Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




तीतस 2:15 - ह्योल्‍मो

15 ओहले ख्‍येगी दि लुहङ तेर्केमु ओङ थाम्‍ज्‍यी थो़दी स्‍युक क्‍ये च्‍य़ूदोङ ओहले बार्ता लाङदोङ। सुज्‍यीगीॱआङ ख्‍येला ङ्येन्‍ज्‍येन पेह माहङ्युहङज्‍यु।

အခန်းကိုကြည့်ပါ။ ကော်ပီ




तीतस 2:15
10 ပူးပေါင်းရင်းမြစ်များ  

च्‍यिबे मासीमाना, छ्य़े-ठिमकी लोबेनया़गी ल़ेहमु मिहम्‍बा, येशूगीनी ओङ छ्यिम्‍बु जेती सुङदेन नाङगो येहकें।


येशूगी सुङदेन थे़दी मिहया़ ज्‍यिबुराङ ह्‍अ ल़ेहसीन। च्‍यिबे मासीमाना, येशूगी छ्य़े-ठिमकी लोबेनया़गी ल़ेहमु मिहम्‍बा, ओङ छ्यिम्‍बु जेती सुङदेन नाङगो येहकें।


दि थोङदी मिह थाम्‍ज्‍यीराङ ह्‍अ ल़ेहदी मासीन, “मिहम्‍बा, दि च्‍यि यिहम्‍बा? दिनी का साम्‍बा दुबा, दि मिहगी ओङ छ्यिम्‍बु जेती मेहचाङा नाम्‍स्‍यीया़ला का नाङगु दु, ओहले मिहरोगी नाङग्‍योगी का ल्‍हेन्‍डीया़गीॱआङ ङ्यिहन्‍गु दु!” म़ेदी मिहया़गी राहङ नाहङदुङ ताम टी़हज्‍ये छ़ूसीन।


दि थोङदी मिह थाम्‍ज्‍यीराङ ह्‍अ ल़ेहदी मासीन, “मिहम्‍बा, दि च्‍यि यिहम्‍बा? मिहरोगी स्‍याहलनी काहन्‍डुमु खाम छ्यिम्‍बु दुबा! मिहरोगी खाम छ्यिम्‍बु जेती काप्‍क्‍येन नाङगु दु, ओहले मेहचाङा नाम्‍स्‍यीया़गीॱआङ ङ्यिहन्‍गु दु!” म़ेदी मिहया़गी मामा चासीन।


ओ़ह सोङबे सुगीॱआङ खोला ङ्येन्‍ज्‍येन माहबेच्‍यु। यिहॱनाङ खो ङाहसाला ओहङगेमु खोला सेम लो तेहमु पेहती ख्‍याया़गी ताङ चाहङदोङ। च्‍यिबेमाना आदा-नो़हया़ ङ्याम्‍बु ओहङगेॱराङ येहबा म़ेदी ङाह खो ओहङगेन्‍गी लाहम ते़ तेहती येहबा।


तिहक्‍पा पेहतीराङ तेहकेनया़ला मिह थाम्‍ज्‍यीगी दिनला बार्ता लाङदोङ, ओ़ह ल़ेहमु पेहसीमाना च्‍यी़राङ छेन्‍छोककी लेहमेन मिहया़ॱआङ ज्‍यी़ज्‍ये येहबा।


ङाह ख्‍येला किन्‍ज्‍योगी या़हबु लेहङगु स्‍येच्‍येला का तेर्केॱराङ येहबा। ती़हजी या़हबु येहॱनाङ मे़हॱनाङ या़हबु लेहङगु स्‍येच्‍ये माहक्‍युर। खुङया़ला लोप्‍ताम क्‍याहप्‍तोङ, बार्ता लाङदोङ, आ़र क्‍ये च्‍य़ूदोङ ओहले ना़स्‍यीङ छ्यिम्‍बु दाङ लुहङ तेर्केन्‍गी तामया़ला ख्‍ये मा-फाम्‍बु माहबे।


दि ताम तेहन्‍दाम यिहम्‍बा। ओ़ह सोङबे खुङया़ यिह-छ्य़ेला तिक्‍पु डो ख़ूज्‍यु म़ेदी खुङया़ला या़हबु बार्ता लाङदोङ।


लुहङ तेर्केन्‍की काबाप ज़्‍योरक्‍यो मिहगी किन्‍ज्‍यो लाहमलेॱराङ लुहङ तेर्च्‍यु। स्‍याहप्‍तो स्‍युहएँ मिहगी किन्‍ज्‍योगी ओङ लाहमले स्‍याहप्‍तो स्‍युहज्‍यु। ओ़ह ल़ेहमु पेहती ल़ेह थाम्‍ज्‍यीला येशू मास्‍यीका लाहमले किन्‍ज्‍योलाॱराङ ज़िज्‍यिद ओहङज्‍यु। मिह-रो़हलाॱराङ ज़िज्‍यिद दाङ ओङ नाहम्‍स्‍यी किन्‍दु ओहङज्‍यु! आमेन।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