रोमी 6:23 - ह्योल्‍मो

²³ च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

रोमी 6:23 ပူးပေါင်းရင်းမြစ်များ

मत्ती 25:46

ओहले खुङया़गीदी नाहम्‍स्‍यी किन्‍दुॱराङ ङ्य़ेहबा खुर कोहच्‍ये येह, यिहॱनाङ टाहङबु मिहया़गीदी नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।”

यूहन्‍ना 10:28

ङाह खुङया़ला था़ म़ेहबागी मिहली ज़ाङबु तेर्कें। ओहले खुङया़ नाहमॱआङ तोङदी डोज्‍ये म़ेह, ओहले सुज्‍यीगीॱआङ खुङया़ला ङाह लाहक्‍पाले फ्रो़दी ख्‍येर ख़ूज्‍ये म़ेह।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

यूहन्‍ना 4:36

का़हन्‍दीगी तेन्‍दो टू़हगे खोगी ले़गा ज्‍योर्कें, ओहले नाहमॱआङ मिहस्‍यीएँगी मिहलीगी तेहन्‍दाला खोगी तेन्‍दो टू़हगे, ओहले ताप्‍के दाङ टू़हगेन मिह ङ्याम्‍बुराङ क़ेहनाङ पेहकें।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 6:68

ओहजेला सिमोन-पत्रुसकी मासीन, “ओ़ चो़वो ला़ह, ङ्यिह सु साला डोज्‍ये? था़ म़ेहबागी मिहली ज़ाङबु नाङगेन्‍गी सुङनी राहङ ङ्याम्‍बुराङ येहबा।

रोमी 1:32

दि ल़ेहमु ल़ेह पेहकेन मिहया़ स्‍यिज्‍ये सी़हएँदी ओहङगे माएँदी किन्‍ज्‍योकी छ्य़े-ठिम ङोह स्‍य़ेदी स्‍य़ेदीॱआङ खुङगी दि ल़ेहमु ल़ेहया़ च्‍यी़राङ पेहकें मिहम्‍बा, यिहॱनाङ दि ल़ेहमु ल़ेह पेहकें मिहया़ ङ्याम्‍बु निङ थाक्‍पा यिहन्‍ज्‍युराङ डी़गे।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

रोमी 5:12

मेहन्‍दा च्‍यी़ लाहमले जाम्‍बुलीङला तिहक्‍पा ओहङसीन, ओहले तिहक्‍पा लाहमले स्‍यिवा। दि ल़ेहमु पेहती मिह थाम्‍ज्‍यीगी तिहक्‍पा पेहक्‍यो सोङबे मिह थाम्‍ज्‍यीला स्‍यिवा फेल्‍सीन।

रोमी 5:17

मेहन्‍दा च्‍यी़गी तिहक्‍पागी पेहती स्‍यिवागी मिह थाम्‍ज्‍यी थो़ला ओङ छ्य़ेसीन। ओ़हठीॱराङ पेहती किन्‍ज्‍योगी बोल्‍बु जेती आहन्‍डाराङ नाङग्‍यो काटीन दाङ टाहङदेन ज्‍योर्केया़गी च्‍यिमे च्‍यी़राङ मिह, येशू मास्‍यीका लाहमले तिहक्‍पा दाङ स्‍यिवाला दुल्‍दी था़ म़ेहबा मिहली थो़ला ओङ छ्य़ेज्‍ये येह।

रोमी 5:21

ओ़ह ती़हजीला तिहक्‍पागी स्‍यिवा लाहमले मिहया़ थो़ला ओङ छ्य़ेक्‍यो ल़ेहमु ताहन्‍दा किन्‍ज्‍योकी काटीनगी ओङ छ्ये़गेॱराङ येहबा। दि काटीनगी पेहतीराङ ओहराङला किन्‍ज्‍योगी दिनला टाहङबु सी़ह च्‍य़ू नाङसीन ओहले ओहराङ चो़वो येशू मास्‍यीका लाहमले ओहराङला था़ म़ेहबा मिहली ज्‍योर्ती येहबा।

रोमी 6:16

ख्‍ये का़हन्‍दीगी का ची़गे ख्‍ये खोदीॱराङ योक्‍पु डोएँ। तिहक्‍पाकी योक्‍पु पेहती का ङ्यिहन्‍सीन माना ख्‍या स्‍यिज्‍ये येह यिहॱनाङ किन्‍ज्‍योकी का ङ्यिहन्‍सीमाना ओ़हदीगी ख्‍याला टाहङदेनकी लाहम ङो़ले ठिच्‍ये येह।

