Amosa 1:7 - Iaai Bible 1901 (New Caledonia)

⁷ ke oge me he ka kunâ meic ka hnyi hna up haginy Gaza, kʼ ame he ka thong degecâ je uma umen than hnyin.

Amosa 1:7 ပူးပေါင်းရင်းမြစ်များ

II. Je Than 18:8

E ame kot at Filisiti ke ne o but hnyi Gaza, me hnyigöulen e, hwân hnyi tap anyin tavat hmâkâ, ke ne o but hnyi taun adre up haginy veto.

II. Man Ûlabainy Je Than. 26:6

Me e ame he but me vat me at Filisiti, me thö degecâ hna up haginy hnyi Gatha, me hna up haginy hnyi Jabene, me hna up haginy hnyi Asedoda; me e ame op je taun hnyi hnyei Asedoda, me Filisiti.

Jeremia 47:1

WALANG hofuc ho Iehova ame o kö Jeremia perofeta ge at Filisiti, kʼ ame tiga ca kot Gaza ga Farao.

Jeremia 47:5

A o but hadreû ban kö Gaza; adre me ohia Asekelona, kolon hnyigöulen anyidra bucen; u me he ka kavi u bi ke ne o but kehö?

Ezekiela 30:8

Ke adre me he ka wâ a inya Iehova, iny ka hia but hu meic hnyi Aigupito, me kot hia tavat ûhadruo.

Ezekiela 39:6

Ke oge me he ka kunâ meic kö Magog, me ka tavat adre me laba khotkic hnyi je bomene: me adre me he ka wâ a inya Iehova.

Amosa 1:4

ke oge me he ka kunâ meic ka hnyi lap anyi Hazaela, kʼ ame he bi ka an hnyi uma ae hmanenang umo Ben-adada.

Amosa 1:6

Walang hna ha hnö Iehova, ka habe, Can kun ta monuiny Gaza, eke, can vak, me oge me ca he ka ohavâ hwaban; anyin adre me hom bâ hnyei hia, mʼ adre me hnʼ ödra ka at Edoma:

Amosa 1:8

Ke oge me he ka subâ degecâ aten Asedoda, me at ame hok uciny musi hnyi Asekelona; ke oge me he ka wia hnyamok ûcon Ekerona, me ame he ka hia je kolon hnyi Filisiti, haingen Than Iehova.

Zefania 2:4

Anyin adre me he be ka hota degecâ Gaza, ke ame he ka ba wan Asekelona: adre me he ka obâ Asedoda hnyi jebigo, kʼ adre me he ka oc Ekerona me iwân.

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.