रोमी 9:11 - ह्योल्‍मो

^11-13 यिहॱनाङ ओ़ह जाउँले पुह ङ्यी़ आमाकी फोवा नाहङला येहकेंमु ओहले खुङ ङ्यी़गी च्‍यिरा या़हबु चोक्‍पा ल़ेह पेहकें म़ेदी तोहङलेराङ किन्‍ज्‍योगी जाउँले पुह ङ्यी़ नाहङला च्‍यी़ला दाम नाङदी रिबेकाला सुङ नाङसीन, “आदादीगी नो़हला स्‍याहप्‍तो स्‍युहज्‍ये येह।” किन्‍ज्‍योगी सुङ नाङग्‍यो ल़ेहमुराङ छ्य़ेला दि ल़ेहमु प्री़हदी येहबा, “ङाहगी याकूबला चेवा पेहसीन ओहले एसावलाती क्‍युक्‍टो पेहसीन।” दि ल़ेहमु जेती किन्‍ज्‍योगी मिहया़की ल़ेहला ज़ी़दी दाम मेहनाङगे यिहॱनाङ मिहरोगी थुला ठुङग्‍यो ल़ेहमु जे नाङगे सुङदी किन्‍ज्‍योगी थिउ-निउ जे नाङसीन।

रोमी 9:11 ပူးပေါင်းရင်းမြစ်များ

रोमी 4:17

छ्य़ेला दि ल़ेहमु प्री़हदी येहबा, “ङाहगी ख्‍येला माहङबुराङ क्‍यिहपाया़की आबा जे़दी येहबा।” किन्‍ज्‍योगी स्‍यिक्‍योया़ला मिहली नाङ थुप्‍कें ओहले येहॱराङ म़ेहबाकी से़हया़ला का नाङदी छ्या़ च्‍य़ू नाङ थुप्‍के म़ेदी यिह छ्य़ेक्‍यो सोङबे मिहरोगी अब्राहाम ङ्याम्‍बु दि ताहम्‍ज्‍या ज़्‍या़ नाङग्‍यो येहकें।

एफिसी 2:3

लेहमा च्‍यी़ ओहराङॱआङ खुङ ल़ेहमुराङ येहकें ओहले ओहराङ थाम्‍ज्‍यी राहङ ज़ुबु दाङ सेमगी लाङगे से़हया़ छाङबु पेहती राहङ तिहक्‍पाकी पेहताङला छ्यिती मिहजी ताङगो येहकें। राहङ पेहताङगी पेहती ओहराङॱआङ खुङ ल़ेहमुराङ किन्‍ज्‍योकी थुयालला छ्यिती येहकें।

एफिसी 2:9

ल़ेह पेहती माॱराङ मिहया़गी थार्पा ज़्‍योरक्‍यो मिहन, मिहन्‍सीमानानी खुङया़गी छ्य़ेन्‍दो तेन्‍ज्‍ये येहकें।

एफिसी 3:11

दि थाम्‍ज्‍यी किन्‍ज्‍योगी राहङदी था़ म़ेहबागी राहङगी ज़ोक्‍योकी च्‍याहम्‍दा यिहम्‍बा। ओहले दि ओहराङ चो़वो मास्‍यीका येशूला मिहरोगी तेहन्‍दा डुप च्‍य़ू नाङसीन।

१ थेसलोनिकी 1:4

किन्‍ज्‍योगी चेवा जे नाङग्‍योकी आदा-नो़ह दाङ आज्‍यी-नुहमुया़, ख्‍या फ़ेबे-म़ेहमेया़ला किन्‍ज्‍योगीॱराङ दाम नाङग्‍यो यिहन म़ेदी ङ्यिहला क्‍यी़ह येह।

१ थेसलोनिकी 2:12

ख्‍यागी डोलु-तेहलुया़ किन्‍ज्‍योला सी़ह ख़ूएँगी मिहजी ओहङ ख़ूज्‍यु म़ेदी ङ्यिहगी ख्‍या फ़ेबे-म़ेहमेया़ला स्‍युक क्‍ये च्‍य़ूएँराङ सेम ज़ुङ च्‍य़ूदी थाल्‍मा च्‍याहरको येह। च्‍यिबेमाना किन्‍ज्‍योगी ख्‍या फ़ेबे-म़ेहमेया़ला मिहरोगी राहङदीराङ क्‍याहल्‍सी दाङ ज़िज्‍यिदला क़े क्‍याहप नाङदी येह।

२ तिमोथी 1:9

किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।

तीतस 3:5

ओहले किन्‍ज्‍योगी ओहराङला थार्पा नाङसीन। ओहराङगी ल़ेह या़हबु पेहक्‍यो सुङगोराङ दि ल़ेहमु काहल्‍ग्‍यो मिहम्‍बा यिहॱनाङ किन्‍ज्‍योगी ओहराङला निङज्‍यी जेती मिहरोगी ओहराङकी तिहक्‍पाया़ ठु-नाङसीन ओहले नाम्‍पार-ताहक्‍पा थु लाहमले ओहराङला मिहली साम्‍बा नाङसीन।

१ पत्रुस 5:10

थाम्‍ज्‍यी काटीनकी किन्‍ज्‍योगी मास्‍यीकाला यिह-छ्य़े नाङदी राहङदी नाहमॱआङ मिहसीहन्‍गेन्‍गी ज़िज्‍यिद नाङज्‍येला ख्‍याया़ला क़े क्‍याहप नाङदी येह। ख्‍यागी ङ्यिहमा तोबाज्‍यी तुहक्‍पु खुर फान्‍ज्‍यो मिहरोगीॱराङ ख्‍याया़ला येहपाराङ साम्‍बा ज़ो नाङज्‍ये येह, ओहले ख्‍यागी सेम थिक-चिला ज़्‍या़दी ओङज्‍या छ्यिम्‍बु ज़ो नाङज्‍ये येह ओहले ब्राम सान्‍दी तिङग्‍यो ग्‍या़ला ज़्‍या़ नाङज्‍ये येह।

२ पत्रुस 1:10

ओ़ह सोङबे आदा-नो़ह दाङ आज्‍यी-नुहमुया़, किन्‍ज्‍योगी ख्‍याया़ला क़े क्‍याहप नाङग्‍यो दाङ दाम नाङग्‍यो केच्‍याला थिउ-निउ पेहच्‍ये छोल्‍दोङ। ख्‍याया़गी दि ल़ेहमु पेहसीनमाना ख्‍या नाहमॱआङ रिहल्‍ज्‍ये म़ेह।

ज्‍याल्‍गा 17:14

खुङया़गी ल़ूह स्‍ये़बुला टाह पेहते मा़ क्‍याहप्‍च्‍ये येह, यिहॱनाङ ल़ूह स्‍ये़बुगी खुङया़ला क्‍याहल्‍ज्‍ये येह, च्‍यिबेमाना मिहरो चो़वोया़गी चो़वो ओहले क्‍याहल्‍बुया़दीॱआङ क्‍याहल्‍बु यिहम्‍बा। ओहले मिहरोगी क़े क्‍याहप नाङग्‍यो दाम नाङग्‍यो दाङ यिह-छ्य़ेबाया़ॱआङ मिहरो ङ्याम्‍बुराङ ओहङज्‍ये येह।”