तीतस 3:12 - ह्योल्‍मो

¹² ङाहगी अर्तिमास क्‍यिनी तुखिकसला ख्‍येसाला ताङलुङ मे़हबाराङ, ख्‍येती निकोपोलिसला काह-ठि पेहती यिहॱनाङ ङाहला थुज्‍येला स्‍यो, च्‍यिबेमाना ङाहगी ओ़ह ग्‍या़लाराङ सेर-काहङ तेहच्‍ये म़ेदी नोम्‍साङ ताङदी येहबा।

तीतस 3:12 ပူးပေါင်းရင်းမြစ်များ

ल़ेह-पेन 20:4

ओहले लो़हदी डोएँमु बेरियागी पुरसकी पुह सोपात्रोस, थेसलोनिकेगी अरिस्‍तार्खस दाङ सिकन्‍दस, डर्बीगी गायस दाङ तिमोथी, ओहले एशिया क्‍याहल-खाप छ्यिम्‍बुकी तुखिकस दाङ त्रोफिमस पावल ङ्याम्‍बुराङ काहल्‍सीन।

१ कोरिन्‍थी 16:6

ङाह लो़ह ओहङगेमुदी ङ्यिहमा तोबा थु ख्‍याया़ ङ्याम्‍बु तेह को़हटो, ला़ खासीमाना ङाह सेर्का काहङॱराङ ख्‍याया़ ङ्याम्‍बुराङ तेहकें। ओ़ह तिङले ङाह येहपाराङ कोर्याङला थेन्‍गेमु ख्‍याया़गी ङाहगी कोर्याङगी तेहन्‍दाला लाहमगी च्‍याहम्‍दाया़ ठाबे पेह ख़ूज्‍ये येह।

एफिसी 6:21

ङाह काह-ठि येहबा ओहले ङाह च्‍यि पेहकेनॱराङ येहबा माएँ ताम ख्‍याया़लाॱआङ क्‍यी़ह ओहङज्‍यु म़ेदी ङाहगी च्‍याहम्‍बु नो़ह ओहले चो़वोला स्‍याहप्‍तो स्‍य़ूहज्‍येला ज्‍यिबुराङ यिह-छ्य़ेबु तुखिकसगी ङाहगी तेहन्‍दाला थाम्‍ज्‍यीराङ तामया़ ख्‍याया़ला स्‍येच्‍ये येह।

कलस्‍सी 4:7

ङाहगी तेहन्‍दाला रेबेॱराङ तामया़ ङाहती च्‍याहम्‍बु नो़ह तुखिकसगी ख्‍याया़ला स्‍येच्‍ये येह। खोॱआङ यिह-छ्य़ेबु दाङ ओहराङ ल़ेहमुराङ चो़वोला स्‍याहप्‍तो स्‍युहएँगी योक्‍पु यिहम्‍बा।

२ तिमोथी 4:12

यिहॱनाङ तुखिकसला ङाहगी एफिससला ताङदी येह।

२ तिमोथी 4:21

ख्‍ये ला़ खाजे सेर ताहङगे म़ेदी तोहङलेराङ देला लेप्‍कें पेहती स्‍यो। युबुलस, पुडेस, लिनस, क्‍लौडिया दाङ थाम्‍ज्‍यी आदा-नो़हया़ दाङ आज्‍यी-नुहमुया़गी ख्‍येला टास्‍यी-देले म़ेदी ताङग्‍यो येहबा।

२ तिमोथी 4:9

ला़ खाजे ङाहला ग्‍यो़बाराङ थ़ू ओहङज्‍येला स्‍युक पेहतोङ।