रोमी 3:4 - ह्योल्मो4 ओ़हठी माहयोहङज्यु, मिह थाम्ज्यीगी स्योप क्याहपॱनाङ किन्ज्योगी नाहमॱआङ स्योप क्याहप मेहनाङगे। छ्य़ेला दि ल़ेहमु प्री़हदी येहबा, “राहङगी सुङ नाङग्योकी स्याहलला राहङ ठाबे दु म़ेदी मिहया़गी थोङज्ये येह ओहले ठिम ताङ नाङगेन ङ्यिहमाला राहङगीराङ क्याहल नाङज्ये येह।” အခန်းကိုကြည့်ပါ။ |
रोमी 3:4
33 ပူးပေါင်းရင်းမြစ်များ
ओ़ह सोङबे देजे या़हबा छ्य़े-ठिमगी ङाहलाराङ च्यिबे स्यिवाला क्याल्बा ले? ओ़हठी मिहम्बा यिहॱनाङ तिहक्पागी गा ङाहला स्यिवाला क्याहल्ग्यो यिहम्बा। या़हस्यो छेन्ज्या चाल ती़दी तिहक्पागी राहङगी तेहन्दामकी छेन्दा तेन्ज्येला ङाहला स्यि च्य़ूसीन। ओ़ह सोङबे का़ लाहमले तिहक्पा तोहरोङ माहङदे काहल्सीन।
ओ़हठी यिहन्सीमाना ता़ह ओहराङगी च्यि माज्ये? च्यि छ्य़े-ठिम तिहक्पा यिहम्बा? का़हला यिहन्ज्ये, मिहम्बा। का़हलेॱआङ छ्य़े-ठिम म़ेहबा यिहनानी ङाहगी तिहक्पा च्यि यिहम्बा म़ेदी ह्अॱराङ कोहच्ये म़ेहबा येहकें, च्यिबेमाना “ख्येगी ह्अम्बा माहबे” म़ेदी छ्य़े-ठिमगी मा़हमेबा यिहनानी ह्अम्बा पेहक्योदी तिहक्पा यिहम्बा माएँ ताम ङाहला क्यी़हराङ ज्योर्च्ये म़ेहबा येहकें।
तेहम्बाराङ किन्ज्योला क्याप्केन्गी तेहन्दा ङोहॱराङ स्ये मी़हखुएँगी नाहङ-ताम काहजे छ्यिम्बु येहबा? मास्यीका मिहगी पी़नाङ नोम्दी फेप नाङसीन, नाम्पार-ताहक्पा थुगी मिहरोला टाहङबु यिहम्बा म़ेदी तेन नाङसीन ओहले मिहरोला स्यिहङगामकी स्याहप्च्यीया़गीॱआङ थोङसीन। ओहले मिहरोकी तेहन्दाला लुहङबा लुहङबागी मिहया़गी थ़ेसीन, जाम्बुलीङला मिहरोला मिहया़गी यिह-छ्य़े पेहसीन ओहले किन्ज्योगी मिहरोला येहपाराङ स्यिहङगामला ज्यिबुराङ चा़ जेती नोम फेप्सीन!
“फिलाडेल्फियाकी छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘किन्ज्योॱराङ नाम्पार-ताहक्पा दाङ तेहन्दाम यिहन, मिहरो ङ्याम्बुराङ क्याहल्बु दाऊदकी दिमी येहबा, मिहरोगी खा फे़ नाङग्योकी कोह सुज्यीगीॱआङ क्याहप मी़हखुएँ ओहले मिहरोगी क्याहप नाङग्योकी कोह सुज्यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।
ကြော်ငြာတွေ