Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




तीतस 2:7 - ह्योल्‍मो

7-8 ख्‍येगीराङ ल़ेह थाम्‍ज्‍यी या़हबु पेहती खुङया़ला पे तेन्‍दोङ। लुहङ तेर्केमु तेहन्‍दाम, ख्‍येला लेहमेन मिहया़गी ची़नाङ पेहकेन छ्याप्‍स्‍यीगी, सुज्‍यीगीॱआङ ताम च्‍येह मी़हखुएँगी तामया़ तिक्‍पु पेहती खुङया़ला लोप्‍तोङ। ओहले ओहराङला टाह पेहकेन मिहया़गी ओहराङला च्‍यिॱआङ चोक्‍पा तामया़ मा ख़ूज्‍ये म़ेह ओहले खुङया़ ङोहजाला छ्यिच्‍ये येह।

အခန်းကိုကြည့်ပါ။ ကော်ပီ




तीतस 2:7
12 ပူးပေါင်းရင်းမြစ်များ  

ङ्यिह दि जाम्‍बुलीङला च्‍यी़राङ मिहम्‍बा यिहॱनाङ ख्‍याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्‍ज्‍योगी थु-ङ्य़ेबुगी मिहजी ताङदी येहबा दि तामला ङ्यिह ख्‍याया़ला छ्य़ेन्‍दो तेन्‍दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्‍बुलीङगी रिहक्‍स्‍यी लाहमले मिहम्‍बा, यिहॱनाङ दि किन्‍ज्‍योगी काटीन लाहमले यिहम्‍बा।


च्‍यिबेमाना ङ्यिह लेहमेन मिहया़गी ल़ेहमु किन्‍ज्‍योगी लुहङदेनला छोङ मेहक्‍याहप्‍कें, यिहॱनाङ ङ्यिहलानी किन्‍ज्‍योगीॱराङ ताङ नाङग्‍यो यिहम्‍बा दि ताम ङ्यिहगी किन्‍ज्‍योगी दिनला मास्‍यीका लाहमले च्‍यिॱआङ चिहन माहक्‍याहप्‍पा पेहती माएँ।


ङ्यिहगी ङोह छाएँगी ल़ेहया़ दाङ यिहप्‍ती-यिहप्‍ती पेहकेन्‍गी ल़ेह चोक्‍पाया़ पाङदी येहबा। ङ्यिह गो़ कोर च्‍य़ूदी ल़ेह मेहबेकें ओहले किन्‍ज्‍योगी सुङला याहर-माहर मेहबेकें। यिहॱनाङ तेहन्‍दामला ङ्यिह छ्यिसाल-नाहङसाल पेहती प्रा साल्‍गे ओहले किन्‍ज्‍योगी ज़ी़लुला ङ्यिह तेहन्‍दाम दाङ टाहङबु पेहती मिह थाम्‍ज्‍यीगी थोङगे पेहती मिहजी ताङगेराङ येह।


ङाहगी दि ख्‍याया़ला पेहॱराङ कोहएँ म़ेदी का तेरक्‍यो मिहम्‍बा, यिहॱनाङ लेहमेन छेन्‍छोकया़की स्‍युक ङ्याम्‍बु तुहर्ते ख्‍याया़गी चेवाॱआङ तेहम्‍बा-तेहन्‍सुम यिहम्‍बा म़ेदी दास्‍यी तेर्च्‍येला ङाहगी दि माक्‍यो यिहम्‍बा।


ओहराङ चो़वो येशू मास्‍यीकाला नाहम्‍स्‍यी किन्‍दुॱराङ चेवा पेहकें मिह थाम्‍ज्‍यी ङ्याम्‍बु किन्‍ज्‍योगी काटीन ज़्‍य़ू नाङज्‍यु।


दिठी पेहती ख्‍याया़गी का़हन्‍दी ल़ेह या़हबु येहबा ओ़ह खा फे़ ख़ूज्‍यु, ओहले मास्‍यीका फेप नाङगेन्‍गी ङ्यिहमाला ख्‍याया़ चाङमा दाङ च्‍यिॱआङ क्‍येन म़ेहबा पेहती तेह ख़ूज्‍यु।


रो़हराम ज्‍योर्च्‍येला ङ्यिहती ओङ म़ेहबा सोङबे मिहम्‍बा, यिहॱनाङ ङ्यिहगी डोलु-तेहलु ख्‍याया़गी तेहन्‍दाला पे च्‍यी़ ओहङ ख़ूज्‍यु म़ेदी ङ्यिहगी ओ़ह ल़ेहमु पेहसीन।


ज़्‍योम्‍बु येहबा म़ेदी सुज्‍यीगीॱआङ ख्‍येला ङ्येन्‍ज्‍येन पेह माहङ्युहङज्‍यु। यिहॱनाङ किन्‍ज्‍योला यिह छ्य़ेक्‍यो मिहया़की दिनला ख्‍ये राहङगी ताम मालु, डोलु-तेहलु, चेवा, तेहपाला ओहले राहङगी मिहजी चाङमा ज़्‍या़दी मिनाम तेन ख़ूज्‍यु।


ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।


दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।


ख्‍यागी जिम्‍माला येहकेनया़ थो़ला ओङ छ्य़ेगे मिहम्‍बा यिहॱनाङ ल़ेह या़हबु पेहती खुङया़गी दिनला पे या़हबु तेन्‍दोङ।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