रोमी 3:3 - ह्योल्‍मो

³ खुङया़ नाहङला लाहला मिहया़ यिह-छ्य़ेबु मे़हना च्‍यि काहल्‍बा ले? खुङ यिह-छ्य़ेबु म़ेह म़ेदी च्‍यि किन्‍ज्‍योॱआङ यिह-छ्य़ेबु म़ेहबा ओहङगे ले?

रोमी 3:3 ပူးပေါင်းရင်းမြစ်များ

मत्ती 24:35

नाम दाङ जाम्‍बुलीङ तोङदी डोज्‍ये येह, यिहॱनाङ ङाहगी माक्‍योगी केच्‍याया़ नाहमॱआङ तोङदी डोज्‍ये म़ेह।”

यूहन्‍ना 1:16

मिहरो ङ्याम्‍बु काटीन बोलो-छ्योलो येहकें सोङबे ओ़ह लाहमलेॱराङ ओहराङगी काटीन थो़ला राहङसा काटीन ज्‍योर्ती येहबा।

रोमी 10:16

यिहॱनाङ खुङ थाम्‍ज्‍यीगी या़हबु लेहङगु ची़दे म़ेह, च्‍यिबेमाना यशैयागी दि ल़ेहमु सुङगे, “ओ़ चो़वो, ङ्यिहगी स्‍येक्‍योगी ताम सुगी गा यिह छ्य़ेक्‍यो येहबा ले?”

रोमी 11:29

च्‍यिबेमाना किन्‍ज्‍यो राहङगी नाङग्‍यो काबापया़ नाहमॱआङ लो़दी नोम मेहनाङगे ओहले क़े क्‍याहप नाङग्‍योया़ला नाहमॱआङ क्‍युर ज़्‍या़ मेहनाङगे।

रोमी 9:6

यिहॱनाङ किन्‍ज्‍योकी सुङ तेहन्‍दा माहन्‍डुपानी मिहम्‍बा। च्‍यिबेमाना इस्राएल क्‍यिहपाला क्‍येक्‍योगी मिह थाम्‍ज्‍यी किन्‍ज्‍योगी छार्क्‍यीन मिहम्‍बा,

२ कोरिन्‍थी 3:18

ओहराङ थाम्‍ज्‍यी योल्‍सेन खा फे़क्‍यो तोहङबागी चो़वोकी ज़िज्‍यिद मेहलोङगी ठि पेहती तेन्‍गे, चो़वो थु यिहम्‍बा ओहले मिहरो लाहमले ओहङगेन्‍गी ओ़ह ज़िज्‍यिदगीॱराङ ओहराङला मिहरो ल़ेहमुराङ जे़दी छ्यिम्‍बु ज़िज्‍यिद-च्‍येन ङो़ले नोम फेप नाङगे।

२ थेसलोनिकी 1:3

आदा-नो़ह दाङ आज्‍यी-नुहमुया़, ख्‍याया़गी तेहन्‍दाला नाहम्‍माॱनाङ ङ्यिहगी किन्‍ज्‍योला थुज्‍यी-छ्ये़ फुलॱराङ कोहएँ। ओहले ओ़ह ल़ेहमु पेहक्‍योदी या़हबु यिहम्‍बा च्‍यिबेमाना ख्‍या फे़बे मे़हमेया़की तेहपा माहङरो माहङरो पेहती काहल्‍दी येह। ओहले ख्‍या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।

२ तिमोथी 2:13

ओहराङ यिह-छ्य़ेबु मे़हॱनाङ मिहरोनी यिह-छ्य़ेबु ज़्‍य़ू नाङदी येह, च्‍यिबेमाना मिहरोगी राहङला मा-लोक जे नाङ मी़हखुएँ।”

हिब्रू 4:2

च्‍यिबेमाना ङ्यिहलाॱआङ खुङला ल़ेहमुराङ या़हबु लेहङगु स्‍य़ेक्‍यो यिहम्‍बा। यिहॱनाङ थे़क्‍यो सुङगी खुङया़ला च्‍यिॱआङ फेन मा़हथो, च्‍यिबेमाना थे़गे मिहया़गी या़हबु लेहङगुला तेहपा पेहती लोक माहबे।