Amosa 2:3 - Iaai Bible 1901 (New Caledonia)

³ ke oge me he ka subâ degecâ at owisa hnyi wanben e, me tha hlingâ e me ta je taben hia hnyin e, haingo Iehova.

Amosa 2:3 ပူးပေါင်းရင်းမြစ်များ

Jobu 12:21

E ame hingâlâ but ûöhûköti hon je than, Kʼ ame thang wen hnyekon tavat ae hwege.

Salamo 141:6

Ame hugutâ anyidra tavat owisa ka hnyi ta je kic; Me adre me he ka long hok ta je hofuc anyin aa hnebwia.

Salamo 2:10

Anyin a wale metâ thʼ öbun je than: Ke haba öbun hnyat owisa eang hmeledrany, hitangen ju hna ûne.

Isaia 40:23

at ame oûnyûkongo me oba je than; at ame wia tavat owisa hmeledrany mʼ adre me ûnyi baû bi.

Jeremia 48:25

Adre me subâ degecâ faoiny meno anyi Moaba, ke ame hmetru thö benyin, haingö Iehova.

Jeremia 48:7

Anyin a hnyi hnâm hna labageju ka ânyâm ta je huliwa me tang omjehem, adre me he ka hum u minya: ke ame he Kemosa ka hnyi bâ me anyin tavat bihut, me anyin je taben.

Amosa 5:12

Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule.

Amosa 5:7

öbun tavat öbun e wia hna owisa me me helâ me khöhlöng, me khûâ hnyikânâi hwakecin ae wisa;

Amosa 6:12

Hawa, ame he ta je hors ka wadring hon kic? kʼ ame he at ka wia kânâ eling hnen ta je bolok? anyin a öbun e hia but wia hna owisa ka hnyi waada, ke wan hwakecin ae wisa ka hnyi khöhlöng:

Numera 24:17

Oge me wâ e, ke ca walang ang: Oge me wâ e, ke ca hakekeny bi: Ame he ka o okhû ûheny unyi Jekob, Kʼ ame he ka kû haten musi ûheny unyi Isaraela, Kʼ ame he ka kot je ke keihen Moaba Me okongoâ je laku Setha.