Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




तीतस 3:7 - ह्योल्‍मो

7 दि ल़ेहमु जेती किन्‍ज्‍योकी काटीनगी ओहराङ किन्‍ज्‍योकी कुम्‍देनला ठाबे सी़ह ख़ूसीन। ओहले ओहराङगी रेहवा पेहक्‍योगी था़ म़ेहबा मिहली ज्‍योर्केन्‍गी हकदार डो ख़ूसीन।

အခန်းကိုကြည့်ပါ။ ကော်ပီ




तीतस 3:7
25 ပူးပေါင်းရင်းမြစ်များ  

ओहले क्‍याहल्‍बुगी राहङगी योबा ङो़गी मिहया़ला दि ल़ेहमु माज्‍ये येह, ‘ए ङाहगी किन्‍ज्‍यो याहपगी मेलाम थोप्‍क्‍यो मिहया़! ओहङदी जाम्‍बुलीङ छ्या़गे यिहन्‍ज्‍युराङ ख्‍याया़गी तेहन्‍दाला ठाबे पेहती ज़्‍या़क्‍यो क्‍याहल्‍सीला तेह


येशू ओहलेगी फेप्‍च्‍ये जेकेमु मिह च्‍यी़ छ्योङदी ओहङदी येशूगी दिनला पी़मु च़ूदी, “ओ़ थाम्‍ज्‍यी म़ेदी या़हबु लोबेन लाह, नाहमॱआङ स्‍यिज्‍ये म़ेहबागी मिहली ज़ाङबु थोप्‍च्‍येला ङाहगी च्‍यि पेह कोहएँ?” म़ेदी स्‍युहसीन।


दि काटीन लाहमले काहल्‍ग्‍यो यिहम्‍बा, ल़ेह पेहती मिहम्‍बा, मिहन्‍सीमानानी काटीन काटीनॱराङ ओहङज्‍ये म़ेहबा येहकें।


यिहॱनाङ किन्‍ज्‍योकी काटीनकी काबापगी पेहती मास्‍यीका येशू ङ्याम्‍बु येहकेन्‍गी थार्पा लाहमले खुङया़ आहन्‍डाराङ टाहङबु सी़ह ख़ूसीन।


ओ़ह सोङबे छ्य़े-ठिम ची़दी मिहम्‍बा, यिहॱनाङ मास्‍यीकाला तेहपा पेहती च्‍यी़राङ किन्‍ज्‍योकी दिनला टाहङबु सी़ह ख़ूएँ।


ओ़ह सोङबे ताहम्‍ज्‍या काटीन लाहमले ओहङगे ओहले तेहपा लाहमले ज्‍योर्के। ओहले दि ताहम्‍ज्‍या अब्राहामकी थाम्‍ज्‍यी छार्क्‍यीनया़गी तेहन्‍दाला ठीक-ठीक ङ्या़ह-ङ्या़ह काहल सिहन्‍दी येह। दि ताहम्‍ज्‍या छ्य़े-ठिम ची़गे मिहया़गी तेहन्‍दाला च्‍यी़राङ मिहम्‍बा यिहॱनाङ अब्राहामगी ल़ेहमु तेहपा पेहकेन मिह थाम्‍ज्‍यीगी तेहन्‍दालाॱआङ यिहम्‍बा, च्‍यिबेमाना अब्राहाम ओहराङ थाम्‍ज्‍यीगी आबा यिहम्‍बा।


ल़ेह पेहकें मिहला ले़गा तेर्के। ओ़हदी क्‍ये़गा तेरक्‍यो मिहम्‍बा, ओ़हदी ल़ेह पेहती ज़्‍योरक्‍योगी स़ेह यिहम्‍बा।


ओहराङ किन्‍ज्‍योकी पुह-पोहमो काहल फान्‍ज्‍योनी थोप-थाङकी मिहॱआङ ओहङगे, किन्‍ज्‍योकी फास्‍यी ज्‍योर्केन्‍गी मिह ओहले मास्‍यीका ङ्याम्‍बुदी पी़माला फास्‍यी ज्‍योर्केन्‍गी मिह। ओहराङ मास्‍यीका ङ्याम्‍बुराङ तुहक्‍पु खुर्सीमाना मिहरो ङ्याम्‍बुराङ ज़िज्‍यिद ज्‍योर्च्‍ये येह।


ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।


यिहॱनाङ, दि केच्‍या ङ्यिहगी ङोह स्‍ये़सीन– येशू मास्‍यीकाला तेहपा पेहना मिहम्‍बा, छ्य़े-ठिम ची़देनी मिह किन्‍ज्‍योगी दिनला टाहङबु सी़ह मी़हखुएँ। ओ़ह सोङबे ओहराङ छ्य़े-ठिम लाहमले मिहम्‍बा यिहॱनाङ मास्‍यीका थो़ला पेहक्‍योकी यिह-छ्य़े लाहमले टाहङबु सी़ह ख़ूज्‍यु म़ेदीराङ ओहराङगीॱआङ ओहराङगी तेहपा मास्‍यीका येशू थो़ला ज़्‍या़क्‍यो यिहम्‍बा, च्‍यिबेमाना छ्य़े-ठिम लाहमले सुज्‍यीॱआङ टाहङबु सी़ह मी़हखुएँ।


का़हलेॱआङ ख्‍या मास्‍यीकाती यिहम्‍बा मासीमानानी ख्‍या अब्राहामकी छार्क्‍यीन यिहम्‍बा, ओहले ख्‍या किन्‍ज्‍योगी तोहदाम ज़्‍या़ नाङग्‍योकी फास्‍यी ज्‍योर्के मिहया़ॱआङ यिहम्‍बा।


