Amosa 2:10 - Iaai Bible 1901 (New Caledonia)

¹⁰ Ke oge me hum öbun minya ûnyi hnyi hnyei Aigupito, ke lili öbun hnyi hnyebuba fâte je huna, mʼ öbun e he ka hu hnyei iny at Amora.

Amosa 2:10 ပူးပေါင်းရင်းမြစ်များ

Nehemia 9:21

Eke, fâte je huna u je hat ödrin hnyin hnyi hnyebuba, e ba ke ûnyi ae hia gadrin; a ca amam bi anyidrin je ûkhaû, ke a ca khibi je cadrin.

Salamo 95:10

Hyni ta je huna a fâte oge me wâ dö ang me iny vec gadrin, Me haingök dö, ka habe, Hnyei ang ame he monu ta je hnyekudra; Ke ca khanʼ ödra dek ta je gethen:

Esodo 12:51

Me haba hnyi bong heling, Iehova ame hom lakon Isaraela ûnyi hnyi hnyei Aigupito hoton anyidra je dö.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Ezekiela 20:10

Ke oge me hum ödra ûnyi hnyi hnyei Aigupito, me hum ödra ka hnyi hnyebuba.

Amosa 3:1

JE lakon Isaraela lö, long ju hofuc ang wale a ha Iehova ûcûbun, ûcon lap hia oge hom ûheny hnyi hnyei Aigupito, ame ha, ka habe,

Amosa 9:7

Lakon Isaraela lö, hawa öbun ûcû me at Aithiop könya? haingo Iehova. Hawa, oge me ca su at Isaraela ûhedra hnyi hnyei Aigupito, ke at Filisti ûhedra hnyi Kafetori, ke at Suria ûhedra hnyi Kira?

Mika 6:4

Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Numera 13:32

Ke ödrin e haikongoâ hnyei ödrin e ecmâkâ ka lakon Isaraela, me ha, ka habe, Haba hnyei ohmun e vheno me ecmâkâ, me hnyei ame ohia aten, ke haba tavat hia ohmun e wâ eling, me tavat ae beû.

Numera 21:25

Ke haba at Isaraela adre me hûgûnâ ta je taun eling: ke Isaraela ame labā je taun; anyin at Amora, hnyi Hesebona, me ta je tauniny hia.

Numera 32:13

Ke ame ubâhlâ thö hmönyin anyi Iehova ka at Isaraela, me e ame ohei ödra hnyi hnyebuba fâte je huna ke ne o but ame hia but tavat adre me ânyâ hulö hnyi hnyimakö Iehova.

Ta je huliwa 13:18

Ke helâ me fâte je huna e ame hokhnyokâ hwakecidra hnyi hnyebuba.

Ta je huliwa 7:42

Haba Khong ame hwio thö me hnʼ ödra but he ka bi athnyabainy ta je ûnyi hnyi drany; helâ me hna sihnalimen hnyi tusi anyin je perofeta, ka habe, Hawa, öbun e hudo könya ta je meno adre me hlingâ me ta je hut Hnyi hnyebuba hnyi je huna a fâte, lap anyi Isaraela?

Deuteronomi 1:39

Ke haba je ûhnyûkongibun, waleji öbun e ha a gʼ adre me he ka hûgûnâ, ke lakubun ae ca khanʼ ödra ûnyi ae so me unyi ae kong hnyi bong e, me adre me he ka munyi he kâ e, ke oge me he ka ham e ködra, inʼ adre me he ka hu e.

Deuteronomi 2:7

Anyin a Iehova Khongom ame hia but ohnahici u hnyi ta je huliwa hia anyin li hnyamâm: e ame wâhmakhmeto hnâm hna vheno hnyebuba eang ae gan: kʼ ame tha e mou Iehova Khongom hnyi ta je huna a fâte; ke ba ke ûnyi a hia gam.

Josua 13:4

me at Avi minya, wale hnyi hwaiöu: hnyei hia iny at Kanana, me Meara hnyei iny at Zidona, ke ne o but Afeka, ke ne o but hnyi hnyigöulen at Amora:

Josua 24:8

Me oge me hum öbun ka hnyi hnyei iny at Amora, tavat adre me laba hoton Joridano; ke ödrin e vat möbun; me oge me hnʼ ödrin ka hnyi hnyamöbun, me öbun e hom idrin hnyei; ke oge me ohiʼ ödrin hnyi hnyimaköbun.