तीतस 1:11 - ह्योल्‍मो

¹¹ खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

तीतस 1:11 ပူးပေါင်းရင်းမြစ်များ

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

लूका 20:40

ओ़ह तिङला सुगीॱआङ येशूला येहपाराङ ताम टी़ह मा़हखु।

यूहन्‍ना 10:12

यिहॱनाङ ल़ूह ताज्‍येला ज़्‍या़क्‍योगी योक्‍पुदी फारा ओहङगेन थोङ-लुहङ म़ेहबा ल़ूहया़ला क्‍युर ज़्‍या़दी प्रे़हगे, च्‍यिबेमाना ओ़ह ल़ूहया़ खो राहङदीराङ मिहन। ओहले फारागी ल़ूहया़ला च्‍योम ओहङगे ओहले फेतोर कोहतोर ताङगे।

रोमी 3:19

छ्य़े-ठिमकी स्‍याहल छ्य़े-ठिमकी ओङ चो़ला येहकेन मिहया़ला माक्‍यो यिहम्‍बा म़ेदी ओहराङला क्‍यी़ह येह। ओ़ह सोङबे मिह थाम्‍ज्‍यीगी खाला खाज्‍यु क्‍याहप्‍च्‍ये येह ओहले लुहङबा किनगी मिहया़गी राहङगी पेहक्‍यो ल़ेहगी तेहन्‍दाला किन्‍ज्‍योला चिदुङ तेर कोहच्‍ये येह।

२ कोरिन्‍थी 11:10

मास्‍यीकागी तेहन्‍दाम ङाह ङ्याम्‍बु येह, ओहले अखैया काहङग्‍याराङ ङाहगी छ्य़ेन्‍दो तेन्‍दी माक्‍यो तामला सुज्‍यीगीॱआङ का़ ख़ूज्‍ये म़ेह।

१ तिमोथी 5:13

येहपाराङ खुङया़ लेहमेन मिहया़गी खाङबा-खाङबाला कोर्केन्‍गी बा़नी काहल्‍दी खुङ फेनराङ मे़हथोएँ काहल्‍ग्‍यो ओहङगे। ओहजे च्‍यी़राङ मिहम्‍बा खुङगी मिहया़गी ताम च्‍येहकेन, लेहमेन मिहया़की ल़ेहला लाहक्‍पा च्‍य़ूगेन दाङ माज्‍ये मेहयोहङगे तामया़ॱआङ म़ेदी डोएँ ओहङगे।

१ तिमोथी 5:4

का़हन्‍दीॱआङ ह्‍युग्‍मोती पुह-पोहमो दाङ छो़ छामुया़ येहसीमाना, खुङया़गी थाम्‍ज्‍यी म़ेदी तोहङले राहङ खाङबा मे़हमेया़ ङो़ले राहङगी पेहॱराङ कोहकेन्‍गी टाहङबु ठिमया़ ची़ज्‍ये लोप्‍च्‍यु, ओहले राहङ आबा-आमाकी सोक्‍यो टिहलेन च्‍याल ख़ूज्‍यु, च्‍यिबेमाना दि किन्‍ज्‍योकी ज़ी़नाङला लोक जेच्‍ये सी़हगे।

१ तिमोथी 6:5

ओ़ह ल़ेहमु मिहया़गी नावा नोहङग्‍योया़ दाङ तेहन्‍दामकी लाहमलेगी लो़हक्‍यो मिहया़की पाहरक्‍यीला ठ़ूस्‍यी सिहङदा च्‍यी़राङ ख्‍योङगे, ओहले किन्‍ज्‍योला म़ेहबा पेहक्‍योदी छ्युक्‍पु डोज्‍येगी तेहन्‍दाला यिहम्‍बा म़ेदी नोम्‍साङ ताङगे।

२ तिमोथी 2:18

स्‍यिदीले सोम्‍बो लो़हगेन्‍गी ताम तोहङलेराङ काहल सिहन्‍सीन म़ेदी खुङया़गी तेहन्‍दामकी लाहमला क्‍युर्ती येह। काहजे मिहया़गी तेहपाला खुङया़गी गो़ कोर च्‍य़ूगेनॱराङ येह।

२ तिमोथी 3:6

च्‍यिबेमाना खुङया़ नाहङला लाहला खाङबा-खाङबाला स्‍य़ूहदी तिहक्‍पाला छ्यिक्‍यो दाङ तिहक्‍पागी ल़ेह पेहच्‍येला सेम्‍बा पेहकेन्‍गी मा-फाम्‍बु पी़हमी-पेहजाया़ला राहङगी ओङ चो़ला ज़्‍या़ज्‍ये येह।

तीतस 1:7

छेन्‍छोककी गोबागी किन्‍ज्‍योकी छ्या़लेया़ ची़ लेहन्‍ग्‍यो ओहङगे। ओ़ह सोङबे खो च्‍यिॱआङ क्‍येन म़ेहबाकी मिह ओहङ कोहकें। ओहले खोगी छ्य़ेन्‍दो तेन्‍ज्‍ये मेहयोहङगे, ग्‍यो़बाराङ स्‍यिहताङ पेहच्‍ये मेहयोहङगे, छ्याङसीवा ओहङज्‍ये मेहयोहङगे, मिहया़ ङ्याम्‍बु ठ़ूस्‍यी सिहङदा पेहच्‍ये मेहयोहङगे ओहले क्‍युहला ह्‍अम्‍बा पेहच्‍ये मेहयोहङगे।

तीतस 1:9

राहङगी ज़्‍योरक्‍योगी तेहन्‍दामकी लुहङदेनला क्‍याप्‍ती तेहकें ओहले लेहमेन मिहया़लाॱआङ दि लुहङदेन लोप्‍ती स्‍युक तेर ख़ूएँदी ओहङ कोहकें। ओहले दि लुहङदेन ङ्यिहगी लोप्‍क्‍यो ल़ेहमुराङ ओहङ कोहकें ओहले दि लुहङदेनला टाह पेहकेन मिहया़दी ङ्य़ेहबा तेन तेर ख़ूएँदी ओहङ कोहकें।

तीतस 3:10

ओहले ठू़ च्‍य़ूगे मिहया़ला लेहमा च्‍यी़ ङ्यी़ लोप्‍ताम क्‍याहप्‍तोङ, ओहले ओहजे पेहतीॱआङ मिहङ्यीहन्‍सीमाना खो ङ्याम्‍बु च्‍यामॱराङ माहच्‍याम।