रोमी 8:8 - ह्योल्‍मो

⁸ तिहक्‍पाकी पेहताङगी ओङ चो़ला तेहकेया़गी किन्‍ज्‍योकी थुला नाहमॱआङ काहसो ज़ो मी़हखुएँ।

रोमी 8:8 ပူးပေါင်းရင်းမြစ်များ

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

यूहन्‍ना 8:29

ङाहला ताङ नाङगेन्‍दी ङाह ङ्याम्‍बुराङ ज़्‍य़ू नाङदी येह, मिहरोगी ङाहला च्‍यी़राङ क्‍युर ज़्‍या़ नाङदी म़ेह च्‍यिबेमाना ङाह नाहम पेहनाॱआङ मिहरोला थु ङ्य़ेबु ओहङगेन्‍गी ल़ेहया़ च्‍यी़राङ पेहकें।”

रोमी 1:21

च्‍यिबेमाना खुङया़गी किन्‍ज्‍योला ङोह स्‍य़ेदीॱआङ किन्‍ज्‍योला पेह कोहएँगी ची़नाङ माहबे, ओहले थुज्‍यी-छ्य़ेॱआङ माहफुल, यिहॱनाङ खुङया़ राहङगी नोम्‍साङला फेनराङ मे़हथोएँ काहल्‍सीन ओहले खुङया़की उल्‍दुम्‍बा सेम तोहरोङ खोक्‍पा नाहक्‍पु काहल्‍सीन।

रोमी 7:5

ती़हजी च्‍यी़ला ओहराङ तिहक्‍पाकी पेहताङया़ खुर्ते राहङगी मिहजी ताङगो येहकें। च्‍यिबेमाना तिहक्‍पाकी सेम्‍बाया़ थाम्‍ज्‍यी छ्य़े-ठिम लाहमलेॱराङ ओहङदी ओहराङ ज़ुबुकी ओङबुया़ला ल़ेह पेहकेनॱराङ येहकें, ओहले दिगी स्‍यिवा ख्‍योङगे।

रोमी 8:9

का़हलेॱआङ तेहम्‍बाराङ किन्‍ज्‍योकी थु ख्‍या नाहङला ज़्‍य़ू नाङसीमाना, ख्‍या तिहक्‍पाकी पेहताङकी ओङ चो़ला मेहयोहङगे यिहॱनाङ ख्‍या नाम्‍पार-ताहक्‍पा थुगी ओङ चो़ला ओहङगे। मास्‍यीकाकी थु मे़हबाया़ मास्‍यीकाती मिहम्‍बा

१ कोरिन्‍थी 7:32

ख्‍या सुज्‍यीॱआङ तुहङाल माहबेबा पेहती तेहच्‍यु माएँ ङाहगी सेम येहबा। पा़हमा माहबेबा मिहगी चो़वोला काह-ठि पेहती चो़वोकी थु काहसो ज़ोज्‍ये म़ेदी चो़वोगी तेहन्‍दालाराङ तुहङाल पेहकें।

फिलिप्‍पी 4:18

ङाहगी ज्‍योर कोहएँ म़ेदी माहङबु ज्‍योर्ती येह। ख्‍यागी इपाफ्रोडिटसकी लाहक्‍पाला ताङग्‍यो डेल्‍बाया़ ज्‍योर्ती ङाह दाङस्‍यी काहल्‍दी येह। दि डेल्‍बा तेर्ती ख्‍यागी किन्‍ज्‍योला थु काहसो ज़ोएँगी छ्येपा फुल्‍सीन, दि डेल्‍बा किन्‍ज्‍योला टिहमा स्‍यिहम्‍बु खाएँगी स्‍युक्‍पा फुल्‍ग्‍यो ल़ेहमुराङ काहल्‍सीन।

कलस्‍सी 1:10

ओहले ख्‍याया़गी चो़वोला थु ङ्ये़एँगी मिहजी ताङदी नाहम-माना मिहरोला क़ेहनाङ लाहङ च्‍य़ू ख़ूज्‍यु ओहले थाम्‍ज्‍यी या़हबु ल़ेहया़ला सेदो या़ह च्‍य़ूगेनॱराङ किन्‍ज्‍योकी येहन्‍देनला याहरक्‍यी पेहती डो ख़ूज्‍यु।

कलस्‍सी 3:20

ए पुह पोहमोया़, ख्‍यागी राहङ आबा-आमागी माक्‍यो तामया़ ङ्यिहन्‍दोङ। च्‍यिबेमाना दिगी चो़वोला थु काहसो ज़ोएँ।

१ थेसलोनिकी 4:1

ता़ह ज्‍युक्‍स्‍योलला आदा-नो़ह दाङ आज्‍यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्‍मा च्‍याहर्ती दि उर्चु पेहको येह, ख्‍या फ़ेबे-म़ेहमेया़गी ङ्यिह लाहमले किन्‍ज्‍योला थु ङ्ये़एँगी डोलु-तेहलुया़ लोप नाङदी येह ओहले लोप्‍क्‍यो ल़ेहमुराङ ख्‍या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्‍या फ़ेबे-म़ेहमेॱया जेन-जेन या़हबु पेहती फेप नाङदोङ।

हिब्रू 13:16

च्‍यी़गी च्‍यी़ला या़हबु ल़ेह दाङ रो़हराम पेहच्‍येला टेहम्‍बा माहच्‍येह। च्‍यिबेमाना किन्‍ज्‍योला थु ङ्ये़एँगी मार्च्‍ये दिराङ यिहम्‍बा।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।

१ यूहन्‍ना 3:22

ओहराङगी किन्‍ज्‍योगी काया़ ची़क्‍यो दाङ मिहरोगी थु ङ्ये़एँगी ल़ेहया़ पेहक्‍यो सोङबे ओहराङगी च्‍यि लाङगे ओ़ह मिहरोगी नाङगे।