रोमी 7:11 - ह्योल्‍मो

¹¹ च्‍यिबेमाना तिहक्‍पागी का लाहमले लोहङ ज्‍योर्ती ङाहला चिहन क्‍याहप्‍सीन, ओहले दि लाहमलेॱराङ ङाहला स्‍यि च्‍य़ूसीन।

रोमी 7:11 ပူးပေါင်းရင်းမြစ်များ

रोमी 3:20

ओ़ह सोङबे छ्य़े-ठिमला ची़दी सुज्‍यीॱआङ किन्‍ज्‍योगी दिनला टाहङबु सी़ह मी़हखुएँ, च्‍यिबेमाना छ्य़े-ठिमगीनी मिहगी पेहक्‍योगी तिहक्‍पाला ङोह स्‍य़े च्‍यी़राङ च्‍य़ूगे।

रोमी 7:13

ओ़ह सोङबे देजे या़हबा छ्य़े-ठिमगी ङाहलाराङ च्‍यिबे स्‍यिवाला क्‍याल्‍बा ले? ओ़हठी मिहम्‍बा यिहॱनाङ तिहक्‍पागी गा ङाहला स्‍यिवाला क्‍याहल्‍ग्‍यो यिहम्‍बा। या़हस्‍यो छेन्‍ज्‍या चाल ती़दी तिहक्‍पागी राहङगी तेहन्‍दामकी छेन्‍दा तेन्‍ज्‍येला ङाहला स्‍यि च्‍य़ूसीन। ओ़ह सोङबे का़ लाहमले तिहक्‍पा तोहरोङ माहङदे काहल्‍सीन।

रोमी 7:8

छ्य़े-ठिमगी का तेरक्‍यो सोङबे तिहक्‍पागी लोहङ ज्‍योर्ती ङाहती सेमला ह्‍अम्‍बा क्‍ये च्‍य़ूसीन च्‍यिबेमाना छ्य़े-ठिम म़ेहबा यिहनानी तिहक्‍पागी ओहराङगी मिहजीला ओङॱराङ छ्य़ेज्‍ये म़ेहबा येहकें।

एफिसी 4:22

तोहङमाकी डोलु-तेहलुया़ पेहती राहङगी मिहजी ताङगे ख्‍याया़की निङबा मिहली क्‍युर्तोङ म़ेदी ख्‍याया़गी ह्‍अ केह सिहन्‍दी येह। ख्‍याया़ती चोक्‍पा-चोक्‍पा सेम्‍बाया़गी पेहती ओ़ह निङबा मिहली तोङदी डोॱराङ येहकें।

हिब्रू 3:13

नाहम थु “तिहरीङगी ङ्यिहमा” माएँ ताम येहबा, ओ़ह थु च्‍यी़गी च्‍यी़ला लोप्‍ताम क्‍याहप्‍तोङ। मिहन्‍सीमाना तिहक्‍पाकी गो़-कोर च्‍य़ूदी ख्‍यागी सेमला सान्‍दी जे-तेर्वा।

याकूब 1:22

किन्‍ज्‍योगी सुङला ख्‍यागी ची़दोङ, ङ्यिहन्‍दी च्‍यी़राङ पेहसीनमाना ख्‍यागी राहङगी राहङला गो़ कोर च्‍य़ूगे।

याकूब 1:26

का़हलेॱआङ सुज्‍यीगी राहङगी राहङला ङाह मिह टाहङबु यिहन म़ेदी ने़गे यिहॱनाङ खोगी राहङ च्‍येलेला टिहला मे़हज़्‍यासी माना खोगी राहङला गो़ कोर च्‍य़ूगे ओहले खोगी छ्य़े पेहक्‍योदी थोरो फुङे डोएँ।