19 अब्राहामगी कोहङ-लोह क्याह च्यी़ लेप्च्ये पेहती येहकें, खो ज्यिबुराङ केहपु काहल सिहन्दी येहकें ओहले खोगी पी़हमी साराॱआङ आब्दाली येहकें यिहॱनाङ अब्राहामकी तेहपा मा-फाम्बु काहल्दी म़ेहबा येहकें।
येशूगी सुङ नाङसीन, “स्यो!” पत्रुस टुह-छ्युङलेगी फाप्ती छ्यु थो़ले डे़दी येशूसाला डोज्ये छ़ूसीन।
येशूगी ओ़हजेलाराङ छ्या़गी ज़ुङ नाङसीन ओहले “के ख्येगी तेहपा, ख्ये च्यिबे सेम ङ्यी़ च्याङगे? म़ेदी सुङ नाङसीन।
तिहरीङ स्यार्ती नाहङबार येहदी मेहला क्युर्केन्गी चाया़लानी किन्ज्योगी दि ल़ेहमु जेती ज़ाप नाङगेन मानानी च्यि किन्ज्योगी ख्याया़ला केहन्गेन्गी काप्च्या मेहनाङगे ले? के, ख्याया़गी यिह-छ्य़े?”
ओहले येशूगी खुङया़ला सुङ नाङसीन, “ख्याया़ च्यिबे दि ल़ेहमु पेहती का क्याहल्गेन? खोइ ख्याया़गी यिह-छ्य़े?” देजे सुङदी येशू ज़्याङ नाङसीन ओहले ल्हा़बा लुङजी दाङ छ्यु-पाहलापया़ला काप्क्येन नाङसीन ओहले ल्हा़बा लुङजी छ्येबे तेहती थाम्ज्यीराङ छ्यु-पाहलापया़ ङ्योमे काहल्सीन।
यिहन्ज्ये नि स्या दाङ ज़िगे से़हया़ मिहथुङगेन्दीॱराङ या़हस्यो यिहम्बा दि लाहमले ख्येगी नो़ह साला नार्तो क्याहप्ती रिहल ख़ूएँ। ओहले दि ल़ेहमुराङ लेहमेनॱआङ माहङबुराङ से़हया़ येहबा ओ़ह ख्येगी मेहबेकेन्दीॱराङ या़हबु यिहम्बा।