रोमी 3:22 - ह्योल्मो22 दि ल़ेहमु पेहती येशू मास्यीकाला तेहपागी मिह थाम्ज्यीला किन्ज्योगी टाहङबु सी़ह च्य़ू नाङगे च्यिबेमाना किन्ज्योगी सुलाॱआङ ङ्येम्बा-ङ्य़ेहरी जे मेहनाङगे, အခန်းကိုကြည့်ပါ။ |
रोमी 3:22
30 ပူးပေါင်းရင်းမြစ်များ
ओ़ह सोङबे ताहम्ज्या काटीन लाहमले ओहङगे ओहले तेहपा लाहमले ज्योर्के। ओहले दि ताहम्ज्या अब्राहामकी थाम्ज्यी छार्क्यीनया़गी तेहन्दाला ठीक-ठीक ङ्या़ह-ङ्या़ह काहल सिहन्दी येह। दि ताहम्ज्या छ्य़े-ठिम ची़गे मिहया़गी तेहन्दाला च्यी़राङ मिहम्बा यिहॱनाङ अब्राहामगी ल़ेहमु तेहपा पेहकेन मिह थाम्ज्यीगी तेहन्दालाॱआङ यिहम्बा, च्यिबेमाना अब्राहाम ओहराङ थाम्ज्यीगी आबा यिहम्बा।
च्यिबेमाना च्यिमे च्यी़राङ नाम्पार-ताहक्पा थु लाहमले ओहराङ थाम्ज्यीगी ज़ुबु च्यी़लाॱराङ बप्तिस्मा ज्योर्ती येह– यहूदी यिहॱना़ यिहन, ग्रीक यिहॱना़ यिहन, योक्पु यिहॱना़ यिहन, सुज्यीगी योक्पु माहबेबाकी मिह यिहॱना़ यिहन, ओहराङ थाम्ज्यीला च्यिमे च्यी़राङ नाम्पार-ताहक्पा थु लाहमले थुङज्येला नाङसीन।
यिहॱनाङ, दि केच्या ङ्यिहगी ङोह स्ये़सीन– येशू मास्यीकाला तेहपा पेहना मिहम्बा, छ्य़े-ठिम ची़देनी मिह किन्ज्योगी दिनला टाहङबु सी़ह मी़हखुएँ। ओ़ह सोङबे ओहराङ छ्य़े-ठिम लाहमले मिहम्बा यिहॱनाङ मास्यीका थो़ला पेहक्योकी यिह-छ्य़े लाहमले टाहङबु सी़ह ख़ूज्यु म़ेदीराङ ओहराङगीॱआङ ओहराङगी तेहपा मास्यीका येशू थो़ला ज़्या़क्यो यिहम्बा, च्यिबेमाना छ्य़े-ठिम लाहमले सुज्यीॱआङ टाहङबु सी़ह मी़हखुएँ।
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
ကြော်ငြာတွေ