रोमी 4:9 - ह्योल्‍मो

⁹ च्‍यि दि मेलाम स्‍या-ताक पेहक्‍यो मिहया़गी तेहन्‍दाला च्‍यी़राङ यिहम्‍बानी, स्‍या-ताक माहबेबाकी मिहया़गी तेहन्‍दालाॱआङ यिहम्‍बा? च्‍यिबेमाना छ्य़ेला प्रुहक्‍यो ल़ेहमु ङ्यिहगी मा सिहन्‍दी येह, अब्राहामगी किन्‍ज्‍योला तेहपा पेहक्‍यो सोङबे मिहरोगी खोला “खो मिह टाहङबु यिहन” सुङदी टाहङमा क्‍याहप नाङसीन।

रोमी 4:9 ပူးပေါင်းရင်းမြစ်များ

लूका 2:32

मिह-रो़हराङ लेहमेन क्‍यिहपागी मिहया़ला राहङगी लाहम तेन नाङगेन येहसेर यिहम्‍बा, ओहले मिह-रो़हराङ राहङगी इस्राएली क्‍यिहपाया़गी तेहन्‍दाला ज़िज्‍यिद यिहम्‍बा।”

रोमी 4:10

ता़ह “खो मिह टाहङबु यिहन” सुङदी काह-ठि जेती किन्‍ज्‍योगी खोला नाहम टाहङमा क्‍याहप नाङबा? खोगी स्‍या-ताक पेहकें म़ेदी तोहङले नि तिङले? स्‍या-ताक पेहकें म़ेदी तोहङलेराङ खोगी किन्‍ज्‍योला यिह छ्य़ेक्‍यो येहकें।

रोमी 4:3

च्‍यिबेमाना सुङरापगी दि ल़ेहमु सुङदी येहबा, “अब्राहामगी किन्‍ज्‍यो थो़ला यिह छ्य़ेसीन, ओहले खोती ओ़ह यिह-छ्य़ेकी पेहतीराङ किन्‍ज्‍योगी खोला टाहङबु सी़ह च्‍य़ू नाङसीन।”

गलाती 3:14

अब्राहामला नाङग्‍योकी मेलाम मास्‍यीका येशू लाहमले लेहमेन क्‍यिहपाकी मिहया़गी ज्‍योर ख़ूज्‍यु ओहले ओहराङगी तेहपा लाहमले किन्‍ज्‍योगी ज़्‍या़ नाङग्‍योकी ताहम्‍ज्‍या नाम्‍पार-ताहक्‍पा थु ज्‍योर ख़ूज्‍यु म़ेदीराङ मास्‍यीकागी ओहराङला थार च्‍य़ू नाङसीन।

एफिसी 3:8

मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

कलस्‍सी 3:11

ओ़ह सोङबे दि साम्‍बा मिहजीला ग्रीक दाङ यहूदी, स्‍या-ताक पेहक्‍यो दाङ स्‍या-ताक माहबेबा, यिहगी मे़हस्‍येगेन दाङ रिहदोङ क्‍यिलगी मिह, योक्‍पु पेहक्‍यो दाङ माहबेबाला च्‍यिॱआङ ख्‍येपार म़ेह, यिहॱनाङ मास्‍यीकाॱराङ ना थाम्‍ज्‍यी यिहम्‍बा, ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।