रोमी 5:10 - ह्योल्‍मो

¹⁰ च्‍यिबेमाना ओहराङ किन्‍ज्‍योगी टाह येहकेमुराङ मिहरोगी स़ेबु ओहराङगी तेहन्‍दाला टोहङ नाङसीन ओहले मास्‍यीकाकी स्‍यिवा लाहमले किन्‍ज्‍योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्‍ज्‍यो ङ्याम्‍बुराङ डी़क्‍यो सोङबे मास्‍यीकाकी मिहली लाहमले किन्‍ज्‍योगी ओहराङला थार च्‍य़ू नाङज्‍ये येह।

रोमी 5:10 ပူးပေါင်းရင်းမြစ်များ

यूहन्‍ना 14:19

ता़ह ङ्यिहमा तोबा तिङले जाम्‍बुलीङगी ङाहला नाहमॱआङ थोङज्‍ये म़ेह, यिहॱनाङ ख्‍याया़गी ङाहला थोङज्‍ये येह। ङाह सोम्‍बो यिहन्‍गे सोङबे ख्‍याया़ॱआङ सोम्‍बो ओहङज्‍ये येह।

यूहन्‍ना 5:26

च्‍यिबेमाना याहप राहङ ङ्याम्‍बुराङ मिहली येहबा ओहले मिहरोगी राहङगी स़ेबुॱलाङ मिहली तेर्केन्‍गी ओङ नाङदी येहबा।

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 6:57

सोम्‍बो ज़्‍य़ू नाङगेन याहपगी ङाहला ताङ नाङसीन ओहले ङाह मिहरो लाहमलेॱराङ सोम्‍बो येह, ओ़हठीॱराङ पेहती ङाहला साहएँदीॱआङ ङाह लाहमलेॱराङ सोम्‍बो ओहङज्‍ये येह।

रोमी 11:28

च्‍यिबेमाना खुङया़गी या़हबु लेहङगुला यिह मा़हछ्येबा सोङबेॱराङ खुङ ख्‍याया़गी तेहन्‍दाला किन्‍ज्‍योकी टाहया़ काहल्‍सीन, यिहॱनाङ किन्‍ज्‍यो राहङगीराङ खुङया़ला दाम नाङग्‍यो सोङबे ओहले खुङया़दी चावाया़की तेहन्‍दागी पेहती खुङया़ किन्‍ज्‍योगी च्‍य़ेबुया़ यिहन।

रोमी 5:11

ओहजेच्‍यीराङ मिहम्‍बा, यिहॱनाङ ओहराङ चो़वो येशू मास्‍यीकागी पेहती ओहराङ किन्‍ज्‍योला त़ेरा तेच्‍या फुल्‍गेराङ काहसो पेहकें च्‍यिबेमाना मास्‍यीकागी ओहराङला किन्‍ज्‍यो ङ्याम्‍बु डी़ च्‍यु नाङदी राहङदी रो़ह ज़ो नाङदी येह।

रोमी 5:6

च्‍यिबेमाना ओहराङ मा-फाम्‍बु येहकेमुराङ मास्‍यीका तिहक्‍च्‍येम्‍बाया़गी तेहन्‍दाला ठाबे ती़हजीला टोहङ नाङसीन।

रोमी 8:32

मिहरोगी राहङगी च्‍यिमे च्‍यी़राङ स़ेबुलानी सी़दी ज़्‍या़ माहनाङ, यिहॱनाङ ओहराङ थाम्‍ज्‍यीगी तेहन्‍दाला नाङसीन। ओहराङगी तेहन्‍दाला राहङगी स़ेबु नाङगे किन्‍ज्‍योगी तोहरोङ मास्‍यीका ङ्याम्‍बुराङ लेहमेन थाम्‍ज्‍यीराङ से़हया़ ओहराङला मेहनाङडो ले?

रोमी 8:34

ता़ह खुङला सुगी ङ्य़ेहबा काल ख़ूज्‍ये? मास्‍यीका येशू टोहङ नाङसीन यिहॱनाङ टोहङग्‍योया़ नाहङला मिहरो येहपाराङ सोम्‍बो ज़्‍याङ नाङसीन, ओहले ताहन्‍दा मिहरो किन्‍ज्‍योकी योबा ङो़ले ज़्‍य़ू नाङदी येहबा, ओहले मिहरोगी ओहराङगी तेहन्‍दाला किन्‍ज्‍यो ङ्याम्‍बु ओहर-छ्य़े स्‍युह नाङगे।

रोमी 8:7

च्‍यिबेमाना ज़ुबु लाहमले पेहकेन तिहक्‍पाकी पेहताङया़ थो़ला सेम ताङगे मिह किन्‍ज्‍योगी टाह यिहम्‍बा। खो किन्‍ज्‍योकी छ्य़े-ठिमगी ओङ चो़ला तेह मी़हखुएँ ओहले खोगी छ्य़े-ठिमॱआङ ची़ मी़हखुएँ।

२ कोरिन्‍थी 5:20

ओ़ह सोङबे ङ्यिह मास्‍यीकागी राजदूतया़ यिहम्‍बा, ओहले किन्‍ज्‍योगी ङ्यिह लाहमले ओहर-छ्य़े स्‍य़ूह नाङगेराङ येह। मास्‍यीकागी छ्यो़ले ङ्यिह ख्‍याया़ला ओहर-छ्य़े स्‍युहएँ, ख्‍याया़ किन्‍ज्‍यो ङ्याम्‍बु थिनदोङ।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

एफिसी 2:16

ओहले मिहरोगी क्‍याहङस्‍यीङ लाहमले ओहराङ ङ्यी़ला ज़ुबु च्‍यी़ला किन्‍ज्‍यो ङ्याम्‍बु थु च्‍य़ू नाङसीन ओहले ओ़ह क्‍याहङस्‍यीङ लाहमलेॱराङ मिहरोगी टाहला तोङ च्‍य़ू नाङसीन।

एफिसी 2:3

लेहमा च्‍यी़ ओहराङॱआङ खुङ ल़ेहमुराङ येहकें ओहले ओहराङ थाम्‍ज्‍यी राहङ ज़ुबु दाङ सेमगी लाङगे से़हया़ छाङबु पेहती राहङ तिहक्‍पाकी पेहताङला छ्यिती मिहजी ताङगो येहकें। राहङ पेहताङगी पेहती ओहराङॱआङ खुङ ल़ेहमुराङ किन्‍ज्‍योकी थुयालला छ्यिती येहकें।

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।

हिब्रू 7:25

ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।

१ यूहन्‍ना 2:1

ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।

ज्‍याल्‍गा 1:18

ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।