रोमी 6:21

ता़ह, ख्‍या ताहन्‍दा का़हन्‍दी से़हया़ला ङोहजा पेहकें, ओ़ह से़हया़लेगी ख्‍याया़गी च्‍यि ख्‍येप्‍साङ ज्‍योर्पा ले? ओ़ह से़हया़गीनी स्‍यिवाला गा क्‍याल्‍गे।

रोमी 8:13

च्‍यिबेमाना ख्‍याया़गी तिहक्‍च्‍येम्‍बा पेहताङला ते़बे राहङगी मिहजी ताङसीन माना ख्‍याया़ स्‍यिज्‍ये येह, यिहॱनाङ का़हलेॱआङ नाम्‍पार-ताहक्‍पा थुकी ओङ लाहमले तिहक्‍पाकी पेहताङया़ला सेसीन माना ख्‍याया़ थार्च्‍ये येह।

रोमी 8:38

च्‍यिबेमाना ङाहला दि या़हबु पेहती क्‍यी़ह येह, च्‍यि से़हगीॱआङ मास्‍यीकाकी चेवालेगी ओहराङला खा फे़ मी़हखुएँ। ओ़ह स्‍यिवागी यिहॱना़ यिहन, मिहलीगी यिहॱना़ यिहन, स्‍यिहङगामगी स्‍याहप्‍च्‍यीया़गी यिहॱना़ यिहन, ती़ह गो-छ्येवागी यिहॱना़ यिहन, ताहन्‍दागी तामया़गी यिहॱना़ यिहन, तिङला ओहङगेन्‍गी तामया़गी यिहॱना़ यिहन, ओङज्‍याया़गी यिहॱना़ यिहन,

रोमी 8:39

याहरकी तामया़गी यिहॱना़ यिहन, चो़गी तामया़गी यिहॱना़ यिहन, लिङस्‍यीला येहकेन थाम्‍ज्‍यीराङ से़हया़गी यिहॱना़ यिहन मास्‍यीका येशू ओहराङ चो़वोला येहकेन किन्‍ज्‍योकी चेवा लाहमले ओहराङला च्‍यि से़हगीॱआङ खा फे़ ख़ूज्‍ये म़ेह।

रोमी 8:6

च्‍यिबेमाना ज़ुबु लाहमले पेहकेन तिहक्‍पाकी पेताङया़ला सेम ताङसीन माना दिगी मिहला स्‍यिवाला क्‍याहल्‍गे। यिहॱनाङ नाम्‍पार-ताहक्‍पा थुला सेम ताङसीन माना दिगी मिहला मिहली दाङ स्‍य़िहदे तेर्के।

गलाती 3:10

छ्य़े-ठिमकी ल़ेहया़ थो़ला यिह छ्य़ेगे मिह थाम्‍ज्‍यीला मे़मु सू़हदे येहबा, च्‍यिबेमाना छ्य़ेला दि ल़ेहमु प्री़हदे येहबा, “छ्य़े-ठिमला प्रुहक्‍योकी थाम्‍ज्‍यीराङ काया़ मी़हचीगे दाङ मिहङ्यीहन्‍गे मिह थाम्‍ज्‍यीला मे़मु सू़हज्‍ये येह।”

तीतस 1:2

दि तेहन्‍दामदी था़ म़ेहबा मिहलीकी रेहवाला छ्या़दे येहबा। नाहमॱआङ स्‍योप क्‍याप मेहनाङगेन किन्‍ज्‍योगी जाम्‍बुलीङ छ्या़ च्‍य़ू नाङगेन म़ेदी तोहङलेराङ, “मिहया़ला था़ म़ेहबागी मिहली ज़ाङबु नाङगेन” सुङदी ताहम्‍ज्‍या ज़्‍या़ नाङदी येहकें,

याकूब 1:15

ओ़ह सोङबे राहङ सेमला चोक्‍पा-चोक्‍पा सेम्‍बाया़ ओहङ फान्‍ज्‍यो ओ़ह लाहमले तिहक्‍पा ठुङगे। ओहले तिहक्‍पा माहङदे काहल फान्‍ज्‍यो ओ़हगी मिहला स्‍यिवाला क्‍याल्‍गे।

१ यूहन्‍ना 2:25

ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”