रोमी 5:20 - ह्योल्‍मो

²⁰ छ्य़े-ठिम ओहङ फान्‍ज्‍यो तिहक्‍पाॱआङ माहङबु काहल्‍सीन, यिहॱनाङ तिहक्‍पा ङ्याम्‍बुराङ किन्‍ज्‍योगी काटीनॱआङ तोहरोङ माहङरो माहङरो काहल्‍सीन।

रोमी 5:20 ပူးပေါင်းရင်းမြစ်များ

मत्ती 20:9

ओहले ल़ेहमी गोबागी छ्युजी ङाला ल़ेह छ़ूगेया़ला तोहङले क़े क्‍याहप्‍ती थाम्‍ज्‍यीला ङुल-टाङ कोहर्मु रे़ह-रे़ह तेर्सीन।

मत्ती 9:13

ख्‍याया़गी छ्य़ेला प्रुहक्‍योगी दि स्‍याहलगी तेहन्‍दा ङोह स्‍ये़ज्‍ये छोल्‍दोङ– ‘ङाहला सेम्‍ज्‍येनया़गी मार्च्‍ये मिहम्‍बा, ख्‍याया़गी चेवा पेहच्‍यु म़ेदी ङाहगी सेम्‍बा येह।’ च्‍यिबेमाना ङाह टाहङबुया़ला मिहम्‍बा, यिहॱनाङ तिहक्‍च्‍येम्‍बाया़ला गा थार च्‍य़ूज्‍येला ओहङग्‍यो यिहम्‍बा” म़ेदी येशूगी सुङ नाङसीन।

लूका 7:47

मोहगी च्‍यिबे दि ल़ेहमु पेहक्‍यो माएँ ताम ङाह ख्‍येला माएँ, मोहती माहङबुराङ तिहक्‍पाया़ ता़ह सिहन्‍दी येह। ओ़ह सोङबे मोहगी ङाहला चेवा तेन्‍सीन। ओहले ङ्ये़हमु तिहक्‍पा येहकें मिहगीदी ङ्ये़हमुराङ चेवा पेहकें” म़ेदी येशूगी सुङ नाङसीन।

यूहन्‍ना 10:10

कुमेननी कुमेन क्‍याहप्‍च्‍ये, सेच्‍ये दाङ तोङ च्‍य़ूज्‍ये म़ेदी ओहङगे। यिहॱनाङ ङाहनी ख्‍याया़गी मिहली ज़ाङबु ज्‍योर ख़ूज्‍यु ओहले ओ़ह म़ेदीॱआङ माहङबु माहङदे फोएँ थु ज्‍योर ख़ूज्‍यु म़ेदी ओहङसीन।

यूहन्‍ना 15:22

का़हलेॱआङ ङाह ओहङदी खुङला दि तामया़ माहस्‍येपा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ ता़हनी खुङला राहङगी तिहक्‍पाकी तेहन्‍दाला च्‍यिॱआङ तेलेन पेहकें ग्‍या़ॱराङ म़ेह।

रोमी 4:15

ता़ह छ्य़े-ठिम ज़्‍या़ फान्‍ज्‍योनी मिहगी मी़हचीसी माना किन्‍ज्‍यो थुयाल ज़्‍याङ नाङगे, यिहॱनाङ छ्य़े-ठिम मे़हसीमानानी ओ़हला छ्य़े-ठिम गोम्‍गेन्‍की केच्‍याराङ मेहयोहङगे।

रोमी 6:1

ओ़हठी यिहन्‍सीमानानी ता़ह ओहराङगी च्‍यि माज्‍ये ले? किन्‍ज्‍योगी ओहराङला काटीन बोल्‍बु जेती नाङगे म़ेदीनी च्‍यि ओहराङ तोहरोङ तिहक्‍पा पेहती तेहच्‍ये ले?

रोमी 6:14

च्‍यिबेमाना तिहक्‍पागी ख्‍या थो़ला ओङ छ्य़ेज्‍ये म़ेह, च्‍यिबेमाना ख्‍या छ्य़े-ठिमकी ओङ चो़ला म़ेह, यिहॱनाङ किन्‍ज्‍योगी काटीनकी ओङ चो़ला येहबा।