रोमी 4:18 - ह्योल्‍मो

¹⁸ किन्‍ज्‍योगी अब्राहामला “ख्‍येती छार्क्‍यीनया़ नामगी कार्माजेबा माहङबु डोज्‍ये येह!” म़ेदी सुङ नाङग्‍यो येहकें। ओहजेला खोती रेहवा च्‍यिॱआङ म़ेहबा येहकें यिहॱनाङ खोगी रेहवा पेहती यिह छ्य़ेसीन, ओहले खो क्‍यिहपा माहङबुराङगी आबा काहल्‍सीन।

रोमी 4:18 ပူးပေါင်းရင်းမြစ်များ

लूका 1:18

ओहले जकरियागी स्‍यिहङगामकी स्‍याहप्‍च्‍यीला मासीन, “दि ताम तेहम्‍बाराङ तेहन्‍दा डुप्‍च्‍ये येह म़ेदी ङाहगी काहन्‍डुमु पेहती यिह छ्य़ेज्‍ये? ता़ह ङाहॱआङ केहपु काहल सिहन्‍सीन ओहले ङाहगी पी़हमीॱआङ क़ेहमु काहल सिहन्‍दी येह!”

ल़ेह-पेन 27:25

ओ़ह सोङबे ख्‍या फ़ेबेॱया ज्‍यी़ माहनाङ च्‍यिबेमाना किन्‍ज्‍योगी सुङ नाङग्‍यो ओ़ह स्‍याहल तेहन्‍दा डुप्‍च्‍यु नाङज्‍ये येह म़ेदी ङाहगी यिह-छ्य़े पेहती येह।

रोमी 4:17

छ्य़ेला दि ल़ेहमु प्री़हदी येहबा, “ङाहगी ख्‍येला माहङबुराङ क्‍यिहपाया़की आबा जे़दी येहबा।” किन्‍ज्‍योगी स्‍यिक्‍योया़ला मिहली नाङ थुप्‍कें ओहले येहॱराङ म़ेहबाकी से़हया़ला का नाङदी छ्या़ च्‍य़ू नाङ थुप्‍के म़ेदी यिह छ्य़ेक्‍यो सोङबे मिहरोगी अब्राहाम ङ्याम्‍बु दि ताहम्‍ज्‍या ज़्‍या़ नाङग्‍यो येहकें।

रोमी 4:19

अब्राहामगी कोहङ-लोह क्‍याह च्‍यी़ लेप्‍च्‍ये पेहती येहकें, खो ज्‍यिबुराङ केहपु काहल सिहन्‍दी येहकें ओहले खोगी पी़हमी साराॱआङ आब्‍दाली येहकें यिहॱनाङ अब्राहामकी तेहपा मा-फाम्‍बु काहल्‍दी म़ेहबा येहकें।

रोमी 5:5

रेहवागी ओहराङला सेम स्‍यि मी़हच्‍युएँ, च्‍यिबेमाना किन्‍ज्‍योगी ओहराङला नाम्‍पार-ताहक्‍पा थु नाङदी येह ओहले ओ़ह नाम्‍पार-ताहक्‍पा थुगी ओहराङगी यिहला किन्‍ज्‍योकी चेवा ज़्‍या़ नाङदी येह।

रोमी 8:24

च्‍यिबेमाना दि रेहवालाॱराङ किन्‍ज्‍योगी ओहराङला थार्पा नाङसीन। ता़ह थोङगे से़हला रेहवा पेहकेन्‍दीनी ओ़ह रेहवा पेहक्‍यो मिहम्‍बा। च्‍यिबेमाना थोङग्‍यो से़हला सुगी रेहवा पेहकें ले?

हिब्रू 6:19

दि रेहवागी ओहराङगी मिहलीला युहङ च्‍य़ूज्‍ये म़ेह। दि रेहवा योल्‍बा नाहङगी नाम्‍पार-ताहक्‍पा ग्‍या़ थु स्‍य़ूहगे।