तीतस 3:2 - ह्योल्मो2 ओहले खुङया़गी सुलाॱआङ आब्रु तेन्गेन्गी ल़ेहया़ माहबेच्यु ओहले सु ङ्याम्बुॱआङ ठ़ूस्यी सिहङदा माहबेच्यु, मिह थाम्ज्यी ङ्याम्बु ङ्येम्ज्युङ दाङ छ्याप्स्यी या़हबु पेहच्यु। အခန်းကိုကြည့်ပါ။ |
तीतस 3:2
35 ပူးပေါင်းရင်းမြစ်များ
च्यिबेमाना ङाह ख्याला थु ओहङगेमु ङाहगी ने़क्यो ल़ेहमु ख्या मेहयोहङडो ओहले ख्यागी ने़क्यो ल़ेहमु ङाह मेहयोहङडो म़ेदी ङाहला ज्यी़सु येहकें। ख्याया़गी पाहरक्यीला ठ़ूस्यी, ठादो, स्यिहताङ, राहङदी च्यी़राङ ख्येप्साङ ताएँ, ख्येर क्याहप्कें, मिहदाम च्येहके, छ्य़ेन्दो तेन्गे दाङ मिहला गो़ थोम च्य़ूगेन्गी तामया़ॱआङ ओहङडो।
आदा-नो़ह दाङ आज्यी-नुहमुया़, सुज्यीगी तिहक्पाकी ल़ेहया़ पेह तेहक्यो च्य़ेह सिहन्सीमाना नाम्पार-ताहक्पा थु लाहमले राहङगी डोलु-तेहलु पेहकेन मिहया़गी स्यिहवा पेहती खोला लोप्ताम क्याहप्ती लाहम या़हबुला ख्योङ कोहएँ। ओहले ख्या राहङगी तेहन्दालाॱआङ या़हबु जेम्बु पेहतोङ मिहन्सीमानानी ख्याया़ॱआङ ङ्याहम्छेला छ्यिच्ये येह।
यिहॱनाङ याहर किन्ज्यो लाहमले ओहङग्योगी रिहक्स्यीनी तोहङस्यो क़ेह-चाङमा ओहङगे खोगी स्य़िहदेला यिह छ्य़ेएँ, ओ़ह रिहक्स्यी ज्योर्केन मिह थेका दाङ मिह थाम्ज्यी ङ्याम्बु थिन्गे, खो निङज्यीगी काहङग्यो ओहङगे, खोगी नाहम-माना या़हबु ल़ेह पेहकें, खोगी सुलाॱआङ ङ्येम्बा-ङ्य़ेहरी मेहबेकें, खो यिहन्दो तेन्गे मेहयोहङगे।
ए ङाहगी आदा-नो़ह दाङ आज्यी-नुहमुया़, च्यी़गी च्यी़ला टाह पेहती चोक्पा ताम माहमा। का़हन्दीगी राहङ नो़हला टाह पेहती चोक्पा ताम माएँ ओहले ङ्य़ेहबा केन्गे, खोगी छ्य़े-ठिमला टाह पेहती ताम माक्यो यिहम्बा, खोगी छ्य़े-ठिमला ङ्य़ेहबा केन्ग्यो यिहम्बा म़ेदी तेन्गे। यिहॱनाङ ख्येगी छ्य़े-ठिमला क्येन तासीमानानी ख्येगी छ्य़े-ठिम ची़क्यो मिहम्बा, ख्येनी छ्य़े-ठिमला ठिम ताङगेन ठिम-पेन गा काहल्सीन लेह।
खास पेहती किन्ज्योकी ओङला ङ्येन्ज्येन पेहकेन दाङ पे मी़हसीहएँगी ल़ेहया़ पेहती राहङग्याल स्योर्ती डोएँया़ला ठिम ताङ नाङगे ङ्यिहमा थु सी़दे ज़्या़ नाङज्ये येह। दि ल़ेहमु ची़हमा लुहङ तेर्के मिहया़ ङ्यिहनॱराङ मिहङ्यीहन्गे दाङ छ्य़ेन्दो तेन्गेया़ ओहङगे ओहले खुङया़गी स्यिहङगामला येहकेया़लाॱआङ स्याहम्डेन केन्ज्येला मी़हन्ज्यीएँ।
ကြော်ငြာတွေ