रोमी 9:20 - ह्योल्‍मो

²⁰ यिहॱनाङ मिह काहल्‍दी किन्‍ज्‍योला ल़ेहन क्‍याहप्‍के ख्‍ये सु यिहम्‍बा? सासाकी नेक्‍यीगी “ङाहला च्‍यिबे दि ल़ेहमु ज़ोक्‍यो?” म़ेदीमाॱराङ ज़ोएँ मिहला टी़ह ख़ूएँ ले?

रोमी 9:20 ပူးပေါင်းရင်းမြစ်များ

मत्ती 20:15

च्‍यि ङाहला राहङगी टाङगा राहङगी तेर्च्‍ये सेम क्‍य़ेक्‍योया़ला तेर्च्‍येला ओङ म़ेहबा ले? ङाहगी तेरक्‍यो थोङदी ख्‍ये च्‍यिबे ठादो पेहकें ले’?”

लूका 12:14

ओहले येशूगी, “नो़ह, ख्‍यागी फास्‍यी कोहज्‍येला ङाहला सुगी दि ओङ तेर्पा?” म़ेदी सुङ नाङसीन।

रोमी 14:4

लेहमेनकी योक्‍पुला ठिम ताङगे ख्‍ये सु यिहम्‍बा ले? ओ़हनी ताहक्‍पुगी गा खोगी ल़ेह या़हबु पेहक्‍यो यिहम्‍बानी चोक्‍पा पेहक्‍यो यिहम्‍बा म़ेदी ज़ी़ नाङगे। ओहले खोगी या़हबु ल़ेह पेह ख़ूएँ च्‍यिबेमाना चो़वोगीॱराङ खोला या़हबु ल़ेह पेहच्‍ये ज़ो नाङ थुप्‍कें।

रोमी 2:1

ओ़ह सोङबे लेहमेनला फातुर च़ूगे ए रो़ह, ख्‍ये सु यिहॱनाङ, ख्‍येला तेलेन तेन्‍गे ग्‍या़ॱराङ म़ेह, च्‍यिबेमाना ख्‍येगी लेहमेनला च्‍यि तामला फातुर च़ूगे, ओ़ह तामलाॱराङ ख्‍येॱलाङ ङ्य़ेहबा फो़ज्‍ये येह, च्‍यिबेमाना ख्‍ये फातुर च़ूगेन्‍दीगीॱआङ ओ़ह ल़ेहराङ पेहकें।

रोमी 2:3

ए रो़ह, ख्‍येगी दि ल़ेहमु ल़ेह पेहकेनया़ला फातुर च़ूगे ओहले राहङगीॱआङ ओ़ह ल़ेहराङ पेहसीनमाना, च्‍यि ख्‍ये किन्‍ज्‍योगी ताङ नाङगेन्‍गी ठिमलेगी थार ख़ूएँ म़ेदी ने़उ दु?

रोमी 9:21

सासागी नेक्‍यी ज़ोएँ मिहगी राहङगी च्‍योप्‍क्‍यो सासालेगी राहङ सेमला ने़जेबा नेक्‍यी ज़ोएँ। सासा फोल्‍दोङ च्‍यी़लेगी लाहलाला चा़ छ्यिम्‍बु ल़ेहगी तेहन्‍दाला लाहलाला फेमा ल़ेहगी तेहन्‍दाला नेक्‍यी ज़ोएँ। दि खोगी सेमगी ताम यिहम्‍बा।

रोमी 9:22

ओ़हठीॱराङ पेहती किन्‍ज्‍योगी राहङगी थुयाल दाङ ओङ तेन नाङज्‍येला मिहरोगी तोङ च्‍य़ू नाङज्‍येला ठाबे जे नाङग्‍योगी थुयालकी मिहया़ला ज्‍यिबुराङ ना़स्‍यीङ छ्यिम्‍बु जेती ना़दी ज़्‍य़ू नाङग्‍यो येहबा।

१ कोरिन्‍थी 1:20

रिहक्‍स्‍यी छ्यिम्‍बु येहकेनया़ का़हला येहबा? छ्य़ेकी खेम्‍बुया़ का़हला येहबा? दि काल्‍बाकी तेहन्‍दाला स्‍येपा तुहर्केया़ का़हला येहबा? च्‍यि किन्‍ज्‍योगी दि जाम्‍बुलीङकी रिहक्‍स्‍यीला उल्‍दुम्‍बा ज़ो माहनाङ ले?

१ कोरिन्‍थी 7:16

ए पी़हमी, ख्‍येला च्‍यि क्‍यी़ह! का़हलेॱआङ ख्‍येगी राहङगी ख्‍योवाला थार च्‍य़ू ख़ूएँ गा यिहम्‍बानी? ए ख्‍योवा, ख्‍येला च्‍यि क्‍यी़ह! का़हलेॱआङ ख्‍येगी राहङगी पी़हमीला थार च्‍य़ू ख़ूएँ गा यिहम्‍बानी?

१ तिमोथी 6:5

ओ़ह ल़ेहमु मिहया़गी नावा नोहङग्‍योया़ दाङ तेहन्‍दामकी लाहमलेगी लो़हक्‍यो मिहया़की पाहरक्‍यीला ठ़ूस्‍यी सिहङदा च्‍यी़राङ ख्‍योङगे, ओहले किन्‍ज्‍योला म़ेहबा पेहक्‍योदी छ्युक्‍पु डोज्‍येगी तेहन्‍दाला यिहम्‍बा म़ेदी नोम्‍साङ ताङगे।

२ तिमोथी 2:20

खाङबा छ्यिम्‍बुला सेर दाङ ङुलकी नेक्‍यीया़ च्‍यी़राङ मेहयोहङगे, यिहॱनाङ स्‍यिङ दाङ सासाकी ज़ोक्‍योगी निक्‍यीया़ॱआङ ओहङगे। ओहले लाहला नेक्‍यीया़ चा़ छ्यिम्‍बु ल़ेहया़गी तेहन्‍दाला चा़लतिएँमाना लाहला नेक्‍यीया़दी फेमा-फेमा ल़ेहया़गी तेहन्‍दाला चा़ल्‍ती़एँ।

तीतस 2:9

ओहले योक्‍पुया़ॱआङ राहङगी ताहक्‍पुगी ओङ चो़ला तेह कोहकें, राहङ ताहक्‍पुला खा लो़हज्‍ये मेहयोहङगे, ओहले या़हबु ल़ेहया़ पेहती राहङगी ताहक्‍पुला क़ेहनाङ लाहङच्‍यु कोहएँ म़ेदी योक्‍पुया़ला लोप्‍ताम क्‍याहप्‍तोङ।

याकूब 2:20

ए उल्‍दुम्‍बाया़, ल़ेह माहबेबा पेहती तेहपा च्‍यी़राङ पेहती तेहसीन माना ओ़ह च्‍यिॱआङ फेन मे़हथोएँ माएँ ताम च्‍यि ख्‍याया़ला दास्‍यी तेन कोहएँ ले?