Amosa 1:1 - Iaai Bible 1901 (New Caledonia)

¹ WALANG hofuc ho Amosa, wale at ame tha e me tavat tuö omeno hnyi Tekoa, ke walang wâhnen ge at Isaraela hnyi je bong bongu Uzia than Juda, me hnyi je bong bongu Jeroboama nöku Joasa than Isaraela, lo li huna ke tiga hia bi hwioi.

Amosa 1:1 ပူးပေါင်းရင်းမြစ်များ

II. Samuela 14:2

Ke Joab ame ûkhûnöng Tekoa ai, me hawâ ke momo ae metâ, me ha kâu, ka habe, Ö u me he ka tenge thoi, me khavâ je ûkhaûen hnyamok, kʼ u me ca he ka sûö wakaco, kʼ u me he ka helâ me momo ame tenge beû can at a mokcu:

I. Je Than 19:19

Me e ame he ûheny e, me ō Elisaia nöku Safata ame wia kânâ me twelv je ûcû lo li bolok hnyi hnyimakan, kʼ ame tot me at a twelviny: me Elia ame he kâu me khûâ anyin ûkhaû ka hnyi hon.

II. Je Than 14:21

Haba tavat Juda hia Ödrin e hum Azaria, wale a sikstin dut je hunainy, me otilâ e ka than hnân hwabö Amazia a kamen.

II. Je Than 14:23

Ke haba hnyi huna a fiftini Amazia nöku Joasa than Juda, me ame hwân ka than Jeroboama nöku Joasa than Isaraela hnyi Samaria, ke ne o but hnyi fâti wan je huna.

II. Man Ûlabainy Je Than. 11:6

E ame op Bethe-leema, me Etama, me Tekoa,

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

Esodo 3:1

KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

Isaia 1:1

HNA wâ hnö Isaia nökuʼ Amosa, waleji e ame wâ ge Juda me Jerusalema, hnyi je bong bongu Uzia, me Jotham, me Ahaza, me Hezekia, a je thaniny Juda.

Jeremia 1:1

HOFUC ho Jeremia nöku Hilekia, hanen tavat bihut waleji a ödra hnyi Anathoth, hnyi hnyei Beniamina:

Jeremia 28:8

Haba je perofeta a bödra ehac, ke a bilik bi möu, adre me perofeta ge ta je hnyei ae se hia, me ta je dokhu ae gan, he ka vat, me monu, me mok ae cap.

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.

Jeremia 7:27

Ke u me he ka ha hia ta je hofuc ang kodra: ke adre me ca he ka ling u: u me he ka hawʼ ödra ke adre me ca he ka ieû köu.

Hosea 1:1

WALANG hofuc ho Iehova, waleji ame o ko Hosea, nöku Beeri, hnyi je bong bongu Uzia, me Jotham, me Ahaza, me Hezekia, je than Juda, ke hnyi ûö Jeroboama nöku Joasa, than Isaraela.

Amosa 7:14

Me haba Amosa ame thu me ha kö Amazia, ka habe, Iny ca perofeta bi nya, ke ca nokon bi nya perofeta: ke iny at tuö meno me at ame huliwan je ûö sukamore:

Mika 1:1

WALANG hofuc ame o ko Mika at Moresa hnyi ûö Jotham, me Ahaza, me Hezekia, a je than Juda, wale e ame wâ ge Samaria me Jerusalema.

Zakaria 14:5

Ke öbun e he ka kec me gethen hnyi hnyigöulen anyik je bucen: anyin ame he ka he ke ne o but hnyi Azale hnyigöulen je bucen: eke, öbun e he ka kec helâji me hnobun hna kec ge hwiöi hnyi je bong bongu Uzia than Juda: ke ame he Iehova Khonguk ka o, ke ame he ka tha o möu tavat hia ae kap.

Mataio 4:18

Ke e ame vheno hobat köiö Galilaia, ke e ame wâ li liamekeiny, jia Simona ke ien Peteru, me Anederea a keiny, ödru me thong ert eû hnyi köiö; anyin a ödru li at thut.

I. Korinito 1:27

ke haba Khong ame ûca ta je ûnyi ae monu hnyi hmeledrany he ka ohmehma tavat ae metâ; ke haba Khong ame ûca ta je ûnyi ae sēnyin hnyi hmeledrany he ka ohmehma ta je ûnyi ae hwege;