रोमी 8:17 - ह्योल्मो17 ओहराङ किन्ज्योकी पुह-पोहमो काहल फान्ज्योनी थोप-थाङकी मिहॱआङ ओहङगे, किन्ज्योकी फास्यी ज्योर्केन्गी मिह ओहले मास्यीका ङ्याम्बुदी पी़माला फास्यी ज्योर्केन्गी मिह। ओहराङ मास्यीका ङ्याम्बुराङ तुहक्पु खुर्सीमाना मिहरो ङ्याम्बुराङ ज़िज्यिद ज्योर्च्ये येह। အခန်းကိုကြည့်ပါ။ |
रोमी 8:17
35 ပူးပေါင်းရင်းမြစ်များ
ओहले खुङ ङ्यी़गी ओ़ह ग्या़ला येहकेन्गी चो़वो छ्येवागी स्याहप्च्यीया़ला यिह-छ्य़ेला सान्दी ज़ोएँॱराङ किन्ज्योला यिह छ्य़ेदी तेहच्येला स्युक क्ये च्य़ूसीन। सेमले खाल्दी थिक-चि पेहती तेहच्येला आ़र क्ये च्य़ूसीन। किन्ज्योगी क्याहल्सीला लेप्कें म़ेदी तोहङले ओहराङगी माहङबुराङ तुहक्पु खुर कोहज्ये येह म़ेदी लोप्ताम क्याहप्सीन।
ता़हनी ङाहगी ख्या फे़बेया़ला किन्ज्योगी छ्या़ला च्योल्गो येहबा। किन्ज्योगी ओहराङला थुज्यी ज़ी़ नाङगेन माएँगी सुङ सेमला ज़ुङदी टेहम्बा माहच्येहप्पा पेहती तेहतोङ। ओ़ह सुङगी पेहतीराङ किन्ज्योगी ख्या फे़बेया़ला यिह-छ्य़ेला स्युक क्ये च्य़ू नाङज्ये येह ओहले राहङगी मिहया़ला मेलाम थोप्केन्गी मिहया़ ज़ो नाङज्ये येह।
तिहक्पागी पेहताङगी काहङग्यो ज़ुबुगी मिहला ज्यिबुराङ मा-फाम्बु ज़ोक्यो सोङबे छ्य़े-ठिमगी पेह मी़हखुएँ ल़ेह किन्ज्योगी जे नाङसीन। काह-ठि पेहती माना, मिहरोगी राहङगी स़ेबु च्यिमे च्यी़ला दि जाम्बुलीङला ताङ नाङसीन। ओहले स़ेबु तिहक्च्येम्बा मिह ल़ेहमुराङ जेती मिहगी कुसो नोम्दी ठुङ नाङसीन ओहले मिह थाम्ज्यीगी पेहक्यो तिहक्पाकी तेहन्दाला किन्ज्योगी स़ेबुला क्याहङस्यीङला मार्च्ये फुल नाङसीन। दि ल़ेहमु जेती स़ेबुगी कुसो लाहमले किन्ज्योगी तिहक्पाकी ओङला दुल नाङसीन।
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
ကြော်ငြာတွေ