Amosa 1:3 - Iaai Bible 1901 (New Caledonia)

³ Walang hna ha hnö Iehova, ka habe, Can kun ta monuiny Damaseko, eke, can vak, me oge me ca he ka ohavâ hwaban e; anyin adre hia but kokot at Gileada hnen je ûnyi hnân huje hwit a fao:

Amosa 1:3 ပူးပေါင်းရင်းမြစ်များ

I. Je Than 19:17

Ke haba at ame he ka kec ge hele vat anyi Hazaela, me ame he Jehu ka hlingâ: ke haba at ama kec ge hele vat anyi Jehu, me ame he Elisaia ka hlingâ.

II. Je Than 13:3

Me ame ubâhlâ thö hmonyin anyi Iehova ka at Isaraela, me e ame hnʼ ödra ka hnyi hnyamö Hazaela than Suria, me ka hnyi hnyamö Ben-adada nöku Hazaela hnyi je bong hia.

II. Je Than 13:7

Ke e ame ca hna tavat kö Johoaza, ke so bi ödrin fifte thibi a tavat tabô hors, ke ten je kariota, ke ten thauzan tavat he hon kânâ; anyin a than Suria ame ohiʼ ödrin, me wiʼ ödrin me me helâ me sesâ adre me uto.

II. Je Than 16:9

Me haba than Asuria ame long kâu: me ame he than Asuria Damaseko ai, me hûgûnâ e, me hom tavat adre hom bâ Kira ai, me hlingö Rezina.

II. Je Than 8:12

Haba Hazaela ame ha, ka habe, Tuhok lö, ieû u me tenge gan? Me e ame thu, ka habe, Anyin ae khanö nya ûnyi ae kong u me he ka ânyâ ka lakon Isaraela: haba anyidrin ta je hnabâ u me he ka thong ge meic, me u me he ka hlingâ ge hele vat ta je hidröu unyidrin, me sa degecâ lakudrin je mendreng, me kave je erkin gadrin.

Jobu 19:3

Öbun e hia but olibenyita but û nya kongu nya: Öbun e ca hmehma ge hnobun hna omonumonu nya.

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Ta je Vejec 6:16

Walang ta je ûnyi a siks ame ikiki gan Iehova; Eke, e hu seven e ame hmiân, ka habe,

At Khet 11:2

Ve ha jekhon tavat a ödrin seven, eke, ame ne eit; anyin ae ca khanö u ûkonguny ame he ka o eang hmeledrany.

Isaia 28:27

Anyin adre me ca uja kesaka ge ûnyi ae so homakan, kʼ adre me ca wia waengeniny kat hon komina; ke adre me kokot kesaka ge uci, kʼ adre kokot komina ge ong uto.

Isaia 41:15

Wâ bi, oge me he ka wiö u hnân huje hwit ae so hwan a teb ûnyi ke hu nyon: mʼ u me he ka kokot je bucen me me ûhnyûkong ju, ke u me he ka wia je hut me me helâ me unen hwit.

Isaia 7:16

Anyin ae ka tiga ca khana e wanakat he ka höciâ hulo me ûca so, me adre me he ka hna degecâ hnyei iny li than u je hûkotiâ.

Isaia 7:8

Anyin a Damaseko ban ka Suria, ke Rezina ban ka Damaseko: ke tiga ca um bi je huna a sikste faiv me adre me he ka bödra ka susubâ Eferaima, me me ca hnyei hmetu bi:

Isaia 8:4

Anyin ae ka tiga ca khana wanakat he ka ha, ka habe, Cica ke bai, me adre me he ka hom je omjeûiny Damaseko me je hna söh hnyi Samaria hnyi hnyimakan than Asuria.

Amosa 1:11

Walang hna ha hnö Iehova, ka habe, Can kun ta monuiny Edoma, eke, can vak, me oge me ca he ka ohavâ hwaban e; anyin a e ame hnu liamekeiny më ge hele vat, me degec ibetengiö, ke ame labö kia but anyin hmonyin, ke e ame tuö anyin wathethot nyiele balua.

Amosa 1:13

Walang hna ha hnö Iehova, ka habe, Can kun ta monuiny lakon Amona, eke, can vak, me oge me ca he ka ohavâ hwaban e; anyin adre hia but kave je erkin hnyi Gileada, mʼ adre me he ka ogânâ idra:

Amosa 1:6

Walang hna ha hnö Iehova, ka habe, Can kun ta monuiny Gaza, eke, can vak, me oge me ca he ka ohavâ hwaban; anyin adre me hom bâ hnyei hia, mʼ adre me hnʼ ödra ka at Edoma:

Amosa 1:9

Walang hna ha hnö Iehova, ka habe, Can kun ta monuiny Turo, eke, can vak, me oge me ca he ka ohavâ hwaban e; anyin adre me hna tavat hia ka at Edoma, ke adre me ca ûnykûme ûhihinyköu liamekeiny:

Amosa 2:1

WALANG hna ha hnö Iehova, ka habe, Can kun ta monuiny Moaba, eke, can vak, me oge me ca he ka ohavâ hwaban e; anyin e ame thong je jeien than Edoma me me dröu but:

Amosa 2:4

Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Amosa 2:6

Walang hna ha hnö Iehova, ka habe, Can kun ta monuiny Isaraela, eke, can vak, me oge me ca he ka ohavâ hwaban e; anyin adre hia but ûco at ae so hwaban sileva, ke at ae theduoc hwaban li tangen hnyeûca:

Zakaria 9:1

WALANG hok, wale a hofuc ho Iehova hnyi hnyei i Haderaka, kʼ ame he ka menâ bi hnyi Damaseko: anyin ame bwele kö Iehova emakan at ke emakan ta je tribu Isaraela hia:

Zakaria 9:2

ke Hamath minya wale ûtangköu më: ke Turo me Sidona anyin e gan hmâ metâiny.