रोमी 7:6 - ह्योल्मो6 ओहराङ मास्यीका ङ्याम्बुराङ स्यिक्यो सोङबे ता़ह ओहराङ छ्य़े-ठिम यिहन्ज्यु टोहल्सीहन्सीन। ता़हनी ओहराङ छ्य़े-ठिमगी ओङ चो़ला म़ेह। छ्य़े-ठिमगी माक्यो ल़ेहमु निङबा छ्याप्स्यीगी मिहम्बा ता़ह ओहराङ किन्ज्योकी थु लाहमले साम्बा छ्याप्स्यी पेहती स्याहप्तो स्युह कोहएँ। အခန်းကိုကြည့်ပါ။ |
रोमी 7:6
24 ပူးပေါင်းရင်းမြစ်များ
ख्या जाम्बुलीङकी मिहया़ला पे त़ेदी खुङ ल़ेहमुराङ पेहच्ये माहछोल, यिहॱनाङ ख्या राहङ सेमला साम्बा काहल्दी सेम तिहङ यिहन्ज्युराङ किन्ज्यो ङो़ले ग्युर्तोङ। ओहले किन्ज्योकी ज़ी़लुला च्यि या़हबु यिहम्बा, च्यि से़हगी किन्ज्योकी थु काहसो ज़ोएँ ओहले किन्ज्योकी याहङ-ताहक्पा थु-सेम च्यि यिहम्बा, ओ़ह ख्याया़गी ङ्याहम च्ये ख़ूज्यु।
मिह-ज़ुबुला ते़बे माहङबुराङ मा फाम्बुया़ ओहङगे ओ़ह ल़ेहमु मा-फाम्बु ख्या ङ्याम्बुॱआङ येहकें सोङबे ङाह ख्याया़गी ङोह स्य़े ख़ूएँ पेहती ताम माएँराङ येहबा। च्यिबेमाना ख्याया़गी लेहमा च्यी़ राहङ ज़ुबुकी ओङबुया़ला मेहचाङा दाङ तोहरोङ माहङबु तिहक्पाया़ पेहच्येला चि क्याहप्क्यो येहकें, ता़ह ओ़हठीॱराङ पेहती नाम्पार-ताहक्पा ओहङज्येला राहङ ओङबुया़ला टाहङदेनकी योक्पु ज़ोज्येला चि क्याहप्तोङ।
ओ़ह सोङबे ओहराङॱआङ बप्तिस्मा लाहमले मास्यीका ङ्याम्बुराङ स्यिदी साला पिहप्सीन। वाङज्या छ्यिम्बु नोम नाङगे किन्ज्यो याहपगी राहङगी ज़िज्यिद लाहमले येशू मास्यीकाला टोहङग्यो ग्या़लेगी सोम्बो ज़्याङ च्य़ू नाङसीन। ओ़ह सोङबे ओहराङॱआङ तोहङमागी मिहलीया़ क्युर्ती साम्बा मिहलीला मास्यीकागी ल़ेहमुराङ मिहजी ताङज्ये येह।
दि ल़ेहमु पेहती आदा नो़ह दाङ आज्यी-नुहमुया़, ख्याया़ॱआङ मास्यीकाकी कुसो ङ्याम्बुराङ छ्य़े-ठिमला स्यि सिहन्दी येह ओ़ह सोङबे टोहङग्योलेगी सोम्बो ज़्याङ नाङगे मास्यीका ङ्याम्बु ख्याया़ च्यी़राङ काहल्दी येह। ता़ह ओहराङगी किन्ज्योगी तेहन्दाला या़हबु ल़ेहया़ पेहती तेन्दोया़ या़ह च्य़ू ख़ूएँ।
ကြော်ငြာတွေ