumonu but, me hnok dö: wâ bi, adre hia but hna degecâ hofuc ho Iehova; ke ieû bongon metâ unyidra?

Jeremia 9:14

ke adre hia but hnu hoton ihwegien hnyekudra, me je Baala, waleji a nʼ ödra hnen laka-mödra:

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Ezekiela 20:16

anyin adre me hûkotiâ hnok je hna owisa, me ca vheno anyik je hnanyibu, ke adre me okongoâ anyik je sabath: anyin a je hnyekudra ame hnu hoton je khongudrin.

Ezekiela 20:18

Ke oge me ha ka lakudra hnyi hnyebuba, ka habe, Ca vheno bi öbun whakecin lakamöbun, me ânyâ hnödra je hna owisa, me okongu öbun ge anyidra je idola:

Ezekiela 20:24

anyin adre me ca hia but ânyâ hnok je hna owisa, ke adre me hûkotiâ anyik ta je hnanyibu, kʼ adre me okongoâ anyik ta je sabath, ke adre me hnyimakodra ka ta je idola anyin lakamödra.

Ezekiela 20:30

Anyin a wale, ha thö ka lap anyi Isaraela, ka habe, Walang hna ha hnen Than Iehova, ka habe, Hawa, öbun e okongu öbun minya hoton hwakecin lakamöbun? ke hawa, öbun e bi ûnyi monu hoton anyidra ta je ûnyi ae ikiki?

Ezekiela 22:28

Ke haba je perofetainy adre hia but botru hobi kodra ge dröu ae kong, adre me wâ ûnyi ae ûnyi baû, me bi khong thoi ködrin, me ha, ka habe, Walang hna ha hnen Than Iehova, ke a ca ha bi Iehova.

Ezekiela 22:8

U je hia but hûkotiâ hnok je hna okabâ, me okongoâ anyik je sabath.

Hosea 12:2

Ke hu ivino anyi Iehova me Juda, ke e ame he ka bi hwaban kö Jekob hoton deny je gethen; e ame he ka bi hwaban kâu hoton hnen hna ânyâ.

Hosea 12:3

E ame kât ohmâiny can liamekeiny më hnyi hnyok; ke e ame ûjöng ka Khong hnyi anyin hmai:

Hosea 6:11

Ke u minya Juda lö, adre hia but thu bongon subö hwit hobi köu, waleji hnyi hnok hna ohmeto lakeik ûhedra hnyi hna bâ.

Amosa 1:3

Walang hna ha hnö Iehova, ka habe, Can kun ta monuiny Damaseko, eke, can vak, me oge me ca he ka ohavâ hwaban e; anyin adre hia but kokot at Gileada hnen je ûnyi hnân huje hwit a fao:

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Mika 6:12

A unöngötö tavat tren omjeû ge ûokonguny, kʼ ame fuc thoi tavat adre me labâ e, kʼ ame iyawo je bohmödra hnyi je hnyimödra.

Habakuka 2:18

Ieû troban hnatheat me me huliwan e hnen at ame op e; me idola adre oköiâ, me at ame nâ thoi, me me labageju kâu at ame huliwan bi, he ka ânyâ je idola ae hum.

Roma 1:25

anyin a adre me wia thö hnathu anyin Khong me me thoi bi, me khudrung me huliwa ka ke ûnyi adre op, kʼ at hna bi At a Up ödra, wale a hnân haisoâ nyiele balua. Amen.

I. Thesalonika 4:8

Anyin a wale, haba at ame hota degecâ, me e ame ca hota degecâ at, ke Khong bi, wale at ame ham köbun Hanon ae Kap.

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;

Owisa 10:6

Ke haba lakon Isaraela adre me ânyâ hmeto bi ûnyi ae kong hnyi hnyimakö Iehova, me bi athnyaba ka je Baala, me Aseira, me je khongon Suria, me je khongon Zidona, me je khongon Moaba, me je khongon laku Amona, me je khongon at Filisiti; ke adre me digic Iehova me ca bi athnyabainy.