रोमी 8:27 - ह्योल्‍मो

²⁷ मिहया़ती यिह ङोह ख्‍येन नाङगे किन्‍ज्‍योगी नाम्‍पार-ताहक्‍पा थुगी थु-सेम च्‍यि येहबा ओ़ह ङोह ख्‍येन नाङगे च्‍यिबेमाना किन्‍ज्‍योकी थुला ठुङग्‍यो ल़ेहमु नाम्‍पार-ताहक्‍पा थुगी किन्‍ज्‍योला यिह-छ्य़े पेहक्‍यो मिहया़की तेहन्‍दाला ओहर-छ्य़े स्‍युह नाङगे।

रोमी 8:27 ပူးပေါင်းရင်းမြစ်များ

मत्ती 6:8

ओ़ह सोङबे ख्‍याया़ खुङया़गी ल़ेहमु माहबे च्‍यिबेमाना लाङगे म़ेदी तोहङलेराङ ख्‍याया़ला च्‍यि से़हगी कोहपु येह माएँ ताम स्‍यिहङगामला ज़्‍य़ू नाङगेन्‍गी ख्‍याया़गी किन्‍ज्‍यो याहपगी ङोह ख्‍येन नाङगे।

लूका 16:15

ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

यूहन्‍ना 14:13

ख्‍याया़गी ङाहगी मिहनला च्‍यि लाङॱनाङ स़ेबु लाहमले याहपकी ज़िज्‍यिद ओहङज्‍यु म़ेदी ङाह ओ़ह पेहच्‍ये येह।

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

ल़ेह-पेन 1:24

ओहले खुङया़गी दि ल़ेहमु म़ेदी सोल्‍वाङ ताप्‍सीन, “मिह थाम्‍ज्‍यीगी सेमला येहकेन्‍गी ताम ङोह ख्‍येन नाङगे चो़वो छ्येवा, दि मेहन्‍दा ङ्यी़ नाहङला राहङगी का़हन्‍दीला दाम नाङग्‍यो येहबा ओ़ह ङ्यिहला तेन नाङदोङ,

ल़ेह-पेन 15:8

सेमगी स्‍याहल ङोह ख्‍येन्‍गे किन्‍ज्‍योगी ओहराङला नाम्‍पार-ताहक्‍पा थ़ू नाङग्‍यो ल़ेहमुराङ लेहमेन क्‍यिहपागी मिहया़ॱलाङ नाङसीन। दि ल़ेहमु पेहती किन्‍ज्‍योगी लेहमेन क्‍यिहपागी मिहया़लाॱआङ राहङदी ज़ो नाङसीन।

रोमी 8:34

ता़ह खुङला सुगी ङ्य़ेहबा काल ख़ूज्‍ये? मास्‍यीका येशू टोहङ नाङसीन यिहॱनाङ टोहङग्‍योया़ नाहङला मिहरो येहपाराङ सोम्‍बो ज़्‍याङ नाङसीन, ओहले ताहन्‍दा मिहरो किन्‍ज्‍योकी योबा ङो़ले ज़्‍य़ू नाङदी येहबा, ओहले मिहरोगी ओहराङगी तेहन्‍दाला किन्‍ज्‍यो ङ्याम्‍बु ओहर-छ्य़े स्‍युह नाङगे।

रोमी 8:6

च्‍यिबेमाना ज़ुबु लाहमले पेहकेन तिहक्‍पाकी पेताङया़ला सेम ताङसीन माना दिगी मिहला स्‍यिवाला क्‍याहल्‍गे। यिहॱनाङ नाम्‍पार-ताहक्‍पा थुला सेम ताङसीन माना दिगी मिहला मिहली दाङ स्‍य़िहदे तेर्के।

एफिसी 2:18

च्‍यिबेमाना मिहरो लाहमलेॱराङ यहूदी दाङ लेहमेन क्‍यिहपा ओहराङ थाम्‍ज्‍यीगी च्‍यिमे च्‍यी़राङ नाम्‍पार-ताहक्‍पा थु ज्‍योर्ती याहप साला डो ख़ूएँ काहल्‍दी येह।

१ थेसलोनिकी 2:4

यिहॱनाङ लेहङगु या़हबु चि क्‍याहप्‍च्‍येला किन्‍ज्‍योगी ओहराङला यिह-छ्य़ेबु ज़ी़ नाङसीन। ओ़ह सोङबे मिहया़ला क़ेहनाङ लाहङ च्‍य़ूज्‍येला मिहम्‍बा, यिहॱनाङ ओहराङगी सेम ज़ी़ नाङगेन किन्‍ज्‍योकी थु काहसो ज़ोज्‍येला ङ्यिह किन्‍ज्‍योला थु-ङ्ये़हएँकी तामया़ माउ येह।

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

याकूब 5:16

टा़हज्‍येगी तेहन्‍दाला ख्‍या राहङगी पेहक्‍योगी तिहक्‍पाया़ च्‍यी़गी च्‍यी़ ङ्याम्‍बु राहङ-राहङगी तिहक्‍पाया़ लोक पेहतोङ, ओहले च्‍यी़गी च्‍यी़ला सोल्‍वाङ ताप तेर। टाहङदेन मिहगी ताप्‍क्‍यो सोल्‍वाङ स्‍युक छ्यिम्‍बु ओहङगे ओहले दिगी याहम्‍जेम्‍बागी ल़ेह पेहकें।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।