तीतस 2:14 - ह्योल्मो14 येशू मास्यीकागी ओहराङला तिहक्पा ना थाम्ज्यीले थार च्य़ू नाङज्येला, टाहङबु ज़ो़-नाङज्येला, राहङदीराङ मिहया़ ज़ो़-नाङज्येला, या़हबु ल़ेहया़ पेहच्येला स्युक क्ये च्य़ूज्येला मिहरोगी राहङकी मिहलीॱराङ च्यिहम्बा ताङ नाङसीन। အခန်းကိုကြည့်ပါ။ |
तीतस 2:14
54 ပူးပေါင်းရင်းမြစ်များ
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
ख्येगीराङ ल़ेह थाम्ज्यी या़हबु पेहती खुङया़ला पे तेन्दोङ। लुहङ तेर्केमु तेहन्दाम, ख्येला लेहमेन मिहया़गी ची़नाङ पेहकेन छ्याप्स्यीगी, सुज्यीगीॱआङ ताम च्येह मी़हखुएँगी तामया़ तिक्पु पेहती खुङया़ला लोप्तोङ। ओहले ओहराङला टाह पेहकेन मिहया़गी ओहराङला च्यिॱआङ चोक्पा तामया़ मा ख़ूज्ये म़ेह ओहले खुङया़ ङोहजाला छ्यिच्ये येह।
मास्यीकागी किन्ज्योकी ज़िज्यिदकी क्या-साङे तेन नाङगे ओहले मास्यीकाॱराङ किन्ज्योकी तेहम्बा-तेहन्सुम ङ्य़ेहरी यिहम्बा। ओहले मिहरोगी वाङज्या छ्यिम्बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्पालेगी कोहङदा नाङगेन्गी छ्या़ले छार फान्ज्यो मिहरो वाङज्या छ्यिम्बु नोम्गेन किन्ज्योकी योबा ङो़ले ज़्य़ू नाङसीन।
मास्यीकाकी ठा़गीनी जेन माहङबु ख्यागी नोम्साङला तिहक्पाकी ल़ेहया़लेगी चाङमा ज़ोज्ये येह, ओहले ख्यागी सोम्बो ज़्य़ू नाङगेन किन्ज्योला स्याहप्तो स्युह ख़ूज्ये येह। च्यिबेमाना मिहरोगी नाहम्स्यी किन्दु ज़्य़ू नाङगे किन्ज्योगी थु लाहमले च्यिॱआङ क्येन म़ेहबा पेहती राहङगी राहङला किन्ज्योला मार्च्ये फुल नाङसीन।
किन्ज्योला यिह-छ्य़े माहबेबाकी मिहया़गी पाहरक्यीला ख्याया़गी डोलु-तेहलु या़हबु ओहङज्यु। सुज्यीगीॱआङ ख्याया़ला मिह चोक्पा म़ेदी ख्याला टाह पेहसीनमाॱनाङ खुङया़गी ख्यागी पेहक्योगी ल़ेह या़हबुया़ थोङज्यु, ओहले किन्ज्योगी ठिम ताङ नाङगेन ङ्यिहमाला खुङया़गी किन्ज्योला त़ेरा तेच्या फुल्ज्यु।
यिहॱनाङ ख्याया़नी दाम्ग्योगी मिहया़, क्याहल्बुला स्याहप्तो स्युहएँगी पूजाहारी, नाम्पार-ताहक्पा क्यिहपाया़, किन्ज्योगी राहङदीराङ मिहया़ यिहम्बा। मिहरोगी ख्याया़ला ना़-जुबेलेगी याहम्जेन छ्येवा जेती क्या-साङेला नोम फेन नाङसीन च्यिबेमाना ख्याया़गी किन्ज्योकी याहम्जेन छ्येवागी छ्या़लेया़ मिहया़ला स्युक छ्यिम्बु पेहती स्ये ख़ूज्यु म़ेदी यिहम्बा।
का़हलेॱआङ ओहराङगी “ङाहगी तिहक्पा पेहक्यो येह” म़ेदी किन्ज्योगी दिनला मासीमाना किन्ज्योगी ओहराङगी तिहक्पा कोहङदा नाङज्ये येह, ओहले ओहराङगी पेहक्यो ना थाम्ज्यीराङ टाहङबु म़ेहबाकी ल़ेहया़ लाहमले ओहराङला चाङमा ज़ो नाङज्ये येह, च्यिबेमाना किन्ज्योनी यिह-छ्य़े सी़हएँदी यिहन ओहले टाहङबु यिहन।
ए ङाहगी च्याहम्बु रो़हया़, ताहन्दानी ओहराङ किन्ज्योगी छार्क्यीनया़राङ यिहम्बा यिहॱनाङ तिङलेनी ओहराङ च्यि ओहङगे यिहम्बा, ओ़हगी तेहन्दाला किन्ज्योगी ओहराङला ह्अ कोह च्य़ू नाङदी म़ेह। यिहॱनाङ मास्यीका फेप नाङ फान्ज्यो ओहराङॱआङ मिहरो ल़ेहमुराङ डोज्ये येह च्यिबेमाना मिहरो काहन्डुमु येहबा, ओहराङगी मिहरोला ओ़ह ल़ेहमुराङ थोङज्ये येह।
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ကြော်ငြာတွေ