रोमी 2:7 - ह्योल्‍मो

⁷ या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

रोमी 2:7 ပူးပေါင်းရင်းမြစ်များ

मत्ती 25:46

ओहले खुङया़गीदी नाहम्‍स्‍यी किन्‍दुॱराङ ङ्य़ेहबा खुर कोहच्‍ये येह, यिहॱनाङ टाहङबु मिहया़गीदी नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।”

लूका 21:19

सेम माहङग्‍युर्पा पेहती तेहतोङ, ओहले ख्‍यागी तेहन्‍दामगी मिहली ज्‍योर्च्‍ये येह” म़ेदी येशूगी सुङ नाङसीन।

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

यूहन्‍ना 4:36

का़हन्‍दीगी तेन्‍दो टू़हगे खोगी ले़गा ज्‍योर्कें, ओहले नाहमॱआङ मिहस्‍यीएँगी मिहलीगी तेहन्‍दाला खोगी तेन्‍दो टू़हगे, ओहले ताप्‍के दाङ टू़हगेन मिह ङ्याम्‍बुराङ क़ेहनाङ पेहकें।

यूहन्‍ना 5:44

ओहले ख्‍या राहङ नाहङदोङराङ च्‍यी़गी च्‍यी़ ङ्याम्‍बु ची़नाङ छोल्‍गु दु यिहॱनाङ च्‍यिमे च्‍यी़राङ ज़्‍य़ू नाङगेन किन्‍ज्‍यो लाहमले ओहङगेन्‍गी ची़नाङला मेहछोल्‍सीमाना ख्‍यागी काह-ठि पेहती यिह-छ्य़े ख़ूज्‍ये ले?

रोमी 2:10

यिहॱनाङ ल़ेह या़हबु पेहकें थाम्‍ज्‍यीला ज़िज्‍यिद, चा़ दाङ स्‍य़िहदे नाङज्‍ये येह तोहङस्‍यो यहूदीया़ला ओहले लेहमेन क्‍यिहपाकी मिहया़ॱलाङ।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

रोमी 8:18

च्‍यिबेमाना ङाहती सेमला दि ल़ेहमु ने़उ दु, ओहराङ थो़ला तेन नाङगे ज़िज्‍यिद ङ्याम्‍बु ताहन्‍दाकी तुहक्‍पुया़ तुहर मी़हखुएँ।

रोमी 9:23

ज़िज्‍यिदकी तेहन्‍दाला तोहङलेराङ ठाबे जे नाङग्‍यो किन्‍ज्‍योगी थुज्‍यी ज़ी़ नाङग्‍योकी मिहया़ला राहङदी ज़िज्‍यिदकी क्‍युह तेन नाङज्‍येला मिहरोगी दि ल़ेहमु जे नाङसीन।

१ कोरिन्‍थी 15:42

स्‍यिक्‍यो मिहया़ सोम्‍बो लो़हगेमु ओ़हठीॱराङ ओहङगे। ज़ुबु स्‍यिएँमु साला पिहप्‍के, यिहॱनाङ ओ़ह सोम्‍बो लो़हगेमु नाहमॱआङ मिहस्‍यीएँगी मिहजी लेहन्‍दी लाहङगे।

१ कोरिन्‍थी 15:50

आदा नो़ह दाङ आज्‍यी-नुहमुया़, ङाहगी माज्‍ये छोल्‍ग्‍यो ताम दिराङ यिहम्‍बा, स्‍या दाङ ठा़गी किन्‍ज्‍योगी क्‍याहल्‍सीला स्‍य़ूहज्‍येला ओङ ज्‍योर मी़हखुएँ। ओहले तोहङदी डोएँ ज़ुबुगी नाहमॱआङ मेहतोङगेन ज़ुबुगी ओङ ज्‍योर मी़हखुएँ।

१ कोरिन्‍थी 15:58

ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।

गलाती 6:9

या़हबु ल़ेह पेहच्‍येकी तेहन्‍दाला ओहराङ नाहमॱआङ थाङ छ्येच्‍ये मेहयोहङगे च्‍यिबेमाना का़हलेॱआङ ओहराङ खोदा माहछ्येपा पेहती या़हबु ल़ेहया़ पेहतीराङ तेहसीन माना ती़हजी लेप फान्‍ज्‍योनी ओहराङगी राहङगी कामेया़ रु-ङ्युहङज्‍ये येह।

एफिसी 6:24

ओहराङ चो़वो येशू मास्‍यीकाला नाहम्‍स्‍यी किन्‍दुॱराङ चेवा पेहकें मिह थाम्‍ज्‍यी ङ्याम्‍बु किन्‍ज्‍योगी काटीन ज़्‍य़ू नाङज्‍यु।

कलस्‍सी 1:27

खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।

१ तिमोथी 1:17

ता़ह नाहम्‍स्‍यी किन्‍दुगी क्‍याहल्‍बु, नाहम-माना ज़्‍य़ू नाङगे ओहले थोङ मी़हखुएँगी च्‍यी़मे च्‍यी़राङ किन्‍ज्‍योला नाहम-माना ची़नाङ ओहङज्‍यु, नाहम-माना ज़िज्‍यिद ओहङज्‍यु। आमेन।

२ तिमोथी 1:10

ओ़ह काटीन ता़ह ओहराङला थार्पा नाङगेन मास्‍यीका येशू फेप्‍तीलेॱआङ तेन नाङ सिहन्‍दी येह। मिहरोगी स्‍यिएँगी ओङला तोङ च्‍य़ू नाङदी मिहली दाङ नाहमॱआङ मे़ह-तोङगेन्‍दीला या़हबु लेहङगु लाहमले तेन नाङसीन।

हिब्रू 2:7

राहङगी खोला याहम्‍बीज्‍यीगी तेहन्‍दाला च्‍यी़राङ स्‍यिहङगामकी स्‍याहप्‍च्‍यीया़ म़ेदी फेमा ज़ो नाङसीन। राहङगी खोला ज़िज्‍यिद दाङ ची़नाङ जेती पेस्‍यो केन नाङसीन।

हिब्रू 6:12

ओ़हठी पेहसीनमाना ख्‍याया़गी ल़ेहमी-लाहम पेहच्‍ये म़ेह यिहॱनाङ तेहपा दाङ ना़स्‍यीङ छ्यिम्‍बु पेहती किन्‍ज्‍योकी ताहम्‍ज्‍या तेहन्‍दा डुप च्‍य़ूगेन्‍गी मिहया़ ल़ेहमु डोज्‍ये येह।

हिब्रू 6:15

अब्राहामगी ना़स्‍यीङ छ्यिम्‍बु पेहती कू़हदी तेहसीन ओहले किन्‍ज्‍योगी ताहम्‍ज्‍या ज़्‍या़ नाङग्‍योकी मेलामया़ खोगी ज्‍योर्सीन।

१ यूहन्‍ना 2:25

ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।