Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




रोमी 4:15 - ह्योल्‍मो

15 ता़ह छ्य़े-ठिम ज़्‍या़ फान्‍ज्‍योनी मिहगी मी़हचीसी माना किन्‍ज्‍यो थुयाल ज़्‍याङ नाङगे, यिहॱनाङ छ्य़े-ठिम मे़हसीमानानी ओ़हला छ्य़े-ठिम गोम्‍गेन्‍की केच्‍याराङ मेहयोहङगे।

အခန်းကိုကြည့်ပါ။ ကော်ပီ




रोमी 4:15
26 ပူးပေါင်းရင်းမြစ်များ  

का़हलेॱआङ ङाह ओहङदी खुङला दि तामया़ माहस्‍येपा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ ता़हनी खुङला राहङगी तिहक्‍पाकी तेहन्‍दाला च्‍यिॱआङ तेलेन पेहकें ग्‍या़ॱराङ म़ेह।


का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।


च्‍यिबेमाना ओहराङला किन्‍ज्‍योगी राहङगी दिनला काह-ठि पेहती ठाबे सी़ह च्‍यु नाङगे माएँ ताम या़हबु लेहङगुगी तेन्‍गे। ओहले दिदी ओहराङगी छ़ूगे यिहन्‍ज्‍यु तिङ थु तेहपा लाहमले च्‍यी़राङ ज्‍योर ख़ूएँ। छ्य़ेला दि ल़ेहमु प्री़हदी येहबा, “मिह टाहङबु तेहपा लाहमलेॱराङ थार्च्‍ये येह।”


छ्य़े-ठिम नाङगे म़ेदी तोहङलेॱआङ जाम्‍बुलीङला तिहक्‍पा येहकें, यिहॱनाङ का़हला छ्य़े-ठिम मेहयोहङगे, ओ़हला तिहक्‍पाकी टाहङजीॱआङ मेहयोहङगे।


स्‍यिवाकी तुह तिहक्‍पा यिहम्‍बा, तिहक्‍पागी ओङ छ्य़े-ठिम यिहम्‍बा


छ्य़े-ठिमकी ल़ेहया़ थो़ला यिह छ्य़ेगे मिह थाम्‍ज्‍यीला मे़मु सू़हदे येहबा, च्‍यिबेमाना छ्य़ेला दि ल़ेहमु प्री़हदे येहबा, “छ्य़े-ठिमला प्रुहक्‍योकी थाम्‍ज्‍यीराङ काया़ मी़हचीगे दाङ मिहङ्यीहन्‍गे मिह थाम्‍ज्‍यीला मे़मु सू़हज्‍ये येह।”


ओ़हठी यिहन्‍सीमानानी ता़ह छ्य़े-ठिम च्‍यिबे कोहसीन ले? तिहक्‍पा ङोह स्‍य़े ख़ूज्‍यु म़ेदी छ्य़े-ठिम नाङग्‍यो यिहम्‍बा ओ़ह सोङबे तोहदाम ज़्‍या़ नाङग्‍योकी अब्राहामकी छार्क्‍यीन माहफेप थु दि छ्य़े-ठिम कोहपु काहल्‍ग्‍यो यिहम्‍बा। छ्य़े-ठिम स्‍यिहङगामकी स्‍याहप्‍च्‍यीया़ लाहमले मोशागी मिहया़ला नाङसीन।


सुज्‍यीगी ख्‍याया़ला चिहन क्‍याहप्‍ती गो़ कोर मा़हखुज्‍यु। दि ल़ेहमु केच्‍याया़गी पेहतीराङ मिहङ्यीहन्‍गे मिहया़गी थो़ला किन्‍ज्‍योकी थुयाल बाप्‍के।


दि से़हया़गी पेहतीराङ किन्‍ज्‍योगी थुयाल मिहरोगी का मिहची़एँगी मिहया़ थो़ला बाप्‍च्‍ये येह।


तिहक्‍पा पेहकेनया़गी छ्य़े-ठिम गोम्‍गे। च्‍यिबेमाना छ्य़े-ठिम मी़हचीगेन्‍दीराङ तिहक्‍पा यिहम्‍बा।


क्‍यिहपा-क्‍यिहपागी मिहया़ला सेच्‍येला मिहरोगी स्‍याहलले पादाङ नुम्‍बु च्‍यी़ थेन्‍सीन, ओहले मिहरोगी च्‍या़गी प्रेहकागी खुङया़ थो़ला ठिम ताङ नाङज्‍ये येह। ओहले कोलला कुहन्‍डुम च्‍यिर्ते खुइ तेन्‍ग्‍यो ल़ेहमु मिहरोगी ओङज्‍या छ्यिम्‍बु नोम नाङगे किन्‍ज्‍योगी थुयालगी कोलला खुङया़ला च्‍यिर नाङज्‍ये येह।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