Amosa 1:6 - Iaai Bible 1901 (New Caledonia)

⁶ Walang hna ha hnö Iehova, ka habe, Can kun ta monuiny Gaza, eke, can vak, me oge me ca he ka ohavâ hwaban; anyin adre me hom bâ hnyei hia, mʼ adre me hnʼ ödra ka at Edoma:

Amosa 1:6 ပူးပေါင်းရင်းမြစ်များ

II. Man Ûlabainy Je Than. 28:18

Ke haba khaca a hia but utut at Filisiti ka hnyi je tauniny dok ae hnyikânâ, me ke keihen ka hnyi Whaiöiny Juda, me hûgûnâ Bethe-semes, me Aijalona, me Gederoth, me Soko me je tauniny, me Timena me je tauniny, me Gimezo me je tauniny: me ödrin bi, ödrin e ka labā.

Jeremia 47:1

WALANG hofuc ho Iehova ame o kö Jeremia perofeta ge at Filisiti, kʼ ame tiga ca kot Gaza ga Farao.

Ezekiela 35:5

Anyin a hwân ehac ânyâm hmonyin, ke u je hia but hna but lakon Isaraela ka hnyi maniny hele vat hnyi ûen anyidra vec, hnyi ûen umö hwakecin ae kong:

Joela 3:4

Eke, Turo me Sidona lö, me je ke keihen hia Filisiti, ieû gabun könya? hawa, Öbun e he ka ham könya hwaban? ke öbun e ne bi hwaban könya, me oge me he bi nya ka ie ohmeto hwaban eling ka hnyi hon je böbun.

Joela 3:6

ke Öbun e hia but ûco lakon Juda me Jerusalema ka at Heleni, mʼ öbun e he ka oûsâkâûʼ ödra ge idra:

Amosa 1:11

Walang hna ha hnö Iehova, ka habe, Can kun ta monuiny Edoma, eke, can vak, me oge me ca he ka ohavâ hwaban e; anyin a e ame hnu liamekeiny më ge hele vat, me degec ibetengiö, ke ame labö kia but anyin hmonyin, ke e ame tuö anyin wathethot nyiele balua.

Amosa 1:3

Walang hna ha hnö Iehova, ka habe, Can kun ta monuiny Damaseko, eke, can vak, me oge me ca he ka ohavâ hwaban e; anyin adre hia but kokot at Gileada hnen je ûnyi hnân huje hwit a fao:

Amosa 1:7

ke oge me he ka kunâ meic ka hnyi hna up haginy Gaza, kʼ ame he ka thong degecâ je uma umen than hnyin.

Amosa 1:9

Walang hna ha hnö Iehova, ka habe, Can kun ta monuiny Turo, eke, can vak, me oge me ca he ka ohavâ hwaban e; anyin adre me hna tavat hia ka at Edoma, ke adre me ca ûnykûme ûhihinyköu liamekeiny:

Obadia 1:11

Hnyi bong u je tot sâkâû hnyin, wale hnyi bong adre me hûgûnâ anyin ta je ûnyi hnen je atkanyua, kʼ ame didro ke je hnyat ka hnyi je homagouleny, kʼ adre me ugleköbâ Jerusalema, me helâke u me tha hien mʼ ödra.

Zakaria 9:5

Ame he Asekelona ka wâ e, me ot; ke Gaza, me ame he ka vec gan hmâ; ke Ekerona; anyin a e ame he ka hmehma ge hnen hna gejon: ke ame he ka hia than hnyi Gaza, ke adre me ca he bi ka labâ Asekelona.

Ta je huliwa 8:26

Haba angela anyin Than ame ha kö Filipo, ka habe, Todrö, he thö ka hnyi hwaiöu, ka hnyi gethen ûheny Jerusalema Gaza ai: wale hnyebuba.

I. Samuela 6:17

Ke walang je ohuc gol a ham at Filisiti hnân hudiny hulö kö Iehova; khaca ûnyi ge Asedoda, khaca ûnyi ge Gaza, khaca ûnyi ge Asekelona, khaca ûnyi ge Gatha, khaca ûnyi ge Ekerona;