रोमी 3:31 - ह्योल्‍मो

³¹ ता़ह च्‍यि ओहराङ दि यिह-छ्य़े लाहमलेॱराङ छ्य़े-ठिम गोम्‍ज्‍ये ले? मिहम्‍बा, ओ़ह ल़ेहमु मिहन! तोहरोङ ओहराङगीनी छ्य़े-ठिम तोहङमा काहन्‍डुमु येहबा ओ़हठीॱराङ ज़्‍या़गे मिहया़ गा यिहम्‍बा।

रोमी 3:31 ပူးပေါင်းရင်းမြစ်များ

मत्ती 15:6

खोगीदी राहङगी आबा-आमाला स्‍याहप्‍तो स्‍युह मेहकोएँ। दि ल़ेहमु पेहती ख्‍याया़ राहङदीराङ पे-ठिम ङो़ले ग्‍युर्ती ख्‍याया़गी किन्‍ज्‍योगी काला फेन मे़हथोएँ ज़ोसीन।

मत्ती 3:15

यिहॱनाङ येशूगी खोला सुङ नाङसीन, “ताहन्‍दागी ती़हजीला दि रोहवाॱराङ डोज्‍यु, किन्‍ज्‍योगी थुला ठुङग्‍यो ल़ेहमुराङ तेहन्‍दा डुप च्‍य़ूज्‍येला ओहराङगी नाहरे दि ल़ेहमुराङ पेह कोहकें।” ओहले येशूगी दि स्‍याहल ङ्यिहन्‍दी यूहन्‍नागी येशूला बप्‍तिस्‍मा तेर्सीन।

मत्ती 5:17

“मोशागी नाङग्‍योकी छ्य़े-ठिम दाङ लुहङतेम्‍बाया़गी सुङ नाङग्‍यो स्‍याहल च्‍येच्‍येला ङाह ओहङग्‍यो म़ेदी मा़हने। ङाह ओ़ह मोशागी नाङग्‍योकी छ्य़े-ठिम दाङ लुहङतेम्‍बाया़गी सुङ नाङग्‍योकी स्‍याहल च्‍येच्‍येला मिहम्‍बा यिहॱनाङ तेहन्‍दा डुप च्‍य़ूज्‍येला ओहङग्‍यो यिहम्‍बा।

मत्ती 5:20

ओ़ह सोङबे ङाह ख्‍याया़ला माएँ, छ्य़े-ठिमगी काया़ला छ्य़े-ठिमकी लोबेनया़ दाङ फरिसीया़गी म़ेदी या़हबु पेहती मी़हचीसीमानानी ख्‍याया़ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह।”

लूका 20:16

“ओहले स्‍यिहङ ताहक्‍पु ओहङदी खुङया़ला सेच्‍ये येह, ओहले कुहन्‍डुम स्‍यिहङ लेहमेन मिहया़ला तेर्च्‍ये येह।” मिहया़गी दि ताम थे़दी मासीन, “दि ल़ेहमु नाहमॱआङ माहयोहङज्‍यु!”

रोमी 10:4

च्‍यिबेमाना यिह छ्य़ेगेया़ टाहङबु सी़ह ख़ूज्‍यु म़ेदीराङ मास्‍यीकागी छ्य़े-ठिम छाङबु जे नाङसीन।

रोमी 2:20

ओहले ख्‍येगी उल्‍दुम्‍बाया़ला लोप्‍ताम क्‍याहप ख़ूएँ ओहले च्‍यिॱआङ मे़हस्‍येगेनया़ला लोप्‍च्‍युङ तेर ख़ूएँ, च्‍यिबेमाना ख्‍येगी छ्य़े-ठिम लाहमले थाम्‍ज्‍यी येहन्‍देन दाङ तेहन्‍दाम ङोह स्‍य़े सिहन्‍दी येह।

