रोमी 7:17 - ह्योल्‍मो

¹⁷ ओ़हठी यिहन्‍सीमाना ता़ह दि पेहकेन्‍दी ङाह मिहन, दिनी ङाह नाहङला येहकेन तिहक्‍पागी गा पेहक्‍यो यिहम्‍बा।

रोमी 7:17 ပူးပေါင်းရင်းမြစ်များ

रोमी 7:18

च्‍यिबेमाना ङाहती दि तिहक्‍पाकी पेहताङगी काहङग्‍योगी ज़ुबुला च्‍यिॱआङ या़हबु से़हया़ मेहतेहकें म़ेदीनी ङाहला क्‍यी़ह येह। या़हबु ल़ेहया़ पेहकेन्‍की सेम्‍बा ङाह ङ्याम्‍बु येहतीॱआङ ङाहगी ओ़ह पेह मी़हखुएँ।

रोमी 7:20

ता़ह ङाहगी मेहबे माएँ माएँमुराङ ङाहगी ओ़ह ल़ेहराङ पेहकु दु मासीमानानी ओ़ह ल़ेह पेहकेन्‍दी ङाह मिहन यिहॱनाङ ङाह नाहङला येहकेन्‍की तिहक्‍पा यिहन।

रोमी 7:23

यिहॱनाङ ङाहती ओङबुया़ला, लेहमेन छ्य़े-ठिमगी ङाहती सेमला येहकेन्‍गी छ्य़े-ठिम ङ्याम्‍बु टाह पेहकें, ओहले ङाहती ओङबुया़ला तेहकेन्‍गी तिहक्‍पाकी छ्य़े-ठिमगी ङाहला योक्‍पु ज़ोएँ।

२ कोरिन्‍थी 8:12

च्‍यिबेमाना ख्‍याया़गी तेर्केन्‍गी सेम छ्यिम्‍बु येहसीमाना ख्‍याया़ ङ्याम्‍बु च्‍यि येहबा ओ़ह लाहमलेॱराङ किन्‍ज्‍योगी नोम नाङगे, यिहॱनाङ ख्‍याया़ ङ्याम्‍बु म़ेहबा से़हया़ किन्‍ज्‍योगी नोम मेहनाङगे।