तेहम्बाराङ, ख्याया़ राहङ-राहङगी सेमगी स्या़बा पेहती ता़ह तिहक्पा पाङज्येला ठाबे काहल्ग्यो यिहन म़ेदी तेन्ज्येला ङाह ख्याया़ला छ्युगी बप्तिस्मा तेर्को येह, यिहॱनाङ ङाह म़ेदी तिङले फेप नाङगेन्दीगी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। मिहरोनी ङाह म़ेदी ज्यिबुराङ ओङ छ्यिम्बु येहबा। ङाहनी मिहरोगी स्याहप्चेन थो़ज्येलाॱआङ सी़हज्ये म़ेह।
तीतस 3:5 - ह्योल्मो5 ओहले किन्ज्योगी ओहराङला थार्पा नाङसीन। ओहराङगी ल़ेह या़हबु पेहक्यो सुङगोराङ दि ल़ेहमु काहल्ग्यो मिहम्बा यिहॱनाङ किन्ज्योगी ओहराङला निङज्यी जेती मिहरोगी ओहराङकी तिहक्पाया़ ठु-नाङसीन ओहले नाम्पार-ताहक्पा थु लाहमले ओहराङला मिहली साम्बा नाङसीन। အခန်းကိုကြည့်ပါ။ |
तीतस 3:5
46 ပူးပေါင်းရင်းမြစ်များ
ख्या जाम्बुलीङकी मिहया़ला पे त़ेदी खुङ ल़ेहमुराङ पेहच्ये माहछोल, यिहॱनाङ ख्या राहङ सेमला साम्बा काहल्दी सेम तिहङ यिहन्ज्युराङ किन्ज्यो ङो़ले ग्युर्तोङ। ओहले किन्ज्योकी ज़ी़लुला च्यि या़हबु यिहम्बा, च्यि से़हगी किन्ज्योकी थु काहसो ज़ोएँ ओहले किन्ज्योकी याहङ-ताहक्पा थु-सेम च्यि यिहम्बा, ओ़ह ख्याया़गी ङ्याहम च्ये ख़ूज्यु।
यिहॱनाङ ओ़ह जाउँले पुह ङ्यी़ आमाकी फोवा नाहङला येहकेंमु ओहले खुङ ङ्यी़गी च्यिरा या़हबु चोक्पा ल़ेह पेहकें म़ेदी तोहङलेराङ किन्ज्योगी जाउँले पुह ङ्यी़ नाहङला च्यी़ला दाम नाङदी रिबेकाला सुङ नाङसीन, “आदादीगी नो़हला स्याहप्तो स्युहज्ये येह।” किन्ज्योगी सुङ नाङग्यो ल़ेहमुराङ छ्य़ेला दि ल़ेहमु प्री़हदी येहबा, “ङाहगी याकूबला चेवा पेहसीन ओहले एसावलाती क्युक्टो पेहसीन।” दि ल़ेहमु जेती किन्ज्योगी मिहया़की ल़ेहला ज़ी़दी दाम मेहनाङगे यिहॱनाङ मिहरोगी थुला ठुङग्यो ल़ेहमु जे नाङगे सुङदी किन्ज्योगी थिउ-निउ जे नाङसीन।
यिहॱनाङ, दि केच्या ङ्यिहगी ङोह स्ये़सीन– येशू मास्यीकाला तेहपा पेहना मिहम्बा, छ्य़े-ठिम ची़देनी मिह किन्ज्योगी दिनला टाहङबु सी़ह मी़हखुएँ। ओ़ह सोङबे ओहराङ छ्य़े-ठिम लाहमले मिहम्बा यिहॱनाङ मास्यीका थो़ला पेहक्योकी यिह-छ्य़े लाहमले टाहङबु सी़ह ख़ूज्यु म़ेदीराङ ओहराङगीॱआङ ओहराङगी तेहपा मास्यीका येशू थो़ला ज़्या़क्यो यिहम्बा, च्यिबेमाना छ्य़े-ठिम लाहमले सुज्यीॱआङ टाहङबु सी़ह मी़हखुएँ।
ကြော်ငြာတွေ