रोमी 8:25 - ह्योल्‍मो

²⁵ यिहॱनाङ का़हलेॱआङ ओहराङगी माहथोङबाकी से़हला रेहवा पेहकें माना, ओहराङ ओ़हगी तेहन्‍दाला ना़स्‍यीङ छ्यिम्‍बु पेहती कू़हदी तेहकें।

रोमी 8:25 ပူးပေါင်းရင်းမြစ်များ

लूका 21:19

सेम माहङग्‍युर्पा पेहती तेहतोङ, ओहले ख्‍यागी तेहन्‍दामगी मिहली ज्‍योर्च्‍ये येह” म़ेदी येशूगी सुङ नाङसीन।

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

रोमी 12:12

राहङ रेहवाला काहसो पेह, तुहक्‍पु-तुहङालला ना़स्‍यीङ छ्यिम्‍बु पेहतोङ, सोल्‍वाङ ताप्‍तेॱराङ तेहतोङ।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

रोमी 8:23

किन्‍ज्‍योगी छ्या़ च्‍य़ू नाङग्‍योगी से़हया़ च्‍यी़राङ मिहम्‍बा, ओहराङ राहङॱआङ नाम्‍पार-ताहक्‍पा थुला तोहङस्‍यो सेदो यिहन्‍गे सोङबे, मिहरोगी राहङदीराङ पुह-पोहमो ज़ो नाङज्‍येला, पे यिहॱना़: ओहराङ ज़ुबुकी थार्पाकी तेहन्‍दाला कू़हदी ओहराङ राहङॱआङ नाहङदा-नाहङॱराङ बोल तेहती येहबा।

कलस्‍सी 1:11

किन्‍ज्‍योकी ज़िज्‍यिदगी ओङ लाहमले ओहङग्‍यो स्‍युक ज्‍योर्ती ख्‍या सान्‍दी डो ख़ूज्‍यु माएँ ङ्यिहती सोल्‍वाङ येहबा। ओ़हठी यिहन्‍सीमाना ख्‍यागी ना थाम्‍ज्‍यी क़ेहनाङ पेहती थिर पेहती ना़ ख़ूज्‍ये येह।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

२ थेसलोनिकी 3:5

चो़वोगी ख्‍या फ़ेबे-म़ेहमेया़गी सेमला किन्‍ज्‍योगी चेवा दाङ मास्‍यीकाकी ना ख़ूएँगी ओङ ङो़ले ठि-नाङज्‍यु।

हिब्रू 10:36

किन्‍ज्‍योकी थु-सेम छाङबु पेहच्‍येला ओहले मिहरोगी ताहम्‍ज्‍या ज़्‍या़ नाङग्‍योकी केच्‍याया़ ज्‍योर्च्‍येला ख्‍या थिक-चि पेहती कू़हदी तेहतोङ।

हिब्रू 6:12

ओ़हठी पेहसीनमाना ख्‍याया़गी ल़ेहमी-लाहम पेहच्‍ये म़ेह यिहॱनाङ तेहपा दाङ ना़स्‍यीङ छ्यिम्‍बु पेहती किन्‍ज्‍योकी ताहम्‍ज्‍या तेहन्‍दा डुप च्‍य़ूगेन्‍गी मिहया़ ल़ेहमु डोज्‍ये येह।

हिब्रू 6:15

अब्राहामगी ना़स्‍यीङ छ्यिम्‍बु पेहती कू़हदी तेहसीन ओहले किन्‍ज्‍योगी ताहम्‍ज्‍या ज़्‍या़ नाङग्‍योकी मेलामया़ खोगी ज्‍योर्सीन।

ज्‍याल्‍गा 1:9

ङाह ख्‍याया़गी आदा यूहन्‍ना यिहम्‍बा। ओहले येशूकी तुहक्‍पु, क्‍याहल्‍सी दाङ ना़स्‍यीङला ङाहॱआङ ख्‍या ङ्याम्‍बु-ङ्याम्‍बुराङ येहकें। किन्‍ज्‍योकी सुङ दाङ येशू मास्‍यीकाती पाङबु तेहक्‍यो सोङबे ङाह पत्‍मोस माएँ छोलिङला येहकें।

ज्‍याल्‍गा 13:10

चोन-खाङला डो कोहएँदी चोन-खाङलाराङ डोज्‍ये येह, पादाङगी तुप्‍ती स्‍यि कोहएँया़ पादाङगीॱराङ तुप्‍ती स्‍यिज्‍ये येह। ओ़ह सोङबे किन्‍ज्‍योकी मिहया़ ङ्याम्‍बु ना़स्‍यीङ छ्यिम्‍बु दाङ तेहपा ओहङ कोहएँ।

ज्‍याल्‍गा 14:12

ओ़ह सोङबे किन्‍ज्‍योकी का ची़गे दाङ येशूला तेहपा पेहकें किन्‍ज्‍योकी नाम्‍पार-ताहक्‍पा मिहया़ ना़स्‍यीङ छ्यिम्‍बु पेहती तेह कोहएँ।