रोमी 8:3 - ह्योल्‍मो

³ तिहक्‍पागी पेहताङगी काहङग्‍यो ज़ुबुगी मिहला ज्‍यिबुराङ मा-फाम्‍बु ज़ोक्‍यो सोङबे छ्य़े-ठिमगी पेह मी़हखुएँ ल़ेह किन्‍ज्‍योगी जे नाङसीन। काह-ठि पेहती माना, मिहरोगी राहङगी स़ेबु च्‍यिमे च्‍यी़ला दि जाम्‍बुलीङला ताङ नाङसीन। ओहले स़ेबु तिहक्‍च्‍येम्‍बा मिह ल़ेहमुराङ जेती मिहगी कुसो नोम्‍दी ठुङ नाङसीन ओहले मिह थाम्‍ज्‍यीगी पेहक्‍यो तिहक्‍पाकी तेहन्‍दाला किन्‍ज्‍योगी स़ेबुला क्‍याहङस्‍यीङला मार्च्‍ये फुल नाङसीन। दि ल़ेहमु जेती स़ेबुगी कुसो लाहमले किन्‍ज्‍योगी तिहक्‍पाकी ओङला दुल नाङसीन।

रोमी 8:3 ပူးပေါင်းရင်းမြစ်များ

मर्कूस 15:27

येशूला क्‍याहङस्‍यीङला च्‍याङगेमु खुङया़गी च्‍याहक्‍पा ङ्यी़ॱलाङ येशूगी योबा दाङ योमा ङो़ले क्‍याहङस्‍यीङला च्‍याङसीन। [

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 9:24

ओहले यहूदीया़गी येहपाराङ ओ़ह मिहला क़े क्‍याहप्‍ती मासीन, “किन्‍ज्‍योला त़ेरा तेच्‍या फुल्‍दोङ। ओ़ह मिह तिहक्‍च्‍येम्‍बाराङ यिहन म़ेदी ङ्यिहला क्‍यी़ह येह।”

ल़ेह-पेन 13:39

येशूला यिह छ्य़ेगेया़ थाम्‍ज्‍यी तिहक्‍पा ङो़ले थार्पा ज्‍योर्ती किन्‍ज्‍योगी ज़ी़नाङला ठाबे सी़हगे। मोशागी नाङग्‍यो छ्य़े-ठिमगी मिहया़ला थार्पा तेर मी़हखुएँ।

रोमी 3:20

ओ़ह सोङबे छ्य़े-ठिमला ची़दी सुज्‍यीॱआङ किन्‍ज्‍योगी दिनला टाहङबु सी़ह मी़हखुएँ, च्‍यिबेमाना छ्य़े-ठिमगीनी मिहगी पेहक्‍योगी तिहक्‍पाला ङोह स्‍य़े च्‍यी़राङ च्‍य़ूगे।

रोमी 6:6

ओहराङला दि क्‍यी़हराङ येह, तिहक्‍पागी ओङ छ्य़े तेहक्‍योकी मिहली तोङज्‍यु म़ेदी, ओहले ता़ह यिहन्‍ज्‍यु ओहराङ तिहक्‍पाकी योक्‍पु माहन्‍डोज्‍यु म़ेदी ओहराङगी तोहङमागी मिहली मास्‍यीका ङ्याम्‍बुराङ क्‍याहङस्‍यीङला च्‍याङ सिहन्‍दी येह।

रोमी 7:18

च्‍यिबेमाना ङाहती दि तिहक्‍पाकी पेहताङगी काहङग्‍योगी ज़ुबुला च्‍यिॱआङ या़हबु से़हया़ मेहतेहकें म़ेदीनी ङाहला क्‍यी़ह येह। या़हबु ल़ेहया़ पेहकेन्‍की सेम्‍बा ङाह ङ्याम्‍बु येहतीॱआङ ङाहगी ओ़ह पेह मी़हखुएँ।

रोमी 8:32

मिहरोगी राहङगी च्‍यिमे च्‍यी़राङ स़ेबुलानी सी़दी ज़्‍या़ माहनाङ, यिहॱनाङ ओहराङ थाम्‍ज्‍यीगी तेहन्‍दाला नाङसीन। ओहराङगी तेहन्‍दाला राहङगी स़ेबु नाङगे किन्‍ज्‍योगी तोहरोङ मास्‍यीका ङ्याम्‍बुराङ लेहमेन थाम्‍ज्‍यीराङ से़हया़ ओहराङला मेहनाङडो ले?