रोमी 3:4

ओ़हठी माहयोहङज्‍यु, मिह थाम्‍ज्‍यीगी स्‍योप क्‍याहपॱनाङ किन्‍ज्‍योगी नाहमॱआङ स्‍योप क्‍याहप मेहनाङगे। छ्य़ेला दि ल़ेहमु प्री़हदी येहबा, “राहङगी सुङ नाङग्‍योकी स्‍याहलला राहङ ठाबे दु म़ेदी मिहया़गी थोङज्‍ये येह ओहले ठिम ताङ नाङगेन ङ्यिहमाला राहङगीराङ क्‍याहल नाङज्‍ये येह।”

रोमी 3:6

ओ़ह ल़ेहमु मिहम्‍बा! ओ़हठी यिहन्‍सीमानानी, किन्‍ज्‍योगी जाम्‍बुलीङला काह-ठि जेती ठिम ताङ नाङ ख़ूज्‍ये ले?

रोमी 4:14

का़हलेॱआङ छ्य़े-ठिम ची़गेया़गी च्‍यी़राङ ओङ ज्‍योर्के यिहन्‍सीमानानी ओहराङगी किन्‍ज्‍योला तेहपा पेहक्‍योदीनी फेनराङ थो़ज्‍ये म़ेहबा येहकें ओहले किन्‍ज्‍योगी ओहराङ ङ्याम्‍बु ज़्‍या़ नाङग्‍योकी ताहम्‍ज्‍याॱआङ स्‍यिती काम्‍बुला थोरो डोज्‍ये येहकें।

रोमी 7:22

च्‍यिबेमाना ङाह राहङगी सेम तिहङ यिहन्‍ज्‍युराङ किन्‍ज्‍योकी छ्य़े-ठिमला काहसो पेहकें।

रोमी 7:25

येशू मास्‍यीका ओहराङ चो़वो लाहमलेॱराङ ङाह किन्‍ज्‍योला थुज्‍यी-छ्ये़ फुल्‍गे। ओ़ह सोङबे ङाह राहङगी सेमगीनी किन्‍ज्‍योकी छ्य़े-ठिमला स्‍याहप्‍तो स्‍युहएँ, यिहॱनाङ ङाहती तिहक्‍पाकी पेहताङ लाहमले ङाहगी तिहक्‍पाकी छ्य़े-ठिमला स्‍याहप्‍तो स्‍युहएँ।

रोमी 8:4

ज़ुबु लाहमले पेहकेन तिहक्‍पाकी पेहताङया़ खुर्ती मिहम्‍बा यिहॱनाङ नाम्‍पार-ताहक्‍पा थु लाहमले मिहजी ताङगेया़गी तेहन्‍दाला छ्य़े-ठिमगी जे नाङज्‍ये जेक्‍योकी छ्या़ले ता़ह तेहन्‍दा डुप्‍ती येह।

१ कोरिन्‍थी 9:21

छ्य़े-ठिम म़ेदी फिला येहकेनया़ला मास्‍यीकाला ख्‍योङ ख़ूज्‍यु म़ेदी ङाह राहङॱआङ किन्‍ज्‍योगी छ्य़े-ठिमला माहगोम्‍बा पेहती मास्‍यीकाकी छ्य़े-ठिमकी ओङ चो़ला तेहती छ्य़े-ठिम म़ेदी फिला येहकें मिहया़ ल़ेहमुराङ काहल्‍सीन।

गलाती 2:19

च्‍यिबेमाना किन्‍ज्‍योकी तेहन्‍दाला थार ख़ूज्‍यु म़ेदीराङ ङाह छ्य़े-ठिम लाहमले छ्य़े-ठिमकी तेहन्‍दाला मास्‍यीका ङ्याम्‍बुराङ क्‍याहङस्‍यीङला स्‍यि सिहन्‍दी येह।

गलाती 2:21

किन्‍ज्‍योकी काटीनला ङाह मा-लोक पेह मी़हखु, च्‍यिबेमाना छ्य़े-ठिम लाहमले टाहङबु सी़हगे यिहन्‍सीमानानी मास्‍यीका स्‍यिती काम्‍बुला टोहङ नाङसीन।