रोमी 3:2 - ह्योल्मो2 ख्येप्साङनी दिला माहङबुराङ ख्येप्साङ येहबा। थाम्ज्यी म़ेदी तोहङलेनी किन्ज्योगी यहूदीया़ला राहङगी नाम्पार-ताहक्पा सुङ चि क्याहप नाङसीन। အခန်းကိုကြည့်ပါ။ |
रोमी 3:2
29 ပူးပေါင်းရင်းမြစ်များ
खुङ इस्राएलीया़ यिहम्बा ओहले किन्ज्योगी खुङया़ला राहङदीराङ पुह-पोहमो ज़ो नाङसीन। किन्ज्योगी राहङगी ज़िज्यिद खुङया़ला तेन नाङसीन। खुङया़ ङ्याम्बुराङ किन्ज्योगी राहङगी ताहम्ज्या ज़्या़ नाङसीन ओहले खुङला छ्य़े-ठिम नाङसीन, किन्ज्योला स्याहप्तो स्य़ूहज्येला लोप नाङसीन, मिहरोगी ताहम्ज्याया़ खुङया़गी ज्योर्सीन।
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।
ओहले ओ़ह स्यिहङगामकी स्याहप्च्यीला छ्या़ छाल्ज्येला ङाह मिहरोगी स्याहपला खेप्चु क्याहप्सीन। यिहॱनाङ मिहरोगी ङाहला दि ल़ेहमु सुङ नाङसीन, ख्येगी ङाहला दि ल़ेहमु पेहच्ये मेहयोहङगे। ङाहॱआङ येशूगी तेहन्दाला पाङबु तेर्केन्गी ख्ये दाङ ख्येगी नो़हया़ ङ्याम्बु-ङ्याम्बुराङकी रो़ह दाङ योक्पुज्यीराङ यिहम्बा। किन्ज्योला छ्या़ छाल्दोङ! च्यिबेमाना चो़वो येशू मास्यीकागी तेन नाङग्यो तेहन्दामगीॱराङ लुहङतेम्बाया़ला स्युक क्ये च्य़ूएँ।
दि तिङले स्यिहङगामकी स्याहप्च्यीगी ङाहला सुङ नाङसीन, “दि सुङया़ सेमले खाल ख़ूएँ दाङ तेहन्दाम येह। लुहङतेम्बाया़ला नाम्पार-ताहक्पा थु नाङगेन्गी चो़वो छ्येवा किन्ज्योगी राहङगी स्याहप्च्यीया़ला दि ग्यो़बाराङ ओहङज्ये पेहक्योगी तामया़ तेन्ज्येला राहङगी स्यिहङगामकी स्याहप्च्यी ताङ नाङदी येह।”
ကြော်ငြာတွေ