रोमी 9:3

ङाहला मास्‍यीकालेगी खा फ़ेगेनकी मे़मु सू़हदी ङाहती क्‍यिहपा दाङ ङाहती यहूदी आदा-नो़ह दाङ आज्‍यी नुहमुया़ती थार्के यिहनानी ङाह ज्‍यिबुराङ क़ेहनाङ लाहङज्‍ये येहकें। खुङया़ थार्च्‍यु माएँज्‍यीराङ ङाहती ज्‍यिबुराङ छ्यिम्‍बु सेम्‍बा येहबा।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

गलाती 3:13

ओहराङगी छ्य़े-ठिम ची़ मा़हखुबा सोङबेॱराङ ओहराङ थो़ला फो़क्‍योकी थाम्‍ज्‍यीराङ मे़मुया़ मास्‍यीका राहङगीराङ खुर नाङदी छ्य़े-ठिमकी मे़मु लाहमले ओहराङला खा फे़ नाङसीन, च्‍यिबेमाना “क्‍याहङस्‍यीङला च्‍याङदी स्‍यिएँ थाम्‍ज्‍यीला मे़मु सू़हक्‍यो ओहङगे” म़ेदी प्री़हदे येहबा।

गलाती 3:21

ओ़हठी यिहन्‍सीमानानी च्‍यि छ्य़े-ठिमगी किन्‍ज्‍योगी तोहदामला टाह पेहते येहबा ले? मिहम्‍बा, ओ़ह ल़ेहमु यिहनॱराङ मिहन। का़हलेॱआङ मिहला मिहली तेर ख़ूएँकी छ्य़े-ठिम नाङग्‍यो यिहन्‍सीमानानी तेहम्‍बाराङ छ्य़े-ठिमगीॱराङ मिहला किन्‍ज्‍योकी दिनला टाहङबु सी़ह च्‍य़ूज्‍ये येहकें।

फिलिप्‍पी 2:7

यिहॱनाङ मिहरोगी राहङदीराङ थु-सेमगी जेती दि थाम्‍ज्‍यी क्‍युर ज़्‍या़ नाङसीन ओहले मिहगी मिहली नोम्‍दी योक्‍पु ल़ेहमुराङ जेती ठुङ नाङसीन।

हिब्रू 10:12

यिहॱनाङ मास्‍यीकागीनी नाहम-मानागी तेहन्‍दाला दाङस्‍यी जेती राहङगी राहङलाराङ तिहक्‍पाकी तेहन्‍दाला च्‍यी़मे च्‍यी़राङ मार्च्‍ये फुल नाङसीन। दि छ्या़ले छार फान्‍ज्‍यो मिहरो किन्‍ज्‍योकी योबा ङो़ले ज़्‍य़ू नाङसीन।

हिब्रू 10:14

मिहरोगी फुल नाङग्‍यो च्‍यिमे च्‍यी़राङ मार्च्‍येगी तिहक्‍पालेगी चाङमा काहल्‍ग्‍योया़ला नाहम-मानागी तेहन्‍दाला छाङबु ज़ो नाङदी येह।

हिब्रू 2:14

च्‍यिबेमाना ओ़ह पुह पोहमोया़ स्‍या दाङ ठा़गी ज़ुबु यिहन्‍गे सोङबे येशूगीॱआङ खुङ ल़ेहमुराङ स्‍या दाङ ठा़गी ज़ुबु नोम नाङसीन। ओहले मिहरो राहङॱआङ टोहङ नाङदी दि स्‍यि च्‍य़ूएँगी ओङ थो़क्‍यो ती़ह गो-छ्येवाला तोङ च्‍य़ू नाङसीन

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।

हिब्रू 4:15

च्‍यिबेमाना ओहराङ मा-फाम्‍बु डोएँमु ओहराङगी गो-छ्येवा पूजाहारीगी ओहराङला सेम सो च्‍य़ू नाङ ख़ूएँ। ओहराङ ल़ेहमुराङ मिहरोॱआङ थाम्‍ज्‍यीराङ से़हया़ला ङ्याहम्‍छेला छ्यि नाङसीन, यिहॱनाङ मिहरोगी तिहक्‍पा च्‍यिॱआङ जे माहनाङ।

१ पत्रुस 2:24

तिहक्‍पाकी ल़ेहया़ क्‍युर्ती ओहराङगी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी मास्‍यीकागी ओहराङगी तिहक्‍पाया़ राहङगी कुसोला खुर्ती क्‍याहङस्‍यीङला टोहङ नाङसीन।