रोमी 9:16 - ह्योल्मो16 ओ़ह सोङबे मिहगी सेम्बा दाङ स्युक थो़ला दि ले खाल मी़हखुएँ, यिहॱनाङ किन्ज्योकी थुज्यी थो़ला ले खाल ख़ूएँ। အခန်းကိုကြည့်ပါ။ |
रोमी 9:16
20 ပူးပေါင်းရင်းမြစ်များ
ओहजेला येशू नाम्पार-ताहक्पा थुगी काहङदे काहसो जेकेॱराङ सुङ नाङसीन, “ओ़ याहप, स्यिहङगाम दाङ जाम्बुलीङगी चो़वो छ्येवा, ङाह राहङला थुज्यी-छ्ये़ फुल्गे, च्यिबेमाना राहङगी दि केच्या रिहक्स्यी छ्यिम्बु दाङ मिह टिहम्बुया़ ङो़ले पे़हदी पेहजाया़ला ङोह स्य़े च्य़ू नाङसीन। च्यिबेमाना याहप, राहङला दि ल़ेहमु जेच्ये सुङदी थुला ठुङसीन।”
यिहॱनाङ ओ़ह जाउँले पुह ङ्यी़ आमाकी फोवा नाहङला येहकेंमु ओहले खुङ ङ्यी़गी च्यिरा या़हबु चोक्पा ल़ेह पेहकें म़ेदी तोहङलेराङ किन्ज्योगी जाउँले पुह ङ्यी़ नाहङला च्यी़ला दाम नाङदी रिबेकाला सुङ नाङसीन, “आदादीगी नो़हला स्याहप्तो स्युहज्ये येह।” किन्ज्योगी सुङ नाङग्यो ल़ेहमुराङ छ्य़ेला दि ल़ेहमु प्री़हदी येहबा, “ङाहगी याकूबला चेवा पेहसीन ओहले एसावलाती क्युक्टो पेहसीन।” दि ल़ेहमु जेती किन्ज्योगी मिहया़की ल़ेहला ज़ी़दी दाम मेहनाङगे यिहॱनाङ मिहरोगी थुला ठुङग्यो ल़ेहमु जे नाङगे सुङदी किन्ज्योगी थिउ-निउ जे नाङसीन।
किन्ज्योगी ङाहला ज्याल्गा नाङग्यो सोङबे ङाह यरूशलेमला काहल्सीन, ओहले ङाहगी ओ़ह ग्या़गी गोबाया़ला च्यी़राङ खाजुम्बाला क़े क्याहप्ती ङाहगी लेहमेन क्यिहपाकी मिहया़ला स्ये़क्योकी या़हबु लेहङगुॱराङ या़हबु पेहती प्रा साल्सीन। च्यिबेमाना ङाहगी पेह सिहन्ग्यो दाङ पेह तेहक्योकी ल़ेहया़ स्यिती काम्बुला थोरो डोनी म़ेदी ङाहला ज्यी़सु येहकें ओ़ह सोङबे ङाहगी ओ़ह ल़ेहमु पेहक्यो यिहम्बा।
ကြော်ငြာတွေ