ओ़ह सोङबे, ता़ह यिहन्‍ज्‍यु ख्‍या योक्‍पु मिहम्‍बा, किन्‍ज्‍योकी छार्क्‍यीन यिहन। ओ़ह सोङबे छार्क्‍यीन यिहन म़ेदी मासीमानानी ख्‍या ता़ह यिहन्‍ज्‍यु फास्‍यी ज्‍योर्केन्‍की मिहया़ॱआङ काहल्‍सीन।


ता़ह ओहराङला चेवा जे नाङगे दाङ काटीन लाहमले था़ म़ेहबाकी सेम-स्‍युक दाङ ज्‍यिबुराङ या़हबु रेहवा नाङगेन ओहराङ चो़वो येशू मास्‍यीका दाङ किन्‍ज्‍यो याहप राहङगीराङ,


दि तेहन्‍दामदी था़ म़ेहबा मिहलीकी रेहवाला छ्या़दे येहबा। नाहमॱआङ स्‍योप क्‍याप मेहनाङगेन किन्‍ज्‍योगी जाम्‍बुलीङ छ्या़ च्‍य़ू नाङगेन म़ेदी तोहङलेराङ, “मिहया़ला था़ म़ेहबागी मिहली ज़ाङबु नाङगेन” सुङदी ताहम्‍ज्‍या ज़्‍या़ नाङदी येहकें,


च्‍यिबेमाना मिह थाम्‍ज्‍यीगी थार्पा ज्‍योर ख़ूज्‍यु म़ेदीराङ किन्‍ज्‍योगी काटीन तेन नाङग्‍यो यिहम्‍बा।


ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।


च्‍यि ओ़ह थाम्‍ज्‍यी स्‍यिहङगामकी स्‍याहप्‍च्‍यीया़ थार्पा ज्‍योर्केया़गी तेहन्‍दाला स्‍याहप्‍तो स्‍य़ूहज्‍येला ताङग्‍यो स्‍याहप्‍तो स्‍युहएँकी नाम्‍स्‍यीया़ मिहम्‍बा ले?


तेहपा लाहमलेॱराङ नोआगी ओ़ह ती़हजी थु मी़गी थोङॱराङ माहथोङबा से़हया़गी तेहन्‍दाला किन्‍ज्‍यो लाहमले ज़्‍योरक्‍यो काला तेहपा पेहती राहङ खाङबा म़ेहमे थाम्‍ज्‍यीला थार च्‍य़ूज्‍येला छ्यु-टुह च्‍यी़ ज़ोसीन। दि ल़ेहमु पेहती नोआगी जाम्‍बुलीङगी मिह रेबेॱराङ तिहक्‍च्‍येम्‍बा यिहन म़ेदी तेन तेर्सीन ओहले खो राहङदी तेहपा लाहमले किन्‍ज्‍योगी दिनला मिह टाहङबु सी़ह ख़ूसीन।


तेहपा लाहमलेॱराङ खो फि क्‍याहल-खापकी मिह ल़ेहमु पेहती किन्‍ज्‍योगी ताहम्‍ज्‍या ज़्‍या़ नाङग्‍योकी क्‍याहल-खापला काहल्‍दी पा़ल क्‍याहङदी तेहसीन। ओ़ह ताहम्‍ज्‍या इसहाक दाङ याकूब ङ्याम्‍बुॱआङ येहकें ओहले खुङॱआङ ओ़हठीॱराङ पेहती तेहसीन।


किन्‍ज्‍योकी तोहदाम ज्‍योर्के मिहया़ला राहङगी ज़्‍या़ नाङग्‍योकी तोहदाम च्‍येॱराङ च्‍येच्‍ये म़ेह ओहले तेहन्‍दा डुप च्‍य़ू नाङज्‍ये येह सुङदी थिउ-निउ जे नाङज्‍येला मिहरोगी ना क्‍याल नाङसीन।


ङाहगी च्‍याहम्‍बु आदा-नो़ह दाङ आज्‍यी-नुहमुया़, या़हबु पेहती ङ्यिहन्‍दोङ, च्‍यि किन्‍ज्‍योगी जाम्‍बुलीङकी प्राङबु मिहया़ला तेहपाला छ्युक्‍पु ज़ोज्‍ये दाङ ताहम्‍ज्‍या ज़्‍या़ नाङग्‍योकी क्‍याहल-खाप मिहरोला चेवा पेहकेनया़ला नाङज्‍येला दाम नाङग्‍यो मिहम्‍बा ले?


क्‍येप-ख्‍योवाया़, ओ़ह ल़ेहमुराङ पेहती राहङगी पी़हमीया़गी सेम छ्ये़मु दाङ ज़ुबुला स्‍युक ङ्ये़हमु ओहङगे माएँ ताम ह्‍अ के़हदी खुङया़ला ची़नाङ पेहतोङ च्‍यिबेमाना खुङया़गीॱआङ ख्‍या ङ्याम्‍बु-ङ्याम्‍बुराङ मिहली ज्‍योर्च्‍ये येह, दि ल़ेहमु पेहती ख्‍याया़गी सोल्‍वाङ ताप्‍केमु च्‍यिॱआङ ङ्याहम्‍छेया़ माहयोङज्‍यु म़ेदी च्‍यी़गी च्‍यी़ला छ्याप्‍स्‍यी या़हबुया़ पेहकें पेहतोङ।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