तीतस 3:1 - ह्योल्‍मो

¹ स्‍युहङ दाङ स्‍युहङ-पेनया़की ओङ चो़ला तेहतोङ, खुङया़गी माक्‍योकी ताम थाम्‍ज्‍यी ची़दोङ ओहले या़हबु ल़ेहया़ पेहच्‍येकी तेहन्‍दाला नाहम माॱनाङ ठाबे पेहती तेहतोङ म़ेदी खुङया़ला टेहम्‍बा साल च्‍य़ू तेर।

तीतस 3:1 ပူးပေါင်းရင်းမြစ်များ

मत्ती 22:21

खुङगी येशूला मासीन, “कैसरदी” ओहले येशूगी खुङया़ला सुङ नाङसीन, “ओ़हठी यिहन्‍सीमाना कैसरती कैसरलाॱराङ तेर्तोङ ओहले किन्‍ज्‍योदी किन्‍ज्‍योलाॱराङ फुल्‍दोङ।”

१ कोरिन्‍थी 15:58

ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।

एफिसी 2:10

च्‍यिबेमाना ओहराङ या़हबु ल़ेहया़की तेहन्‍दाला मास्‍यीका येशूला ज़ो नाङग्‍योकी किन्‍ज्‍योकी छ्या़की छ्या़लेया़ यिहम्‍बा। ओहराङगी ओ़ह या़हबु ल़ेहया़ पेहच्‍यु सुङदीमाराङ किन्‍ज्‍योगी तोहङ यिहन्‍ज्‍युराङ ठाबे जे नाङग्‍यो येहकें।

फिलिप्‍पी 1:11

किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।

कलस्‍सी 1:10

ओहले ख्‍याया़गी चो़वोला थु ङ्ये़एँगी मिहजी ताङदी नाहम-माना मिहरोला क़ेहनाङ लाहङ च्‍य़ू ख़ूज्‍यु ओहले थाम्‍ज्‍यी या़हबु ल़ेहया़ला सेदो या़ह च्‍य़ूगेनॱराङ किन्‍ज्‍योकी येहन्‍देनला याहरक्‍यी पेहती डो ख़ूज्‍यु।

१ तिमोथी 2:2

क्‍याहल्‍बुया़ दाङ थाम्‍ज्‍यी पोम्‍बोया़गी तेहन्‍दालाॱआङ सोल्‍वाङ ताप्‍तोङ। ओ़ह ल़ेहमु पेहसीमाना ओहराङ क्‍यिपु दाङ स्‍य़िहदे पेहती किन्‍ज्‍योला क्‍याप्‍ती किन्‍ज्‍योगी थु ङ्ये़बाकी मिहजी ताङ ख़ूज्‍ये येह।

१ तिमोथी 4:6

का़हलेॱआङ ख्‍येगी आदा-नो़ह दाङ आज्‍यी-नुहमुया़ला दि लुहङ लोप तेर्सीमाना ख्‍येगी ची़दे ओङग्‍योकी तेहन्‍दामकी लुहङ दाङ तेहपाकी सुङला छार्ती ख्‍ये मास्‍यीका येशूती ज्‍यिबुराङ या़हबु स्‍याहप्‍तो स्‍युहएँगी मिह डोज्‍ये येह।

१ तिमोथी 5:10

ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।

२ तिमोथी 1:6

ओ़ह सोङबे ङाह ख्‍येला तोहङमागी तामया़ टेहम्‍बा साल च्‍य़ूगेनॱराङ माउ येह, ङाहगी ख्‍ये थो़ला लाहक्‍पा ज़्‍या़गेमु किन्‍ज्‍योगी नाङग्‍योकी काबापला ख्‍येगी मेह ल़ेहमुराङ पेहती ती़हदी तेह च्‍य़ूदोङ।

२ तिमोथी 2:14

दि ताम खुङया़ला टेहम्‍बा साल च्‍य़ू तेर, ओहले चो़वोकी दिनला का तेर, च्‍यिबेमाना खुङया़गी ताम-छिकाया़की तेहन्‍दाला स्‍येपा माहतुहर्च्‍यु, ओ़हगी च्‍यिॱआङ फेन्‍दोप मेहयोहङगे, यिहॱनाङ ओ़हगीनी ङ्यिहन्‍गे मिहया़ला ऩे च्‍यी़राङ क्‍याल्‍गे।

२ तिमोथी 2:21

पे-मी़हसिहएँगी तामया़ ङो़ले मिहगी राहङगी राहङला चाङमा ज़ोसीन माना खो या़हबु ल़ेहया़की तेहन्‍दाला पे-सी़हएँगी मिह च्‍यी़ डो ख़ूज्‍ये येह, ओहले खाङबा ताहक्‍पुकी तेहन्‍दाला चाङमा, फेन्‍दोप दाङ या़हबु ल़ेहया़ च्‍यिला-माना ठाबे टी़हज्‍ये येह।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

तीतस 3:14

ओहराङगी मिहया़ या़हबु ल़ेहया़ला सेम ताङ ख़ूज्‍यु, दि लाहमले पेहती खुङगी लेहमेन मिहया़ला ज्‍यिबुराङ कोहपु डोएँमु रो़हराम पेह ख़ूज्‍यु, दि ल़ेहमु पेहसीमाना ख्‍या फेन मे़हथोएँगी मिहया़ डोज्‍ये म़ेह।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।

२ पत्रुस 1:12

ओ़ह सोङबे ख्‍याया़ला ङाह दि तामया़ नाहम-माना टेहम्‍बा साल च्‍य़ूगे। यिहन्‍ज्‍येनी ख्‍यागी दि ताम थाम्‍ज्‍यी ङोह स्‍य़ेदी येहबा ओहले ख्‍यागी ज़्‍योरक्‍योगी तेहन्‍दामकी स्‍याहलला ख्‍या सान्‍दी पेहती तेहतीॱआङ येहबा।

यहूदा 1:5

ख्‍याया़गी दि थाम्‍ज्‍यी लेहमा च्‍यी़ ङोह स्‍य़ेदीॱराङ येहकें यिहॱनाङ ताहन्‍दा ङाह ख्‍याया़ला टेहम्‍बा साल च्‍य़ूएँ चो़वोगी राहङगी मिहया़ला मिश्र क्‍याहल-खापले तेन्‍दी नोम फेप्‍सीन। यिहॱनाङ यिह मे़हछ्य़ेगेया़ला मिहरोगी तोङ च्‍य़ू नाङसीन।