रोमी 2:5 - ह्योल्‍मो

⁵ यिहॱनाङ ख्‍याया़गी राहङगी सेम सान्‍दी पेहती स्‍या़बा माहन्‍डुपा सोङबे किन्‍ज्‍योकी थुयालकी ङ्यिहमाला ख्‍याया़ला जेन छ्यिम्‍बु ङ्य़ेहबा फो़ज्‍ये येह, ओहजेला किन्‍ज्‍योगी ठिम टाहङबु जेती ताङ नाङग्‍योदी मिह थाम्‍ज्‍यीगी थोङज्‍ये येह।

रोमी 2:5 ပူးပေါင်းရင်းမြစ်များ

रोमी 1:18

स्‍यिहङगामले माहर किन्‍ज्‍योकी थुयाल मिहया़की तिहक्‍पा दाङ ल़ेह ङ्येहम्‍बाया़ थो़ला बाप्‍ती येह। ओ़ह मिहया़गी राहङगी पेहक्‍योगी ल़ेह ङ्येहम्‍बाया़गी पेहतीराङ तेहन्‍दामला नेम ज़्‍या़दी येहबा।

रोमी 11:25

आदा-नो़ह दाङ आज्‍यी-नुहमुया़, ख्‍यागी तिहङ रिहङबु केच्‍या च्‍यी़ ङोह स्‍ये़ज्‍यु माएँ ङाहती सेम्‍बा येहबा। ओ़ह ख्‍याला क्‍यी़ह ज्‍योर्सीन माना ख्‍यागी राहङगी तेहन्‍दाला छ्य़ेन्‍दो तेन्‍ज्‍ये म़ेह। दि तिहङ रिहङबु केच्‍या दि ल़ेहमु येहबा, ओहङ कोहएँगी लेहमेन क्‍यिहपाकी मिहया़ मास्‍यीकाला माहयोहङ थु च्‍यी़राङ इस्राएलीया़गी यिह सान्‍दी ओहङज्‍ये येह।

रोमी 9:22

ओ़हठीॱराङ पेहती किन्‍ज्‍योगी राहङगी थुयाल दाङ ओङ तेन नाङज्‍येला मिहरोगी तोङ च्‍य़ू नाङज्‍येला ठाबे जे नाङग्‍योगी थुयालकी मिहया़ला ज्‍यिबुराङ ना़स्‍यीङ छ्यिम्‍बु जेती ना़दी ज़्‍य़ू नाङग्‍यो येहबा।

२ कोरिन्‍थी 5:10

च्‍यिबेमाना ङ्यिहमा च्‍यी़ ओहराङ थाम्‍ज्‍यीला मास्‍यीकागी ठिम ताङ नाङज्‍ये येह ओ़ह ती़हजीला ओहराङ थाम्‍ज्‍यी मास्‍यीकागी दिनला लाहङ कोहच्‍ये येह। ओहराङगी दि मिहजीला ल़ेह या़हबु, चोक्‍पा च्‍यि च्‍यि पेहक्‍यो येहबा ओ़हला ते़बे सेदो ज्‍योर्च्‍ये येह।

२ थेसलोनिकी 1:5

किन्‍ज्‍योकी टाहङबु ठिमकी दास्‍यी दिराङ यिहम्‍बा ख्‍या फ़ेबे-म़ेहमेॱया किन्‍ज्‍योगी क्‍याहल्‍सीला स्‍य़ूहज्‍येला सी़ह ख़ूज्‍यु, ओ़हगी तेहन्‍दाला ख्‍या नाहरे तुहक्‍पु खुर्केॱराङ येहबा।

हिब्रू 3:13

नाहम थु “तिहरीङगी ङ्यिहमा” माएँ ताम येहबा, ओ़ह थु च्‍यी़गी च्‍यी़ला लोप्‍ताम क्‍याहप्‍तोङ। मिहन्‍सीमाना तिहक्‍पाकी गो़-कोर च्‍य़ूदी ख्‍यागी सेमला सान्‍दी जे-तेर्वा।

