रोमी 3:25 - ह्योल्मो25 च्यिबेमाना किन्ज्योगी, तिहक्पा कोहङदा तेर्केन्की मार्च्ये फुल्ज्येला मास्यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्दाला स्याहल च्य़ू नाङसीन म़ेदी यिह छ्य़ेगे मिह थाम्ज्यीगी तिहक्पाकी कोहङदा ज्योर्च्ये येह। दि छ्या़ले किन्ज्योगी राहङगी टाहङदेन तेन्ज्येला जे नाङसीन च्यिबेमाना मास्यीका फेप नाङगे म़ेदी तोहङले किन्ज्योगी राहङगी थुयाल ना़दी ज़्य़ू नाङदी येहकें ओहले तोहङले मिहया़गी पेहक्यो तिहक्पाया़ला नाङदा जे माहनाङ। အခန်းကိုကြည့်ပါ။ |
रोमी 3:25
51 ပူးပေါင်းရင်းမြစ်များ
दि निङबा तिहक्पाकी खमिरला ख्याया़गी तेन्दी क्युरॱराङ कोहएँ। ओहले ख्याया़ या़हबु पेहती चाङमा डो ख़ूज्ये येह। यिहन्ज्येनी ख्या खमिर मा़हलुबा च्योप्क्यो साम्बा चाम्बाराङ यिहन। ओहराङदी थार्पा छ्येपा ठाबे येह च्यिबेमाना ओहराङगी थार्पा नाङगेन्गी मास्यीकाॱराङ ल़ूह स्ये़बु ल़ेहमु जेती मार्च्ये फुल सिहन्दी येह।
तेहपा लाहमलेॱराङ नोआगी ओ़ह ती़हजी थु मी़गी थोङॱराङ माहथोङबा से़हया़गी तेहन्दाला किन्ज्यो लाहमले ज़्योरक्यो काला तेहपा पेहती राहङ खाङबा म़ेहमे थाम्ज्यीला थार च्य़ूज्येला छ्यु-टुह च्यी़ ज़ोसीन। दि ल़ेहमु पेहती नोआगी जाम्बुलीङगी मिह रेबेॱराङ तिहक्च्येम्बा यिहन म़ेदी तेन तेर्सीन ओहले खो राहङदी तेहपा लाहमले किन्ज्योगी दिनला मिह टाहङबु सी़ह ख़ूसीन।
ओ़हठीॱराङ पेहती मिह माहङबुगी तिहक्पाया़ खुर नाङज्येला मास्यीकागी लेहमा च्यी़ राहङगी राहङला मार्च्ये फुल नाङसीन। ओहले मास्यीका येहपाराङॱआङ लेहमा च्यी़ फेप नाङज्ये येह। ओहजे काहङला मिहया़गी तिहक्पाया़ ता़ह च्य़ू नाङज्येला मिहम्बा यिहॱनाङ सेम काहसो पेहती मिहरो फेप नाङगेन्गी फेप-लाहम कू़हदी तेहकेनया़ला थार्पा नाङज्येला फेप नाङज्ये येह।
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ကြော်ငြာတွေ