रोमी 5:5 - ह्योल्मो5 रेहवागी ओहराङला सेम स्यि मी़हच्युएँ, च्यिबेमाना किन्ज्योगी ओहराङला नाम्पार-ताहक्पा थु नाङदी येह ओहले ओ़ह नाम्पार-ताहक्पा थुगी ओहराङगी यिहला किन्ज्योकी चेवा ज़्या़ नाङदी येह। အခန်းကိုကြည့်ပါ။ |
रोमी 5:5
35 ပူးပေါင်းရင်းမြစ်များ
ओ़ह सुङगोराङ किन्ज्यो याहपगी येशूला राहङ ङ्याम्बुराङ राहङगी योबा ङो़ले ज़्या़ नाङदी येह ओहले राहङगी ताहम्ज्या ज़्या़ नाङग्यो ल़ेहमु जेती येशूला नाम्पार-ताहक्पा थु नाङसीन। ओ़ह नाम्पार-ताहक्पा थुराङ चो़वो छ्येवा येशूगी ताहन्दा ओहराङ थो़ला ज़्या़ नाङदी येह, ओ़ह ताम ख्या फे़बेया़गी ताहन्दा थोङदी, थे़दी ओ़हङदीॱराङ येहबा।
रोम क्याहसाला तेहकेन किन्ज्योगी च्याहम्बु ङ्येन्जेन-ङ्येहवाया़ थाम्ज्यीला ङाह दि यिहगी प्रुहएँॱराङ येहबा, किन्ज्योगी ख्या थाम्ज्यीला च्याहम्बा जेती मिहरोकी नाम्पार-ताहक्पा छार्क्यीन ज़ो नाङज्येला क़े क्याहप नाङदी येह, किन्ज्यो ओहराङगी याहप दाङ चो़वो येशू मास्यीकागी ख्या थाम्ज्यीला काटीन दाङ स्य़िहदे नाङज्यु।
मास्यीकाकी तेहन्दाला किन्ज्योगी सुङ नाङग्यो ल़ेहमुराङ सुङरापला ओ़हठीॱराङ प्री़हदी येहबा, “त़ेदोङ, ङाह सियोनला तोह च्यी़ ज़्या़ज्ये येह, ओ़ह तोह-पा़राला मिहया़ नार्तो क्याहप्च्ये येह, तोह-पा़रा च्यी़, का़हन्दीगी खुङया़ला रिहल्ज्ये येह, यिहॱनाङ मिहरो थो़ला यिह छ्य़ेगेन सुज्यीॱआङ ङोहजाला छ्यिच्ये म़ेह।”
ओ़ह सोङबे ङाह दि से़हया़ला तुहक्पु खुर्केॱराङ येहबा। यिहॱनाङ ङाहला दिगी तेहन्दाला च्यिॱआङ ङोहजा मेहयोहङगे च्यिबेमाना ङाहगी सु थो़ला म़ेहबा पेहक्यो येहबा ओ़ह ङाहला या़हबु पेहती क्यी़ह येहबा। किन्ज्योगी ङाहला चि क्याहप नाङग्योकी से़हया़ मिहरोगीॱराङ ओ़ह ङ्यिहमा थु सी़दे ज़्या़ नाङज्ये येह। दि तामला ङाह म़ेहबा पेहकें।
ကြော်ငြာတွေ