हिब्रू 3:15

छ्य़े-ठिमगी दि ल़ेहमु सुङ नाङगे, “तिहरीङ ख्‍यागी किन्‍ज्‍योकी सुङ-क़े थ़ेसीन माना ख्‍यागी आख्‍ये मे़हमेया़गी किन्‍ज्‍योला टाह पेहती सेम सान्‍दी पेहक्‍यो ल़ेहमु माहबे।”

हिब्रू 4:7

ओ़ह सोङबे किन्‍ज्‍योगी लेहमेन ङ्यिहमाला येहपाराङ “तिहरीङ” म़ेदी सुङ नाङसीन। ओ़हठीॱराङ पेहती लो़ह माहङबु तिङले येहपाराङ किन्‍ज्‍योगी दाऊद लाहमले दि ल़ेहमु सुङ नाङसीन “तिहरीङ ख्‍यागी किन्‍ज्‍योगी सुङ-क़े थ़ेसीन माना ख्‍यागी सेम सान्‍दी माहबे।”

याकूब 5:3

ख्‍यागी सेर ङुलया़ला या़ क्‍याहप सिहन्‍दी येह। ओ़ह या़ॱराङ ख्‍याला टाह पेहती पाङबु ओहङज्‍ये येह, ओहले ओ़ह या़गी मेहगी ल़ेहमुराङ पेहती ख्‍यागी ज़ुबुला दाक ताङज्‍ये येह। दि ज्‍युक्‍स्‍योलगी ङ्यिहमाया़ला ख्‍यागी क्‍युह नोहरया़ सी़ ज़्‍या़दी येह।

२ पत्रुस 2:9

दि ल़ेहमु जेती टाहङबु मिहला ङ्याहम्‍छेलेगी थार च्‍य़ूज्‍ये दाङ तिहक्‍च्‍येम्‍बा मिहया़ला ठिम ताङ नाङगे ङ्यिहमा थु सी़दे ज़्‍या़ नाङज्‍येला चो़वोगी ङोह ख्‍येन्‍गे।

२ पत्रुस 3:7

यिहॱनाङ ओ़ह सुङगीॱराङ किन्‍ज्‍योला मे़हक्‍याप्‍के मिहया़ला ठिम ताङ नाङज्‍येला तोङ च्‍य़ू नाङगेन्‍गी ङ्यिहमा थु ताहन्‍दाकी नाम दाङ जाम्‍बुलीङगी मेहकी तेहन्‍दाला सी़दे ज़्‍या़ नाङदी येह।

यहूदा 1:6

किन्‍ज्‍योगी नाङग्‍यो ओङ चो़ला माहतेहपा पेहती राहङगी ग्‍या़ क्‍युर ज़्‍या़दी डोएँगी स्‍यिहङगामकी स्‍याहप्‍च्‍यीया़ला मिहरोगी साप्‍स्‍यी तिहङकी ना़-जुबेला ठिम ताङ नाङगेन ओ़ह छ्यिम्‍बु ङ्यिहमा थु नाहम-आङ स्‍योर मी़हखुएँ पेहती ताहम्‍दी ज़्‍या़ नाङदी येह।

ज्‍याल्‍गा 2:21

ङाहगी मोहला तिहक्‍पालेगी स्‍या़बा डुप्‍च्‍येला लोहङ तेर्सीन, यिहॱनाङ मोहगी छ्येउ-छ्येंमु पेहतीराङ तेहसीन।

ज्‍याल्‍गा 6:17

च्‍यिबेमाना ता़ह मिहरोया़की थुयाल बाप ओहङगेन्‍गी ङ्यिहमा छ्यिम्‍बु ओहङ सिहन्‍दी येह, ओहले ओ़ह थुयालगी दिनला सु लाहङ खू़रो?”