रोमी 5:6 - ह्योल्मो6 च्यिबेमाना ओहराङ मा-फाम्बु येहकेमुराङ मास्यीका तिहक्च्येम्बाया़गी तेहन्दाला ठाबे ती़हजीला टोहङ नाङसीन। အခန်းကိုကြည့်ပါ။ |
रोमी 5:6
30 ပူးပေါင်းရင်းမြစ်များ
च्यिबेमाना ओहराङ किन्ज्योगी टाह येहकेमुराङ मिहरोगी स़ेबु ओहराङगी तेहन्दाला टोहङ नाङसीन ओहले मास्यीकाकी स्यिवा लाहमले किन्ज्योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्ज्यो ङ्याम्बुराङ डी़क्यो सोङबे मास्यीकाकी मिहली लाहमले किन्ज्योगी ओहराङला थार च्य़ू नाङज्ये येह।
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
ओहराङला दि तामॱआङ क्यी़ह ओहङ कोहएँ, ठिम या़हबु मिहगी तेहन्दाला ज़ोक्यो मिहम्बा। ठिमनी ठिमला गोम्गेन दाङ माक्योगी ताम मी़हङ्यिहन्गेनया़गी तेहन्दाला, किन्ज्योला मी़हचीगे दाङ तिहक्च्येम्बाया़गी तेहन्दाला, नाम्पार-ताहक्पा म़ेहबा दाङ छ्य़े मी़हची़गेनया़गी तेहन्दाला, राहङ आबा-आमाला सेकेंया़ दाङ मिह सेकेंया़गी तेहन्दाला,
का़हलेॱआङ नाहम-माना डो कोहक्यो यिहन्सीमानानी जाम्बुलीङ छ्या़गे यिहन्ज्यु मास्यीकागी येहपा-येहपाराङ तुहक्पु खुर नाङ कोहच्ये येहकें। यिहॱनाङ दि तिङस्यो ङ्यिहमाया़ला मास्यीका नाहम-मानागी तेहन्दाला लेहमा च्यी़ फेप नाङसीन ओहले तिहक्पा टोहल च्य़ू नाङज्येला राहङगी कुसोला मार्च्ये फुल नाङसीन।
च्यिबेमाना माहङबुराङ तोहङले ङ्य़ेहबा फो़ज्ये सी़ह सिहन्ग्योकी लाहला मिहया़ खाजुम्बाला ख्या फे़बे मे़हमेया़की पाहरक्यीला स्युहसीहन्दी येह। खुङ किन्ज्योला मेहक्याप्केन्गी मिहया़ यिहम्बा, खुङगी ओहराङकी किन्ज्योकी काटीनला ल़ेह ङ्येहम्बा पेहकेन्गी छेन्ज्याया़ जे़दी येह ओहले ओहराङगी च्यिमी च्यी़राङ ताहक्पु दाङ चो़वो, येशू मास्यीकाला मा-लोक पेहकें।
ကြော်ငြာတွေ