रोमी 3:5 - ह्योल्मो5 यिहॱनाङ ओहराङगी पेहक्यो ल़ेह चोक्पाया़गी किन्ज्योला तोहरोङ टाहङबु यिहन म़ेदी तेन्गे मासीमाना ता़ह ङ्यिहगी च्यि माज्ये ले? च्यि किन्ज्योकी थुयाल ओहराङ थो़ला बाप्केमु मिहरोगी आन्या जे नाङगे ले? (लाहला मिहया़गी दि ल़ेहमुराङ साम्लु ताङगे।) အခန်းကိုကြည့်ပါ။ |
रोमी 3:5
32 ပူးပေါင်းရင်းမြစ်များ
मिह-ज़ुबुला ते़बे माहङबुराङ मा फाम्बुया़ ओहङगे ओ़ह ल़ेहमु मा-फाम्बु ख्या ङ्याम्बुॱआङ येहकें सोङबे ङाह ख्याया़गी ङोह स्य़े ख़ूएँ पेहती ताम माएँराङ येहबा। च्यिबेमाना ख्याया़गी लेहमा च्यी़ राहङ ज़ुबुकी ओङबुया़ला मेहचाङा दाङ तोहरोङ माहङबु तिहक्पाया़ पेहच्येला चि क्याहप्क्यो येहकें, ता़ह ओ़हठीॱराङ पेहती नाम्पार-ताहक्पा ओहङज्येला राहङ ओङबुया़ला टाहङदेनकी योक्पु ज़ोज्येला चि क्याहप्तोङ।
ओ़हठी यिहन्सीमाना ता़ह ओहराङगी च्यि माज्ये? च्यि छ्य़े-ठिम तिहक्पा यिहम्बा? का़हला यिहन्ज्ये, मिहम्बा। का़हलेॱआङ छ्य़े-ठिम म़ेहबा यिहनानी ङाहगी तिहक्पा च्यि यिहम्बा म़ेदी ह्अॱराङ कोहच्ये म़ेहबा येहकें, च्यिबेमाना “ख्येगी ह्अम्बा माहबे” म़ेदी छ्य़े-ठिमगी मा़हमेबा यिहनानी ह्अम्बा पेहक्योदी तिहक्पा यिहम्बा माएँ ताम ङाहला क्यी़हराङ ज्योर्च्ये म़ेहबा येहकें।
ख्या थो़ला बाप्क्यो तुहक्पु लाहमले किन्ज्योगी च्यि जे नाङबा, टेहम्बा साल्दोङ, दि तुहक्पुगी ख्याया़ला तेहम्बा-तेहन्सुम ज़ोसीन, च्यिॱआङ क्येन म़ेह म़ेदी तेन्ज्येला सेमला मेह ती़ह च्य़ूसीन, ख्याया़ला काहन्डुमु स्यिहताङ लाहङ च्य़ूबा, ख्याला काह-ठि तुहङाल लाहङ च्य़ूबा, ख्याला काह-ठि नोम्साङ ताङ च्य़ूबा ओहले किन्ज्योला क्याप्च्येला काहन्डुमु सेम्बा क्ये च्य़ूबा। ख्याया़ नाहङला तिहक्पा पेहकेनया़ला ङ्य़ेहबा काल्गेन्गी सेमॱआङ क्येसीन। दि थाम्ज्यी लाहमले ख्याया़ला च्यिॱआङ क्येन मेह माएँ ताम क्यी़ह ज्योर्के।
खुङया़गी दि ल़ेहमु म़ेदी किन्ज्योला स्याहप्तो स्युहएँ मोशा दाङ ल़ूह स्ये़बुकी लु लेहन्गेनॱराङ येहकें, “ए वाङज्या छ्यिम्बु नोम नाङगेन्गी चो़वो छ्येवा किन्ज्यो, राहङगी जे नाङगेन्गी छ्या़लेया़ काहजे छ्यिम्बु दाङ याहम्जेन छ्येवाच्यी दु! काल्बा-काल्बा थुराङ ज़्य़ू नाङगेन्गी थाम्ज्यी म़ेदी चा छ्यिम्बुगी क्याहल्बु, राहङगी फेप-लाहमया़ टाहङदेन दाङ तेहन्दाम येह।
ကြော်ငြာတွေ